GAD Bogalay

Directions

GAD Bogalay တင်ပြလိုသည်များအား Page Messenger သို့ ပေးပို့နိုင်ပါသည်။

ရတနာကမ်းလွန်သဘာဝဓာတ်ငွေ့ ထုတ်လုပ်မှုလျော့ချချိန်အတွင်း ဖျာပုံခရိုင်ရှိ မြို့နယ်များ၌ လျှပ်စစ်ဓာတ်အား ဝန်အားထိန်းညှိ ဆောင...
17/10/2026

ရတနာကမ်းလွန်သဘာဝဓာတ်ငွေ့ ထုတ်လုပ်မှုလျော့ချချိန်အတွင်း ဖျာပုံခရိုင်ရှိ မြို့နယ်များ၌ လျှပ်စစ်ဓာတ်အား ဝန်အားထိန်းညှိ ဆောင်ရွက်သွားမည်ဖြစ်ကြောင်း အသိပေးထုတ်ပြန်
​ဘိုကလေး၊ အောက်တိုဘာ ၁၆
​ဧရာဝတီတိုင်းဒေသကြီး၊ ဖျာပုံခရိုင်အတွင်းရှိ မြို့များအားလုံးသို့ လက်ရှိတွင် အုပ်စု (၄) စုခွဲ၍ (၂) နာရီလာ၊ (၆) နာရီပျက် အစီအစဉ်ဖြင့် လျှပ်စစ်ဓာတ်အား ဖြန့်ဖြူးပေးလျက်ရှိသော်လည်း ရတနာကမ်းလွန် သဘာဝဓာတ်ငွေ့ (Gas Partial SD) လုပ်ငန်းဆောင်ရွက်မှုကြောင့် အောက်တိုဘာလ (၁၆) ရက်နေ့မှ (၁၈) ရက်နေ့အထိ လျှပ်စစ်ဓာတ်အား ဝန်အားထိန်းညှိ ဆောင်ရွက်သွားမည်ဖြစ်ကြောင်း သိရသည်။
​အဆိုပါ ရတနာကမ်းလွန် သဘာဝဓာတ်ငွေ့ ထုတ်လုပ်မှု လျော့ချကာလအတွင်း စက်များ ရပ်တန့်၍ စုစုပေါင်း ဓာတ်အားထုတ်လုပ်မှု လျှပ်စစ်ပမာဏ (Total Generation) Mega-Watt (၂၀၀ MW) ခန့် လျော့ချ ထုတ်လုပ်သွားမည်ဖြစ်သည်။
​ထို့ကြောင့် အောက်တိုဘာလ (၁၆) ရက်နေ့ မနက် (၀၁:၀၀) နာရီအချိန်မှ စတင်၍ ဖျာပုံခရိုင်အတွင်း ခွဲဝေရရှိမည့် လျှပ်စစ်ဝန်အား ပမာဏအပေါ် မူတည်ပြီး ဓာတ်အားထိန်းညှိ ဆောင်ရွက်သွားမည်ဖြစ်ပါသဖြင့် မိဘပြည်သူများအနေဖြင့် ဓာတ်အားရရှိမှုနှင့် ပတ်သက်၍ ခွင့်လွှတ်နားလည် သည်းခံပေးကြပါရန် မေတ္တာရပ်ခံ အသိပေး ထုတ်ပြန်ထားကြောင်း သတင်းရရှိပါသည်။

ဘိုကလေးမြို့နယ်၌ အယ်လ်နီညိုဖြစ်စဉ်ကြောင့် ဖြစ်ပွားနိုင်သော ကျန်းမာရေးပြဿနာများ လျှော့ချနိုင်ရေး ကျန်းမာရေးအသိပညာပေး ဆိုင...
12/10/2026

ဘိုကလေးမြို့နယ်၌ အယ်လ်နီညိုဖြစ်စဉ်ကြောင့် ဖြစ်ပွားနိုင်သော ကျန်းမာရေးပြဿနာများ လျှော့ချနိုင်ရေး ကျန်းမာရေးအသိပညာပေး ဆိုင်းဘုတ်ကြီး (Billboard) စိုက်ထူ
၂၀၂၆ ခုနှစ်၊ အောက်တိုဘာလ ၁၂ ရက်
ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ် ပြည်သူ့ကျန်းမာရေးဦးစီးဌာနသည် အယ်လ်နီညို ရာသီဥတုဖြစ်စဉ်ကြောင့် ဖြစ်ပေါ်လာနိုင်သည့် အပူဒဏ်ဆိုင်ရာ ကျန်းမာရေးပြဿနာများနှင့် ရောဂါဖြစ်ပွားနိုင်ခြေများကို ထိရောက်စွာ လျှော့ချနိုင်ရေးအတွက် အောက်တိုဘာလ (၁၂) ရက်နေ့တွင် မြို့နယ်အတွင်း လူစည်ကားရာ လမ်းဆုံများ၌ ကျန်းမာရေးအသိပညာပေး ဆိုင်းဘုတ်ကြီး (Billboard) များ စိုက်ထူ၍ အသိပညာပေးခြင်း ဆောင်ရွက်ခဲ့ကြသည်။
ထိုသို့ ဆောင်ရွက်ရာတွင် မြို့နယ် ပြည်သူ့ကျန်းမာရေးဦးစီးဌာနမှ တာဝန်ရှိသူများနှင့် ကျန်းမာရေးဝန်ထမ်းများသည် ပြည်သူများ ရာသီဥတု အပူဒဏ်ကြောင့် အပူလျှပ်ခြင်း၊ ရေဓာတ်ခန်းခြောက်ခြင်းနှင့် ရာသီ အကူးအပြောင်း ရောဂါများမှ ကာကွယ်စောင့်ရှောက်နိုင်ရေး၊ လိုက်နာရန်နှင့် ရှောင်ကြဉ်ရန် အချက်များကို လွယ်ကူစွာ ဖတ်ရှုလေ့လာနိုင်ရန်အတွက် လူစည်ကားရာ လမ်းဆုံနေရာများတွင် အသိပညာပေး ဆိုင်းဘုတ်ကြီးများကို စနစ်တကျ စိုက်ထူပြသပေးခဲ့ကြကြောင်း သတင်းရရှိပါသည်။

ဘိုကလေးမြို့မဈေးကြီးအတွင်း အပူလျှော့ချပိုက်စိမ်းစများ မိုးကာပေးပြီး မီးဘေးအန္တရာယ် ကြိုတင်ကာကွယ်ရေး ပြင်ဆင်ထားရှိမှုများ...
10/10/2026

ဘိုကလေးမြို့မဈေးကြီးအတွင်း အပူလျှော့ချပိုက်စိမ်းစများ မိုးကာပေးပြီး မီးဘေးအန္တရာယ် ကြိုတင်ကာကွယ်ရေး ပြင်ဆင်ထားရှိမှုများ ခရိုင်/မြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌများ ကွင်းဆင်းစစ်ဆေး

​ဘိုကလေး၊ အောက်တိုဘာ ၉

​ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်အတွင်း အယ်လ်နီညိုဖြစ်စဉ်ကြောင့် အပူချိန်မြင့်မားလာချိန်တွင် ဈေးသူဈေးသားများနှင့် ဈေးဝယ်ပြည်သူများ အေးချမ်းစွာ ရောင်းဝယ်ဖောက်ကားနိုင်ရေးအတွက် အောက်တိုဘာလ (၉) ရက်နေ့၊ မွန်းလွဲ (၁၂:၀၀) နာရီအချိန်တွင် ဘိုကလေးမြို့မဈေးကြီးအတွင်းနှင့် အပြင်ပတ်လမ်းများ၌ အပူလျှော့ချပိုက်စိမ်းစများ မိုးကာပေးခြင်း ဆောင်ရွက်ခဲ့ကြကြောင်း သိရသည်။

​ထို့နောက် အယ်လ်နီညို ရာသီကာလအတွင်း အပူချိန်လွန်ကဲမှုကြောင့် မီးဘေးအန္တရာယ် ကြုံတွေ့လာပါက ကြိုတင်ကာကွယ် တုံ့ပြန်နိုင်ရေးအတွက် ရေအသင့်၊ စက်အသင့် ပြင်ဆင်ဆောင်ရွက်ထားရှိမှုများကို ဖျာပုံခရိုင် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးသန်းလွင်၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးဇော်ဝင်းလှိုင်နှင့် မြို့နယ်အဆင့် ဌာနဆိုင်ရာ တာဝန်ရှိသူများက သွားရောက်ကြည့်ရှုစစ်ဆေးခဲ့ကြသည်။

​ကွင်းဆင်းစစ်ဆေးစဉ် ခရိုင်နှင့် မြို့နယ်ဥက္ကဋ္ဌများက ဈေးသူဈေးသားများ၊ ပြည်သူများနှင့် ရင်းရင်းနှီးနှီး တွေ့ဆုံ၍ အယ်လ်နီညို ရာသီကာလအတွင်း မီးဘေးအန္တရာယ် သတိပြုရေး၊ မီးသတ်ဆေးဘူးများနှင့် ရေအသင့်ပြင်ဆင်ထားရှိရေးတို့ကို မှာကြားခဲ့ကြောင်း သတင်းရရှိပါသည်။

ဘိုကလေးမြို့နယ်အတွင်း အယ်လ်နီညို (El Niño) ရာသီဥတုဆိုင်ရာ အသိပညာပေးလုပ်ငန်းများနှင့် လက်ကမ်းစာစောင်များ ဖြန့်ဝေခြင်း ဆော...
08/10/2026

ဘိုကလေးမြို့နယ်အတွင်း အယ်လ်နီညို (El Niño) ရာသီဥတုဆိုင်ရာ အသိပညာပေးလုပ်ငန်းများနှင့် လက်ကမ်းစာစောင်များ ဖြန့်ဝေခြင်း ဆောင်ရွက်
​ဘိုကလေး၊ အောက်တိုဘာ ၈
​ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်အတွင်းမှ ပြည်သူများ အယ်လ်နီညိုဖြစ်စဉ်အား သိရှိနိုင်ရေး၊ ကြိုတင်ကာကွယ်သတိပြုနိုင်ရေးအတွက် အောက်တိုဘာလ (၈) ရက်နေ့၊ နေ့လယ် (၁:၀၀)နာရီအချိန်တွင် တာဝန်ရှိဌာနများ ပူးပေါင်း၍ မြို့နယ်အတွင်း လူစည်ကားရာ နေရာများတွင် အသိပညာပေး လုပ်ငန်းများ ဆောင်ရွက်ခဲ့ကြသည်။
​ထိုသို့ဆောင်ရွက်ရာတွင် မြို့နယ်မီးသတ်ဦးစီးဌာန၊ ဦးစီးအရာရှိ ဦးထွန်းအောင်နှင့် အဖွဲ့၊ မြို့နယ်ပြည်သူ့ကျန်းမာရေး ဦးစီးဌာနမှူး ဒေါက်တာရဲဝင်းထွန်းနှင့် အဖွဲ့၊ မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တာဝန်ရှိသူများနှင့် ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနမှ တာဝန်ရှိသူများ ပူးပေါင်း၍ မီးသတ်ယာဉ်ဖြင့် အသိပညာပေးနှိုးဆော်ခြင်း၊ ဖြတ်သန်းသွားလာကြသည့် ပြည်သူများအား အပူဒဏ်ကာကွယ်ရေး အသိပညာပေး လက်ကမ်းစာစောင်များ ဝေငှခြင်းတို့ ဆောင်ရွက်ခဲ့ကြကြောင်း သတင်းရရှိပါသည်။

ဘိုကလေးမြို့၊ အမှတ် (၁) အခြေခံပညာအထက်တန်းကျောင်း၌ ကျောင်းသား/ကျောင်းသူများ အာဟာရဖွံ့ဖြိုးရေးအတွက် ငှက်ပျောပင်စိုက်ပျိုးခ...
08/10/2026

ဘိုကလေးမြို့၊ အမှတ် (၁) အခြေခံပညာအထက်တန်းကျောင်း၌ ကျောင်းသား/ကျောင်းသူများ အာဟာရဖွံ့ဖြိုးရေးအတွက် ငှက်ပျောပင်စိုက်ပျိုးခြင်း ဆောင်ရွက်

​ဘိုကလေး၊ အောက်တိုဘာ ၈

​ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်၊ အမှတ် (၄) ရပ်ကွက်ရှိ အမှတ် (၁) အခြေခံပညာအထက်တန်းကျောင်း ဝန်းအတွင်း၌ ကျောင်းသား/ကျောင်းသူများ အာဟာရဖွံ့ဖြိုးရေးအတွက် ကျုံပျော်ဖီကြမ်းငှက်ပျောပင် (၆၀) ပင် စိုက်ပျိုးခြင်း အခမ်းအနားကို အောက်တိုဘာလ (၈) ရက်နေ့ နံနက် (၁၀:၀၀) နာရီအချိန်တွင် ကျင်းပပြုလုပ်ခဲ့ကြောင်း သိရသည်။

​အဆိုပါ ငှက်ပျောပင်စိုက်ပျိုးရာသို့ မြို့နယ်စီမံခန့်ခွဲရေးနှင့် အုပ်ချုပ်‌ရေးကော်မတီဥက္ကဋ္ဌ ဦးဇော်ဝင်းလှိုင်နှင့် အဖွဲ့ဝင်များ၊ တိုင်းဒေသကြီး လွှတ်တော်ကိုယ်စားလှယ် ဦးလှဌေး၊ ဌာနဆိုင်ရာ တာဝန်ရှိသူများ၊ ဆရာ၊ ဆရာမများနှင့် ကျောင်းသား၊ ကျောင်းသူများ ပူးပေါင်းပါဝင်ကာ ကျုံပျော်ဖီကြမ်းငှက်ပျောပင် (၆၀) ပင်ကို စုပေါင်းစိုက်ပျိုးပေးခဲ့ကြကြောင်း သိရှိရပါသည်။

ဘိုကလေးမြို့မဈေးကြီးအတွင်း အယ်နီညို (El Niño) ရာသီဥတုဆိုင်ရာ အသိပညာပေး လက်ကမ်းစာစောင်များ ဖြန့်ဝေခြင်းနှင့် မီးဘေးအန္တရာ...
07/10/2026

ဘိုကလေးမြို့မဈေးကြီးအတွင်း အယ်နီညို (El Niño) ရာသီဥတုဆိုင်ရာ အသိပညာပေး လက်ကမ်းစာစောင်များ ဖြန့်ဝေခြင်းနှင့် မီးဘေးအန္တရာယ်ကြိုတင်ကာကွယ်ရေး ကွင်းဆင်းစစ်ဆေး
​ဘိုကလေး၊ အောက်တိုဘာ ၇
​ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်တွင် အယ်နီညို (El Niño) ရာသီဥတုနှင့်ပတ်သက်၍ ကြိုတင်ကာကွယ်ရေး အသိပညာပေးလုပ်ငန်းများနှင့် ကွင်းဆင်းစစ်ဆေးခြင်းများကို အောက်တိုဘာလ (၇) ရက်နေ့၊ နံနက် (၀၉:၀၀) နာရီအချိန်က မြို့မဈေးကြီးအတွင်း၌ ဆောင်ရွက်ခဲ့ကြောင်း သိရသည်။
​အဆိုပါ ကွင်းဆင်းစစ်ဆေးဆောင်ရွက်ရာသို့ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးဇော်ဝင်းလှိုင် ဦးဆောင်၍ မြို့နယ်မီးသတ်ဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်လျှပ်စစ်ဓာတ်အားဖြန့်ဖြူးရေးလုပ်ငန်း၊ သဘာဝဘေးစီမံခန့်ခွဲမှုဦးစီးဌာနနှင့် မြို့နယ်ကြက်ခြေနီအသင်းတို့မှ တာဝန်ရှိသူများနှင့် ဝန်ထမ်းများ ပူးပေါင်းကာ ဈေးသူဈေးသားများထံသို့ အယ်နီညိုဆိုင်ရာ လက်ကမ်းစာစောင်များ ဖြန့်ဝေပေးခဲ့ကြသည်။
​ထို့နောက် အယ်နီညိုရာသီကာလတွင် အပူချိန်မြင့်မားနိုင်မှုအပေါ် ရောင်းဝယ်ဖောက်ကားနေသည့် ဈေးဆိုင်များတွင် လေဝင်လေထွက်ကောင်းမွန်စေရေး၊ စနစ်တကျ အမှိုက်စွန့်ပစ်ရေး၊ မီးဘေးအန္တရာယ် ကြုံတွေ့လာပါက ရေအသင့်၊ မီးအသင့် ကြိုတင်ဆောင်ရွက်ထားရှိရေး၊ လျှပ်စစ်မီးစနစ်များ ကြံ့ခိုင်မှုရှိစေရေးနှင့် ရေစီးရေလာ ကောင်းမွန်စေရန် ရေနုတ်မြောင်းများအား လိုက်လံစစ်ဆေးခဲ့ကြသည်။ ယင်းနောက် ဈေးသူဈေးသားများနှင့် တွေ့ဆုံကာ လိုအပ်သည်များကို လမ်းညွှန်မှာကြားခဲ့‌ကြောင်း သိရှိရပါသည်။

ဘိုကလေးမြို့နယ်အတွင်း ၂၀၂၆ ခုနှစ်၊ အောက်တိုဘာလအတွက် (၂)နာရီလာ၊ (၆)နာရီပျက် ဓာတ်အားဖြန့်ဖြူးမည့် အစီအစဉ် (Load Shed Plan)...
07/10/2026

ဘိုကလေးမြို့နယ်အတွင်း ၂၀၂၆ ခုနှစ်၊ အောက်တိုဘာလအတွက် (၂)နာရီလာ၊ (၆)နာရီပျက် ဓာတ်အားဖြန့်ဖြူးမည့် အစီအစဉ် (Load Shed Plan) ထုတ်ပြန်ကြေညာခြင်း

​ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်အတွင်း လျှပ်စစ်ဓာတ်အားများကို အလှည့်ကျစနစ်ဖြင့် မျှတစွာ ဖြန့်ဖြူးပေးနိုင်ရန်အတွက် ၂၀၂၆ ခုနှစ်၊ အောက်တိုဘာလအတွင်း (၂) နာရီလာ၊ (၆) နာရီပျက် (Load Shed Plan) ဖြင့် ဓာတ်အားဖြန့်ဖြူးပေးသွားမည့် အစီအစဉ်ကို အသိပေး ထုတ်ပြန်အပ်ပါသည်။

မိဘပြည်သူများသို့အသိပေးပန်ကြားချက်လျှပ်စစ်နှင့်စွမ်းအင်ဝန်ကြီးဌာန၊ လျှပ်စစ်ဓာတ်အားဖြန့်ဖြူးရေးလုပ်ငန်း အနေဖြင့်ဝန်အားမလု...
04/10/2026

မိဘပြည်သူများသို့အသိပေးပန်ကြားချက်

လျှပ်စစ်နှင့်စွမ်းအင်ဝန်ကြီးဌာန၊ လျှပ်စစ်ဓာတ်အားဖြန့်ဖြူးရေးလုပ်ငန်း အနေဖြင့်
ဝန်အားမလုံလောက်ခြင်းများကြောင့် တိုင်းဒေသကြီး/ပြည်နယ်အလိုက် မဂ္ဂါဝပ်ခွဲတမ်းများခွဲ၍ဝန်အားမျှခြင်းဖြင့် ဓာတ်အားဖြန့်ဖြူးပေးလျက်ရှိပါသည်။

ယခုအချိန်တွင် မုတ်သုန်ထွက်ခွာ၍
မိုးရာသီ ကုန်ဆုံးသွားပြီဖြစ်၍ ရေအားလျှပ်စစ်စက်ရုံများ အယ်နီညို အကျိုးသက်ရောက်မှု
ရှိနိုင်ပါသဖြင့် ဆည်ရေဝင်ရောက်မှုနှင့်အညီ စတင်ထိန်းညှိမောင်းနှင်လျက်ရှိခြင်း၊ LNG စက်ရုံများ
ထိန်းညှိမောင်းနှင်လျက်ရှိခြင်း၊ နေရောင်ခြည်စွမ်းအင်သုံးဓာတ်အားပေးစက်ရုံများ၏ ထုတ်လုပ်မှု
မတည်ငြိမ်ခြင်း၊ ရာသီဥတုအပူချိန် ပြောင်းလဲမှုနှင့်အတူ ဖီဒါများ၏ ပုံမှန်လျာထားသုံးစွဲဝန်အား
ပမာဏသည် ပမာဏပြောင်းလဲလျက်ရှိခြင်း စသည်တို့ကြောင့် ဓာတ်အားစနစ် Frequency
တည်ငြိမ်မှုရှိစေရန် ထိန်းညှိမောင်းနှင်ရခြင်းတို့ကြောင့် လျှပ်စစ်ဓာတ်အားထုတ်လုပ်နိုင်မှု(မဂ္ဂါဝပ်)
လျော့နည်းသွားမည်ဖြစ်ပါ၍ တိုင်းဒေသကြီး/ပြည်နယ်များတွင် ယခင်ရရှိသည့် မဂ္ဂါဝပ်ခွဲတမ်းအောက် လျော့နည်းရရှိမည် ဖြစ်ပါသည်။

သို့ဖြစ်ပါ၍ ဧရာဝတီတိုင်းဒေသကြီးအတွင်းရှိ မြို့နယ်၊ မြို့များတွင် လျော့ချသုံးစွဲရမည့် ဝန်အားများအတိုင်း Plan Load Shed ဖြင့် ဓာတ်အားဖြန့်ဖြူးပေးရမည် ဖြစ်ပါသည်။

သို့ဖြစ်ပါ၍ ဧရာဝတီတိုင်းဒေသကြီးအတွင်းရှိ မြို့နယ်၊ မြို့များတွင် အုပ်စု (၄) အုပ်စု ခွဲ၍
၂ နာရီ ဓာတ်အားရ ၆ နာရီ ဓာတ်အားပြတ် အစီအစဉ်ဖြင့် ဓာတ်အားဖြန့်ဖြူးပေးမည် ဖြစ်ပါကြောင်း မိဘပြည်သူများ သိရှိနိုင်ပါရန်တင်ပြအပ်ပါသည်။

🟤 အားကောင်းသောလေဖိအားနည်းရပ်ဝန်း သတိပေးချက် အမှတ်စဉ် (၀၉/၂၀၂၆)ထုတ်ပြန်ရက်စွဲ - ၂၀၂၆ ခုနှစ်၊ စက်တင်ဘာလ ၃၀ ရက် (နံနက် ၇:၀၀...
30/09/2026

🟤 အားကောင်းသောလေဖိအားနည်းရပ်ဝန်း သတိပေးချက် အမှတ်စဉ် (၀၉/၂၀၂၆)

ထုတ်ပြန်ရက်စွဲ - ၂၀၂၆ ခုနှစ်၊ စက်တင်ဘာလ ၃၀ ရက် (နံနက် ၇:၀၀ နာရီ)

🌀 လက်ရှိအခြေအနေနှင့် တည်နေရာ

အဆင့်ပြောင်းလဲမှု: ကုန်းတွင်းမုန်တိုင်းငယ်သည် မြောက်-အနောက်မြောက်ဘက်သို့ ရွေ့လျားခဲ့ပြီး၊ လက်ရှိတွင် အားကောင်းသောလေဖိအားနည်းရပ်ဝန်း (Active Low Pressure Area) အဖြစ်သို့ အားလျော့သွားခဲ့ပြီ ဖြစ်ပါသည်။

ဗဟိုပြုနေရာ: မြန်မာနိုင်ငံ၊ မတူပီမြို့၏ အရှေ့-အရှေ့တောင်ဘက်တွင် ဆက်လက်တည်ရှိနေပြီး ဖြတ်သန်းနေသဖြင့် အညိုရောင်အဆင့် ဟု သတ်မှတ်ထားပါသည်။

ခန့်မှန်းချက်: နောက် ၂၄ နာရီအတွင်း မြောက်-အနောက်မြောက်ဘက်သို့ ဆက်လက်ရွေ့လျားကာ ချင်းပြည်နယ်၊ ဘင်္ဂလားဒေ့ရှ်နိုင်ငံအရှေ့တောင်ပိုင်းနှင့် အိန္ဒိယနိုင်ငံ၊ မီဇိုရမ်ပြည်နယ်တို့ကို ဆက်လက်ဖြတ်ကျော်ပြီး လေဖိအားနည်းရပ်ဝန်းအဖြစ်သို့ ဆက်လက်အားလျော့သွားမည်ဟု ခန့်မှန်းရပါသည်။

🌧️ မိုးလေဝသ သက်ရောက်မှုနှင့် မိုးကြီးနိုင်သည့် ဒေသများ

ကာလ: ယနေ့နံနက်မှ ၂၀၂၆ ခုနှစ်၊ အောက်တိုဘာလ ၁ ရက်အတွင်း

မိုးရွာသွန်းမည့်ဒေသများ:

နေပြည်တော်၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်နှင့် ရခိုင်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာမည်။

ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်တို့တွင် နေရာကျဲကျဲ မိုးထစ်ချုန်းရွာမည်။

နေရာကွက်၍ မိုးကြီးနိုင်သည့်ဒေသများ: နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ချင်းပြည်နယ်နှင့် ရခိုင်ပြည်နယ်တို့တွင် နေရာကွက်၍ မိုးကြီးနိုင်ပါသည်။

🌊 ပင်လယ်ပြင်နှင့် ကမ်းရိုးတန်း အခြေအနေ

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်: တစ်ခါတစ်ရံ မိုးသက်လေပြင်းများကျရောက်ပြီး လေတိုက်နှုန်း တစ်နာရီလျှင် ၂၅ မိုင်မှ မိုင် ၃၀ အထိ တိုက်ခတ်နိုင်ကာ၊ လှိုင်းအမြင့်မှာ ၈ ပေမှ ၁၀ ပေခန့် ရှိနိုင်ပြီး လှိုင်းအသင့်အတင့်မှ လှိုင်းကြီးမည်။

⚠️ အကြံပြုနှိုးဆော်ချက်

အားကောင်းသောလေဖိအားနည်းရပ်ဝန်း၏အရှိန်ကြောင့် မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ ရုတ်တရက် ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် -

အားကောင်းသောလေဖိအားနည်းရပ်ဝန်း ဖြတ်သန်းရာဒေသများတွင် နေထိုင်ကြသည့် ပြည်သူများအနေဖြင့် မိုးသည်းထန်စွာရွာသွန်းခြင်း၊ လေပြင်းတိုက်ခတ်ခြင်း၊ ရုတ်တရက် ရေကြီး၊ ရေလျှံမှုများကို ကြိုတင်အထူးသတိပြုကြပါရန်။

ပြည်တွင်းလေကြောင်းပျံသန်းရေး၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်းရေယာဉ်များနှင့် သင်္ဘောများအနေဖြင့်လည်း ကြိုတင်သတိပြုနိုင်ပါရန် အသိပေးနှိုးဆော်အပ်ပါသည်။

🟤 ကုန်းတွင်းမုန်တိုင်းငယ် သတိပေးချက် အမှတ်စဉ် (၀၈/၂၀၂၆)ထုတ်ပြန်ရက်စွဲ - ၂၀၂၆ ခုနှစ်၊ စက်တင်ဘာလ ၂၉ ရက် (ည ၇:၀၀ နာရီ)🌀 ကုန...
29/09/2026

🟤 ကုန်းတွင်းမုန်တိုင်းငယ် သတိပေးချက် အမှတ်စဉ် (၀၈/၂၀၂၆)

ထုတ်ပြန်ရက်စွဲ - ၂၀၂၆ ခုနှစ်၊ စက်တင်ဘာလ ၂၉ ရက် (ည ၇:၀၀ နာရီ)

🌀 ကုန်းတွင်းမုန်တိုင်းငယ်၏ လက်ရှိအခြေအနေ

ဖြတ်ကျော်နေသည့်နေရာ: ရေနံချောင်းမြို့နှင့် ကျောက်ပန်းတောင်းမြို့တို့အကြားမှ ဖြတ်ကျော်ခဲ့ပြီး၊ လက်ရှိတွင် ညောင်ဦးမြို့၏ အနောက်ဘက်မှ ဆက်လက်ဖြတ်ကျော်လျက် ရှိပါသည်။

အဆင့်သတ်မှတ်ချက်: အညိုရောင်အဆင့် ဟု သတ်မှတ်ထားပါသည်။

ဗဟိုပြုနေရာ: ညောင်ဦးမြို့၏ အနောက်ဘက် ၁၅ မိုင်ခန့်၊ ပေါက်မြို့၏ အရှေ့တောင်ဘက် မိုင် ၂၀ ခန့်နှင့် မုံရွာမြို့၏ တောင်-အနောက်တောင်ဘက် မိုင် ၇၀ ခန့်အကွာကို ဗဟိုပြုနေပါသည်။

လေတိုက်နှုန်း: ဗဟိုချက်လေဖိအား ၁၀၀၄ ဟက်တိုပါစကယ်ဖြစ်ပြီး၊ အမြင့်ဆုံးလေတိုက်နှုန်းမှာ တစ်နာရီလျှင် မိုင် ၃၀ နှုန်းခန့် ဖြစ်ပါသည်။

ခန့်မှန်းချက်: နောက် ၁၂ နာရီအတွင်း မြောက်-အနောက်မြောက်ဘက်သို့ ဆက်လက်ရွေ့လျားကာ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် ချင်းပြည်နယ်တို့ကို ဆက်လက်ဖြတ်ကျော်ပြီး အားကောင်းသော လေဖိအားနည်းရပ်ဝန်းအဖြစ်သို့ အားလျော့သွားမည်ဟု ခန့်မှန်းရပါသည်။

🌧️ မိုးလေဝသ သက်ရောက်မှုနှင့် မိုးကြီးနိုင်သည့် ဒေသများ

ကာလ: ယနေ့ညမှ ၂၀၂၆ ခုနှစ်၊ အောက်တိုဘာလ ၁ ရက်အတွင်း

မိုးရွာသွန်းမည့်ဒေသများ: နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး ဒေသအလိုက်နှင့် နေရာကွက်၍ မိုးကြီးနိုင်ပါသည်။

🌊 ပင်လယ်ပြင်နှင့် ကမ်းရိုးတန်း အခြေအနေ

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်: မိုးသက်လေပြင်းကျစဉ် လေတိုက်နှုန်း တစ်နာရီလျှင် မိုင် ၃၀ အထိ တိုက်ခတ်နိုင်ပြီး၊ လှိုင်းအမြင့်မှာ ၉ ပေ မှ ၁၁ ပေခန့် ရှိနိုင်ပါသည်။

⚠️ အကြံပြုနှိုးဆော်ချက်

ကုန်းတွင်းမုန်တိုင်းငယ်၏အရှိန်ကြောင့် မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ ရုတ်တရက် ရေကြီးခြင်းနှင့် မြေပြိုခြင်းများ ဖြစ်ပေါ်နိုင်ပါသဖြင့် -

ကုန်းတွင်းမုန်တိုင်းငယ် ဖြတ်သန်းရာဒေသများတွင် နေထိုင်ကြသည့် ပြည်သူများအနေဖြင့် မိုးသည်းထန်စွာရွာသွန်းခြင်း၊ လေပြင်းတိုက်ခတ်ခြင်း၊ ရုတ်တရက် ရေကြီး၊ ရေလျှံမှုများကို ကြိုတင်အထူးသတိပြုကြပါရန်။

ပြည်တွင်းလေကြောင်းပျံသန်းရေး၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်းရေယာဉ်များနှင့် သင်္ဘောများအနေဖြင့်လည်း ကြိုတင်သတိပြုနိုင်ပါရန် အသိပေးနှိုးဆော်အပ်ပါသည်။

Address

Bogale

Website

Alerts

Be the first to know and let us send you an email when GAD Bogalay posts news and promotions. Your email address will not be used for any other purpose, and you can unsubscribe at any time.

Shortcuts

Share

Category