Социјалдемократскиот сојуз на Македонија како политичка партија е основана на 21 април 1991 година на 11 Конгрес на СКМ-ПДП кога врз основа на иницијативата на Претседателството на ЦК СКМ–ПДП од 14 февруари 1991 година и предлогот на Централниот Комитет на 23 февруари 1991 година е донесена и одлуката за промена на името од СКМ–ПДП во СДСМ.
Оттогаш па до денес СДСМ е модерна, демократска, социјалдемократска партија која своите корени ги влече од традиционалните левичарски идеи.
Левите, социјалистички идеи имаа свои корени и во Македонската револуционерна организација како носител на модерната, прогресивна идеја за слобода и создавање на држава, независна и ослободена од влијанието на сите соседни пропаганди од надвор. Меѓу претставиците на левото крило во македонското револуционерно движење најзначајно место заземаат Гоце Делчев и Никола Карев.
Програмата на СДСМ е нашата политичка платформа и нашата визија за развој на државата. Во следните 10 години сакаме Македонија да стане поинаква Македонија.
Да биде економски развиена, без сиромаштија, со вработени и социјално обезбедени граѓани.
Сакаме да има повеќе лични слободи, поголеми колективни права и сите да се еднакви пред институциите, кои ќе функционираат според највисоките професионални стандарди.
За еднаквост и рамноправност на сите граѓани, и да имаме еднаква застапеност на жените во сите сфери на општеството.
