10/08/2021
တတိယလှိုင်းဟာ အရှိန်လျော့လာပြီပြောရမယ် လူသေနှုန်းပြန်လျော့လာတယ် ဒါပေမယ့် လျော့တာပဲ ရှိတာ လုံးဝ မသေတာမျိုးတော့မဟုတ်သေးဘူး အသေအပျောက်ကတော့ ရှိနေတုန်းပဲ ဒီနေရာမှာပြောချင်တာက ကိုဗစ်ဟာ သေနိုင်တာမှန်ပေမယ့် သေသွားတာတွေ အကုန်လုံးဟာ ကိုဗစ်တစ်ချက်တည်းကြောင့်တော့မဟုတ်ဘူး ဘေးပတ်ဝန်းကျင်ရဲ့ အနေအထားပေါ်မှာ အများကြီးမူတည်လိမ့်မယ်လို့ ထင်တယ် မိသားစု ဂရုစိုက်မှု ပတ်ဝန်းကျင် လေထုညစ်ညမ်းမှု စိတ်ဖိစီးမှု စသည်ဖြင့်ပေါ့
အဲဒီအရာတွေထဲမှာမှ မိသားစုရဲ့ ဂရုစိုက်မှုဟာ တော်တော်လေး အရေးပါမယ်လို့ထင်တယ် တချို့တလေ မိဘနဲ့ သားသမီး သားသမီးနဲ့ မိဘပေမယ့် ကိုဗစ်ဖြစ်နေတာကို လူမမာလို မအောက်မေ့ပဲ အချုပ်သားလိုမျိုး နေရာ တစ်နေရာမှာထားပြီး ခွေးကျွေးသလို စားခွက်လေးထိုးပေး စားပြီးတဲ့ချိန်မှ ပြန်လာယူ ဆေးတိုက်ချိန်မှာတောင် ငါတို့ကူးလိမ့်မယ်ဟဲ့ဆိုပြီး ဆေးလုံးလေးနဲ့ ရေခွက်လေး ချပြီး ပြန် စတဲ့အပြုမူမျိုးတွေဟာ ဘယ်လောက်ပဲ ဆေးတွေ အစားအစာတွေ လာချပေးထား,ထား စိတ်ပိုင်းဆိုင်ရာအရ စိတ်ဓာတ်ကျသွားပါပြီ သေဖို့ ၅၀%သေချာသွားပါပြီ
နောက် ကိုဗစ်ရောဂါဟာ step by step ဖြည်းဖြည်းချင်း မသိမသာ ပြောင်းလဲလာပြီး သေမယ့်အဆင့်မှာမှ အသဲအသန်ဖြစ်လာတယ်လို့ထင်တယ် ဒီအနေအထားမျိုးမှာ လူနာစောင့်က အရမ်းဂရုစိုက်ပြီး အရမ်းအကင်းပါးဖို့လိုပါတယ် ကူပါကယ်ပါ အော်နေတဲ့အနေအထားမျိုးမှာမှ ဂရုစိုက်ရမှာမဟုတ်ပဲ စဖြစ်ကတည်းက အမြဲလိုလို အရိပ်တကြည့်ကြည့်နဲ့ ဘာတွေပြောင်းလဲသွားလဲ ဒီနေ့ဘာတွေကျွေးလို့ ဘာတွေတိုးတက်လာလဲ ဘာတွေဆုတ်ယုတ်သွားလဲ အမြဲကြည့်နေမှရပါမယ် အသဲအသန်ဖြစ်မှ ပြုစုမယ်ဆိုရင်တော့ နောက်ကျသွားပါပြီ
ဆေးတိုက်ချိန် ဆေးလာတိုက် အစာစားချိန် အစာကျွေးဆိုတဲ့ အဆင့်လောက် ပြုစုမှုမျိုးနဲ့ မဖြစ်နိုင်ပါဘူး သေမယ်ဆိုရင်တောင် ငါရော လိုက်သေမယ်ဆိုပြီး နေ့ရော ညရောပြုစု ကိုယ့်တိုင်လည်း အားရှိအောင်ကြိုတင် စားပြီး ဘယ်တော့မှ သတိမလွတ်တဲ့ ကာကွယ်မှုမျိုးနဲ့ ပြုစုမယ်ဆိုရင် လူနာအသက်ရှင်ဖို့ ၉၀ရါနှုန်းသေချာပါတယ်
လူနာစောင့်ဟာ လူနာစောင့်နဲ့တူရပါမယ် အချုပ်ခန်းစောင့်တဲ့လူလိုမဖြစ်ရပါဘူး လူနာက စားမယ် ဆေးသောက်မယ် နာတယ်ကျင်တယ်အော်မှ ထကျွေး ထပြုစုရမယ့် အခြေနေမဟုတ်ပါဘူး အဲလို ပြောနေမယ့်ရောဂါမျိုးလည်းမဟုတ်ပါဘူး လူနာစောင့်က ထကျွေးမှ အတော်ကို ချော့ကျွေးမှစားမှာပါ လူနာဟာ စားချင်စိတ်မရှိသလို တကယ်လည်းမစားနိုင်ပါဘူး ပျို့တောင်ထွက်ပါတယ် ဒါကြောင့် စိတ်ရှည်သည်းခံပြီး နည်းနည်းနဲ့ များများအားရှိတာကို ခဏခဏကျွေးရပါမယ်
အိပ်ယာထကနေ အိပ်ယာဝင်ထိ အစာစားချိန် ဆေးသောက်ချိန် လမ်းလျှောက်ချိန် စတာတွေကို အချိန်ဇယားဆွဲထားပြီး လူနာ လိုက်နာနိုင်အောင် စိတ်ရှည်ရှည်နဲ့ တိုက်တွန်းပါ စိတ်ချမ်းသာအောင်ထားပါ စိတ်ကြည်လင်အောင် အဝတ်အစားကအစ တစ်ရက်တစ်စုံ လဲပေးပါ လူနာရဲ့ နေရာထိုင်ခင်းတွေ အမြဲသန့်ရှင်းနေအောင်ထားပါ
အဓိကပြောချင်တာက လူနာအားမငယ်စေဖို့ မိသားစုရဲ့ ဂရုစိုက်မှု အရမ်းအရေးပါ,ပါတယ် ဒါပေမယ့် တစ်မိသားစုလုံး အနီးကပ်ပြုစုမယ်ဆိုရင် တစ်မိသားစုလုံး ကူးနိုင်လို့ မိသားစုဝင်ထဲက တစ်ယောက်သပ်သပ် အနီးကပ်ဆုံးပြုစုပြီး ကျန်တဲ့မိသားစုဝင်တွေကလည်း အနီးနားမှာ အားပေးစကားပြောပေးကြမယ်ဆိုရင် အသက်ရှင်ဖို့ သေချာသလောက်ပါပဲ
ဒါကြောင့် သေသွားမှ အတူလိုက်သေချင်တယ်ဆိုပြီး ဝမ်းမနည်းကြပါနဲ့ မသေခင် အတူလိုက်သေမယ့် စိတ်ဓာတ်မျိုးမွေးပြီး ပြုစုကြပါ
crd #
KHIN U REAL NEWs
