13/07/2026
Процесите, настаните и личностите со кои се градеше македонската државност се трајно забележани во Државниот архив.
Меѓу архивските фондови се одзива и името на големиот и непоколебливиот велешанец Панко Брашнаров. На 13 август 2009 г. со оригиналната семејна документација подарена од неговиот правнук Костадин Сарагинов, меѓу архивските полици свое место најде и фондот бр. 1529 „Панко Брашнаров“, револуционер, народен пратеник во Собранието на Народна Република Македонија (1901 - 1950).
Државниот архив - Одделение Велес со дел од документите кои ги поседува за револуционерот и визионер, мечтател за слободна и независна македонска држава, дава можност на македонската јавност на „тивкиот човек“, како што го нарекувале многумина, да му се слушне големиот глас.
Панко Брашнаров доживеа две есхумации, кои во почетокот на осумдесетите години го донесоа во заедничка гробница во Загреб. Во Велес се уште не успеа постхумно да се врати, но со своето име остави трага меѓу публикациите, културните и образовни институции, споменични обележја итн.
Не беше залудна и попуста неговата борба!
По повод 75-годишнината од неговата смрт Одделение Велес достојно се приклучува кон зачувувањето на неговата меморија.
Вечна му слава!
