05/02/2022
ပေႃးထၢမ်ဝႃႈႁဝ်းသုမ်းၺၢၼ်ႇပိူၼ်ႈမိူဝ်ႈလႂ်
ႁဝ်းသုမ်းၺၢၼ်ႇပိူၼ်ႈမိူဝ်ႈ (1995 ) မိူဝ်ႈၵၢင်ပီ (1995 ) ၼၼ်ႉ၊ၸဝ်ႈၵၢၼ်းယွတ်ႈလႆႈႁပ်ႉၶေႃႈၵႂၢမ်းသူၼ်းပဝ်ႇၶဝ်ႈႁူလၢႆတီႈလၢႆတၢင်း
လႄႈၸင်ႇလႆႈၽၢတ်ႇဢွၵ်ႇၸဝ်ႈၶုၼ်သႃႇၵႂႃႇတင်ႈတူဝ်ႁင်းၵူၺ်း။
မီးမႃးၵႂၢမ်းသႄႉၼႄးၸဝ်ႈၶုၼ်သႃႇတင်းၼမ်
ႁဵတ်းႁႂ်ႈၵူၼ်းတင်းမိူင်းၸင်းၸဝ်ႈၶုၼ်သႃႇ ၵူၼ်းသိုၵ်းၼႂ်း( MTA) ဢၼ်ပဵၼ်လုၵ်ႈၼွင်ႉၵဝ်ႇ ၸဝ်ႈၵွၼ်းၸိူင်းလႄႈ ၸဝ်ႈၸၢမ်မႂ်ႇၼၼ်ႉၵေႃႈလွမ်လႅမ်လၵ်ႉပၢႆႈဢွၵ်ႇ (MTA) သေၵႂႃႇႁူမ်ႈၸဝ်ႈၵၢၼ်းယွတ်ႈ (SSNA )ထိုင်တီႈ (SSNA) လႆႈလိုပ်ႈလမ်း လုၵ်ႈၼွင်ႉၸဝ်ႈၶုၼ်သႃႇ (MTA )ၼႂ်းမိူင်းတႆးတၢင်းတူၵ်းၶူင်း။
ႁဵတ်းႁႂ်ႈႁႅင်းၸႂ် (MTA) တူၵ်းၼမ် ၸဝ်ႈၶုၼ်သႃႇၶမ်ၸႂ် တၢင်းတိူၵ်ႈတၼ်ဢမ်ႇႁၼ်တၢင်းဢွၵ်ႇ ပေႃးဝႃႈသိုၵ်းဝ (UWSA) ႁူႉဝႃႈတႆးတႅၵ်ႇၵၼ် ၵေႃႈ သိုၵ်းဝၶိုၼ်ႈတိုၵ်းလွႆလၢင်း တင်းဝၼ်းတင်းၶိုၼ်း ယွၼ်ႉပိူဝ်ႈၵူၼ်းသိုၵ်းတႆးဢၼ်ႁပ်ႉတိုၵ်းတီႈလွႆလၢင်းၼၼ်ႉ လႆႈႁူႉဝႃႈတႆးတႅၵ်ႇၵၼ်တၢင်းတူၵ်းၶူင်းၼၼ်ႉ ပဵၼ်ၸဝ်ႈၵၢၼ်းယွတ်ႈမူတ်းယဝ်ႉၼႆလႄႈ ႁဵတ်းႁႂ်ႈႁႅင်းၸႂ်ၵူၼ်းသိုၵ်းလွႆလၢင်းတူၵ်း ဢမ်ႇမီးၸႂ်ၶႂ်ႈတိုၵ်း တႄႇဢဝ်လိူၼ်ထူၼ်ႈႁူၵ်းပီ (1995 ) ထိုင်လိူၼ်ထူၼ်ႈၼိုင်ႈပီ( 1996) ၶၢဝ်းတၢင်းႁူၵ်းလိူၼ် (MTA) တႅၵ်ႇၵၼ်ၸင်းၵၼ်လမ်းတိုၵ်းၵၼ် ၸဝ်ႈၶုၼ်သႃႇဝူၼ်ႉဝႃႈပေႃးလႆႈငမ်းယဵၼ်တီႈမၢၼ်ႈတေလီမႃး ၸင်ႇလႆႈသူင်ႇၵူၼ်းၵပ်းသိုပ်ႇမၢၼ်ႈႁႂ်ႈလႆႈငမ်းယဵၼ်မိူၼ် (SSPP) လႄႈ(SSNA) တင်း(UWSA) ၶဝ်ၸိူဝ်းၼႆႉ ၵူၺ်းၼႃႇမၢၼ်ႈႁူႉဝႃႈ ၸဝ်ႈၶုၼ်သႃႇတိူၵ်ႈတၼ်ယဝ်ႉဢမ်ႇၸၢင်ႈႁဵတ်းႁိုဝ်ယဝ်ႉ မၢၼ်ႈၸင်ႇပၼ်ၵႂၢမ်းပွတ်းပွတ်းတီႈၸုမ်းၸဝ်ႈၶုၼ်သႃႇဝႃႈ ႁႂ်ႈဝၢင်းၶိူင်ႈယွၼ်ႉသူမီးမၢႆလမ်ယွၼ်ႉယႃႈ ၼႆလႄႈ ၸုမ်းၸဝ်ႈၶုၼ်သႃႇၶဝ်ၵေႃႈၸင်ႇတူၵ်းလူင်းဝၢင်းၶိူင်ႈ မိူဝ်ႈဝၼ်းထိ
(7 ,1 , 1996 ) တေလႆႈဝႃႈႁဝ်းသုမ်းၸဵမ်မိူဝ်ႈၼၼ်ႉမႃး ။
မိူဝ်ႈၼႃႈၸဝ်ႈၶုၼ်သႃႇတေၵပ်းသိုပ်ႇမၢၼ်ႈၼၼ်ႉ ၸဝ်ႈၶုၼ်သႃႇႁွင်ႉႁႃလုၵ်ႈၸဝ်ႈၾႃႉလၢၼ်ၸဝ်ႈၾႃႉႁႂ်ႈမႃးပုတ်ႈတႅၼ်းသေႁႂ်ႈမႄးၶိုၼ်းလီၼႂ်း တပ်ႉၵွင် (MTA ) ယူႇ ၵူၺ်းၼႃႇဢမ်ႇမီးၽႂ်မႃး ၽႂ်ဢမ်ႇႁတ်း ၽိူဝ်ႇၸဝ်ႈၶုၼ်သႃႇတိူၵ်ႈတၼ်ဝၢင်းၶိူင်ႈယဝ်ႉ သမ်ႉၼႄးယူႇၾၢႆႇလဵဝ်။
(ၼမ်ႉၸႂ်သူႁဝ်းတိုၼ်းသူင်တၢင်းၼႄး ယွၼ်ႉၼႄးလႄႈၸင်ႇတႅၵ်ႇယၢႆႈၵူၼ်ႇပင်း)
#ႁဝ်းသုမ်းသင်လၢႆလၢႆမိူဝ်ႈဝၼ်းဝၢင်းၶိူင်ႈ(1996) ၼၼ်ႉ
(1 ) ႁဝ်းသုမ်းၼႃႈလိၼ်ဢၼ်လႆႈၵုမ်းၵမ်မႃးတ
င်းႁိုင် မိူၼ်ၸိူင်ႉၼင်ႇ ႁူဝ်မိူင်း၊ မိူင်းတေႃႉ၊
မိူင်းထႃး၊ လွႆလၢင်း၊ လႄႈၸွမ်းလႅၼ်လိၼ်
ထႆးလႄႈ လၢဝ်းလၢႆလၢႆတီႈဢိၵ်ႇတင်းၼႂ်းမိူ
င်းတႆး တၢင်းတူၵ်းၶူင်းတင်းၼမ် တင်းလၢႆလီ
သေလၢႆ ။
(2 ) ႁဝ်းသုမ်းၵူၼ်းသိုၵ်းဢၼ်လႆႈၽိုၵ်းၽွၼ်ႉမႃး
(3) ႁဝ်းသုမ်းၵူၼ်းမီးၸၼ်ႉလိၵ်ႈဢၼ်လႆႈမႃး
ၶဝ်ႈႁူမ်ႈ ( MTA ) ။
(4 ) ႁဝ်းသုမ်းၵူၼ်းယၢမ်ႈမီးတူဝ်ထူပ်းၼႂ်းပၢင်
တိုၵ်းတင်းၼမ် ဢၼ်မီးၼမ်ႉၵတ်ႉလွင်ႈပၢႆး
တိုၵ်းၼူၵ်ႇၼႃထိုဝ်ၼႆႉ ပဵၼ်ၸုမ်းဢွင်ႇပွႆး
တိုၵ်းလွႆလၢင်း၊ ယွၼ်ႉပိူဝ်ႈပွႆးတိုၵ်းလွႆလၢင်း
ၼႆႉ ဢၼ်ၸတ်းၵၢၼ်သိုၵ်းၾၢႆႇတႆးပဵၼ်သိုၵ်း
ၵဝ်ႇ ၶႄႇၽိူၵ်ႇ ၸဝ်ႈၾႃႉလင် ဢၼ်လႆႈၶဝ်ႈ
ပၢင်တိုၵ်းလူင်ၼႂ်းမိူင်းၶႄႇမႃး ဢၼ်ၸတ်း
ၵၢၼ်သိုၵ်းၾၢႆႇ #သိုၵ်းဝ ၵေႃႈသမ်ႉပဵၼ်သို
ၵ်းၵဝ်ႇ ၶႄႇၽိူၵ်ႇ၊ ၶႄႇလႅင်၊ ဢၼ်လႆႈၶဝ်ႈပၢင်တိုၵ်းလူင်ၼႂ်းမိူင်းၶႄႇမႃးၼင်ႇၵဝ်ႇ ။ ၵွပ်ႈပိူဝ်ႈၼႆလွႆလၢင်းၼၼ်ႉ ယွၼ်ႉပိူဝ်ႈၽူႈၸတ်းၵၢၼ်သိုၵ်းပဵၼ်သိုၵ်းၶႄႇၵဝ်ႇၼင်ႇၵၼ်လႄႈ ႁဵတ်းႁႂ်ႈၵူၼ်းသိုၵ်းတႆးသိုၵ်းဝ ႁတ်းတိုၵ်းႁတ်းတၢႆၵျႃႉၶႅၼ်ႇမိူၼ်ၵၼ် ပၢၼ်လွႆလၢင်း ။
(5 ) ႁဝ်းသုမ်းၶိူင်ႈၵွင်ႈၵၢင်ႇဢၼ်လႆႈႁႃသိုဝ်ႉမႃး
ယၢပ်ႇယၢပ်ႇယဵၼ်းယဵၼ်တႃႇတေတေႃႉသူင်ႇ
ထိုင်ငဝ်ႈၸိုင်ႈၵေႃႈဢမ်ႇငၢႆႈငၢႆႈ လႆႈသႂ်ႇၶွၼ်ႇ
သႂ်ႇငိုၼ်းလၢႆႈလၢၼ်ႇလၢႆၵဵၵ်ႉ ၵွင်ႈတင်းၼမ်
ဢၼ်လႆႈမႃးတီႈၶႄႇၽိူၵ်ႇၸွႆႈထႅမ် လႆႈသုမ်း
ၵႂႃႇၸွမ်း ။
(6 ) ႁဝ်းသုမ်းၶၢဝ်းယၢမ်းဢၼ်လႆႈႁဵတ်းမႃး သု
မ်းၵူၼ်းသိုၵ်းဢၼ်လႆႈတၢႆၸွမ်းပၢင်တိုၵ်း
တင်းၼမ် ။
(7) ႁဝ်းသုမ်းၵူၼ်းမိူင်းတင်းၼမ် ဝၢႆးသေ
(MTA) လူႉၵွႆၼိုင်ႈပီ သိုၵ်းမၢၼ်ႈလိုပ်ႈလမ်း
ၸဝ်ႈယွတ်ႈသိုၵ်းၶဝ်လႄႈႁဵတ်းႁႂ်ႈသိုၵ်းမၢၼ်ႈ
လိုပ်ႈႁေႃႈမိူင်းတႆးပွတ်းၸၢၼ်းႁၢမ်းပႅတ်ႈတ
င်းၼမ် ၵူၼ်းမိူင်းတၢႆၸွမ်းၵူၼ်းမိူင်းပၢႆႈၶဝ်ႈမိူ
င်းထႆးဢၢၼ်ႇႁူဝ်သႅၼ် ဢၼ်ၼႆႉသုမ်းၵူၼ်း
မိူင်းၼမ်တႄႉတႄႉ။ တေႃႈလဵဝ်မိူင်းတႆးပွ
တ်းၸၢၼ်းပဵၼ်ဝၢၼ်ႈႁၢမ်းဝႆႉၵေႃႈတင်းၼမ်
(8) ႁဝ်းသုမ်းၺၢၼ်ႇၽူႈၶဵၼ် ။
ပေႃးလၢတ်ႈသိုဝ်ႈသိုဝ်ႈၵေႃႈ ဢၼ်ၶုၼ်သႃႇယၢမ်ႈၵႃႉယႃႈၼၼ်ႉ မၼ်းႁႃငိုၼ်းမႃးသိုဝ်ႉၶိူင်ႈၵွင်ႈၵၢင်ႇႁႂ်ႈပႄႉပိူၼ်ႈၵူၺ်း သိုၵ်းဝၵေႃႈယၢမ်ႈၵႃႉယႃႈမႃးပိူၼ်ႈဢမ်ႇဝႃႈႁင်းၵၼ် တေႃႈလဵဝ်သိုၵ်းဝၵေႃႈၵႅၼ်ႇၶႅင် ၸိုဝ်ႈၼဝ်ႈယွၼ်ႉယႃႈၵေႃႈပိူၼ်ႈဢမ်ႇသူၼ်ၸႂ်
မိူဝ်ႈပၢၼ်( MTA ) ၼၼ်ႉ ယွၼ်ႉပိူဝ်ႈမိူင်းတႆးပွတ်းၸၢၼ်း ဝၢၼ်ႈမိူင်းၵူၼ်းၵိုၼ်းၼမ် မၢၼ်ႈၵေႃႈ ဢမ်ႇလိုပ်ႈ ၵူၼ်းၼုမ်ႇၵေႃႈၼမ် ၵဵပ်းသိုၵ်းၵေႃႈငၢႆႈ ႁဵတ်းႁႂ်ႈႁႅင်းၵူၼ်းဢၼ်ၵိူတ်ႇမႂ်ႇမီးယူႇတႃႇသေႇယဝ်ႉ။
ၸူဝ်ႈ( MTA) ၵူၼ်ႇပင်းမႃးၼႆႉ ၶၢဝ်းတၢင်း (25) ပီ လုၵ်ႈဢွၼ်ႇၸၢႆးတႆးဢၼ်ၵိူတ်ႇမႂ်ႇၼႆႉဢၢၼ်ႇႁူဝ်သႅၼ်ၵေႃႉမၼ်းယဝ်ႉ။ ၵူၺ်းၼႃႇ ၶဝ်ၸိူဝ်းၼႆႉ ဢမ်ႇၵိူတ်ႇၼႂ်းမိူင်းတႆး ပေႃႈမႄႈၶဝ်ပၢႆႈမႃးမိူင်းထႆးမိူဝ်ႈမိူင်းႁၢမ်း( 1997 - 98 - 99 ) ယဝ်ႉသေလႄႈ မႃးၵိူတ်ႇမိူင်းထႆး ပဵၼ်ဢဵၼ်ႁႅင်းမိူင်းထႆးမိူဝ်းၼႃႈယဝ်ႉ ။
လိၵ်ႈၼႆႉဢဝ်မႃးတီႈ(ပၢင်ႇလၢႆႇၵေႃႉယိင်း)
ပိုၼ်ၽေႈ လိၵ်ႈတႆး
