Игор Филков

03/06/2026

Реализацијата на Развојната секторска стратегија за правосудство достигна 56,9%, а реформите во судството и обвинителството надминаа 81% ⚖️🇪🇺

Денес беше промовиран Годишниот извештај за спроведувањето на Развојната секторска стратегија за правосудство 2024–2028 за 2025 година — документ кој дава сеопфатен преглед на напредокот во реализацијата на реформите во правосудниот сектор.

Резултатите покажуваат дека реформите во правосудството се движат во вистинска насока. Од предвидените 116 активности, 66 се целосно реализирани, а 50 се во фаза на реализација, со вкупна стапка на спроведување од 56,9%.

Особено значајни се резултатите во областа на судството и јавното обвинителство, каде што реализацијата надминува 81%, како и напредокот во реформите поврзани со Уставниот суд, со стапка од 75%.

Овие показатели претставуваат потврда за посветеноста на институциите кон изградба на современ, ефикасен и транспарентен правосуден систем, усогласен со европските стандарди и потребите на граѓаните. 📊

Продолжуваме со засилена динамика во реализацијата на реформските приоритети, со фокус на дигитализацијата, јакнењето на институционалните капацитети и унапредувањето на владеењето на правото.

Секој чекор напред во правосудството значи поголема правна сигурност, посилни институции и поголема доверба кај граѓаните. ✅

02/06/2026

Владата го утврди Предлог-законот за јавнообвинителска служба.✅

Со новото законско решение се создаваат услови за поефикасна, постручна и помотивирана јавнообвинителска служба, како значаен сегмент во функционирањето на јавното обвинителство.⚖️

Со Предлог-законот:

• се уредуваат категориите и нивоата на работните места;
• се воспоставуваат јасни правила за вработување и унапредување;
• се зајакнуваат професионалноста и независноста на јавнообвинителската служба;
• се уредуваат платите и надоместоците на јавнообвинителските службеници.

Целта е создавање современа и ефикасна јавнообвинителска служба, која ќе придонесе за поефикасно работење на јавното обвинителство и зајакнување на владеењето на правото.🇪🇺

02/06/2026

Владата го утврди Предлог-законот за судска служба. ✅

Со новото законско решение се уредуваат категориите и нивоата на работните места во судската служба, начинот на вработување и унапредување, се зајакнува независноста на судската служба и се уредуваат прашањата поврзани со платите и надоместоците на судските службеници. ⚖️

Целта на законот е создавање професионална, ефикасна и мотивирана судска служба, која ќе придонесе за поефикасно функционирање на судовите и зајакнување на довербата во правосудниот систем.

Министерството за правда продолжува со реформите насочени кон унапредување на правосудството и обезбедување квалитетни јавни услуги за граѓаните. 🇲🇰

02/06/2026

➡️Изборните реформи влегуваат во фаза на разгледување на предлозите од политичките партии и институциите

Во Министерството за правда денес се одржа шестата седница на Работната група за реформи во изборното законодавство, во позитивна атмосфера што покажа подготвеност за изнаоѓање компромисни решенија. 🗳️

На седницата беше усвоен записникот од претходната седница, по што членовите на Работната група пристапија кон разгледување на доставените мислења, предлози и забелешки од политичките партии, институциите, регулаторните тела и граѓанските иницијативи.

Министерството за правда останува целосно посветено на водење инклузивен, транспарентен и консултативен процес, чија крајна цел е донесување современо, функционално и европски усогласено изборно законодавство, кое ќе обезбеди фер, демократски и кредибилни изборни процеси. 🇪🇺⚖️

01/06/2026

Денес присуствував на потпишувањето на Меморандумот за соработка меѓу Јавното обвинителство на Република Северна Македонија и Јавното обвинителство на Португалската Република. 🇲🇰🤝🇵🇹

Овој документ претставува значаен чекор кон зајакнување на меѓународната правна соработка, размената на искуства и унапредувањето на институционалните капацитети во областа на јавното обвинителство. ⚖️

Соработката со нашите европски партнери е од особено значење за унапредување на владеењето на правото, ефикасноста на правосудниот систем и зајакнувањето на довербата на граѓаните во институциите. 🇪🇺

Министерството за правда останува посветено на поддршка на процесите кои водат кон модерно, независно и професионално обвинителство, усогласено со европските стандарди и најдобрите практики.

30/05/2026

29/05/2026

СООПШТЕНИЕ ЗА МЕДИУМИ

Димитриевски: Необољшевици го водат СДСМ кои се обидуваат своите внатрешни проблеми да ги рефокусираат кај конкурентните партии

Претседателот на Движењето ЗНАМ за Наша Македонија, Максим Димитриевски, во интервју за Фокус порача дека СДСМ продолжува со старата матрица на политички спинови, обиди за дефокус и конструкции насочени кон дискредитација на политичките конкуренти, наместо соочување со сопствените слабости и внатрешна криза.

„Сите овие приказни што периодично се пуштаат во јавноста дека некој бил незадоволен или маргинализиран се дел од старата матрица на политичкиот спин, поттикната од необољшевиците што сега го водат СДСМ и се обидуваат своите внатрешни проблеми да ги рефокусираат кај конкурентните партии“ - истакна Димитриевски.

Тој потенцира дека ЗНАМ останува стабилен политички субјект со сопствен интегритет, јасна визија и јасни црвени линии, кој не функционира како привезок на било чија политика, туку како автентично движење кое гради нов политички концепт во Македонија.

Во однос на прашањето за уставните измени и внесувањето на Бугарите во Уставот, Димитриевски повтори дека ЗНАМ нема да поддржи решенија под диктат и под постојани нови условувања.

„Ако воопшто се отвора Уставот, тоа мора да биде резултат на јасен внатрешен консензус и реални, проверливи гаранции за националните и државните интереси и врз база на реципроцитет. Без тоа, секое инсистирање е само продолжување на политичка несигурност и постојано поместување на условите“ - нагласи претседателот на ЗНАМ.

Димитриевски порача дека пратениците на ЗНАМ ќе одлучуваат исклучиво согласно националниот и државниот интерес, Уставот и програмските принципи на движењето, без калкулации и без отстапување под политички притисоци.

Движењето ЗНАМ продолжува со својата мисија насочена кон градење стабилна држава, силни институции и политики што се во интерес на граѓаните, со доследност кон своите принципи и визија за модерна и праведна Македонија, посветено на реални решенија и долгорочен раст и развој на државата.

Центар за комуникации и аналитика

27/05/2026

🌙✨ Честит Курбан Бајрам

Честит Курбан Бајрам на сите граѓани од исламска вероисповед.

Нека овој празник донесе мир, здравје, меѓусебно разбирање и солидарност во сите семејства и заедници.

Да бидеме сплотени и да споделуваме вредности кои нè потсетуваат на важноста на заедништвото и почитта. 🤝

⸻

🌙✨ Urime Kurban Bajrami

Urime Kurban Bajrami për të gjithë qytetarët e besimit islam.

Le të sjellë kjo festë paqe, shëndet, mirëkuptim të ndërsjellë dhe solidaritet në të gjitha familjet dhe komunitetet.

Të jemi të bashkuar dhe të ndajmë vlera që na kujtojnë rëndësinë e bashkësisë dhe respektit. 🤝

⸻

🌙✨ Kurban Bayramı kutlu olsun

İslam inancına mensup tüm vatandaşların Kurban Bayramı kutlu olsun.

Bu bayramın tüm ailelere ve topluluklara barış, sağlık, karşılıklı anlayış ve dayanışma getirmesini dileriz.

Birlik içinde olalım ve bize beraberliğin ve saygının önemini hatırlatan değerleri paylaşalım. 🤝

⸻

🌙✨ Sretan Kurban-bajram

Sretan Kurban-bajram svim građanima islamske vjeroispovijesti.

Neka ovaj praznik donese mir, zdravlje, međusobno razumijevanje i solidarnost u sve porodice i zajednice.

Budimo ujedinjeni i dijelimo vrijednosti koje nas podsjećaju na važnost zajedništva i poštovanja. 🤝

⸻

🌙✨ Bahtalo Kurban Bajram

Bahtalo Kurban Bajram sa e građanenđe so si islamske paćivako.

Te anel akava prazniko mir, sastipe, maškarutno haljovibe thaj solidarnost ande sa e familije thaj zajednice.

Te avas jekhetane thaj te ulavas vrednosti so amenđe phenen sar si važno e zajedništvo thaj e poštovanje. 🤝

24/05/2026

Честит 24 Мај – Денот на сесловенските просветители Св. Кирил и Методиј 📜

Со нивната мисија започнува една од најважните страници во историјата на словенските народи – создавањето на писменоста, културата и духовното единство.

Св. Кирил и Методиј се поврзуваат и со најстариот словенски правен писмен споменик – „Законот за судење на луѓето“, кој содржи одредби од кривичното, приватното и процесното право и претставува важен чекор во развојот на правната мисла. ⚖️

Нивното наследство и денес живее преку јазикот, образованието и вредностите што ги негуваме. 🇲🇰

23/05/2026