Александар Јанев

Александар Јанев Contact information, map and directions, contact form, opening hours, services, ratings, photos, videos and announcements from Александар Јанев, Government Official, Skopje.

Денеска во седиштето на Единицата за брзо распоредување присуствував на завршните показни вежби на новоселектираните пол...
04/06/2026

Денеска во седиштето на Единицата за брзо распоредување присуствував на завршните показни вежби на новоселектираните полициски службеници кои по успешно завршената шестмесечна обука стануваат дел од оваа елитна и високо специјализирана единица на македонската полиција.

Она што денес го видов не беше само демонстрација на физичка подготвеност, тактичка обученост и професионални вештини. Тоа беше потврда дека македонската полиција создава нова генерација дисциплинирани, мотивирани и подготвени припадници, способни да одговорат на најсложените безбедносни предизвици и секогаш да бидат во служба на граѓаните и државата.

Посветеноста, знаењето и професионализмот што ги покажаа овие млади полициски службеници се доказ дека Единицата за брзо распоредување континуирано го зајакнува својот кадровски потенцијал и ги унапредува своите оперативни капацитети.
Горди сме што од денес во нашите редови добиваме нови припадници подготвени да го штитат јавниот ред и мир, да се спротивстават на сите форми на криминал и да одговорат на секоја закана по безбедноста на државата и граѓаните.

Упатувам искрени честитки до новите припадници на Единицата, до нивните инструктори и до раководството кое со својата посветена работа создава кадар што ги исполнува највисоките професионални стандарди.

Македонските граѓани можат да бидат сигурни дека зад нив стојат обучени, одговорни и професионални полициски службеници. Со вакви луѓе во полициските редови, државата има сила, стабилност и сигурност да се справи со секој предизвик.

#ЗаконРедИнтегритет
#ЗаЕдноЗаБезбедност

Денеска остварив работна средба со градоначалникот на Општина Гази Баба, Бобан Стефковски, на која разговаравме за безбе...
04/06/2026

Денеска остварив работна средба со градоначалникот на Општина Гази Баба, Бобан Стефковски, на која разговаравме за безбедносната состојба во општината, актуелните предизвици и можностите за понатамошно унапредување на сигурноста на граѓаните преку заедничка и координирана соработка.

Посебно внимание посветивме на безбедноста во училиштата и заштитата на учениците, како и на потребата од континуирани превентивни активности насочени кон спречување на врсничкото насилство. Заеднички се согласивме дека навремената реакција, едукацијата и партнерскиот пристап меѓу институциите се клучни за создавање безбедна средина за младите.

Бирото за јавна безбедност останува посветен партнер на локалните самоуправи во градењето безбедни и сигурни заедници. Продолжуваме со посветена соработка и заеднички активности во интерес на безбедноста на сите граѓани.

#ЗаконРедИнтегритет
#ЗаЕдноЗаБезбедност

Денеска, во Љубљана, Република Словенија, во рамките на студиската посета организирана од страна на проектот Поддршка на...
27/05/2026

Денеска, во Љубљана, Република Словенија, во рамките на студиската посета организирана од страна на проектот Поддршка на ЕУ за владеење на правото (EU Support for Rule of Law) , остварив работна посета на словенечката полиција, на која со мојот колега и драг пријател, генералниот директор Дамјан Петрич, имавме искрена и пријателска работна средба посветена на зајакнување на партнерството и соработката помеѓу двете полиции.

Разговаравме за предизвиците со кои се соочуваат современите безбедносни системи, со посебен акцент на прекуграничниот криминал, нелегалната миграција, тероризмот, нелегалната трговија со дрога, сајбер криминалот, како и значењето на заедничкото делување преку Европол, Интерпол и регионалните иницијативи.

Посебно внимание посветивме на размената на информации, заедничките оперативни активности и градењето силни професионални врски помеѓу криминалистичките полиции, како еден од најважните предуслови за успешно справување со транснационалните и организираните криминални групи кои претставуваат закана за безбедноста на регионот и Европа.

Во духот на искрено пријателство и меѓусебна доверба, разговаравме и за процесите на дигитализација на полицијата, модернизацијата на услугите кон граѓаните и можностите за понатамошна поддршка која словенечките колеги несебично ја даваат на македонската полиција преку споделување искуства, знаење и добри практики.

Особено сум благодарен за искрената и континуирана поддршка што Словенија ја дава на македонската полиција во реформските процеси, особено во делот на европските стандарди, стратешките реформи и користењето на европските фондови во областа на безбедноста. Токму ваквите партнерства претставуваат вистинска вредност и доказ дека пријателството помеѓу двете полиции се темели на доверба, професионалност и заедничка визија.

Остануваме две блиски и пријателски полиции, посветени на заедничка работа, меѓусебна поддршка и заедничка грижа за безбедноста на македонските и словенечките граѓани.

#ЗаконРедИнтегритет
#ЗаЕдноЗаБезбедност

Честит Курбан Бајрам на сите граѓани кои го празнуваат овој голем празник.Нека празничните денови донесат здравје, споко...
27/05/2026

Честит Курбан Бајрам на сите граѓани кои го празнуваат овој голем празник.
Нека празничните денови донесат здравје, спокој, среќа и убави моменти со најблиските.
Во духот на солидарноста и хуманоста, да продолжиме да градиме општество исполнето со почит, разбирање и заедништво.

Денешниот празник нè потсетува дека јазикот и писменоста се најсилните столбови на еден народ.Делото на светите браќа Ки...
24/05/2026

Денешниот празник нè потсетува дека јазикот и писменоста се најсилните столбови на еден народ.

Делото на светите браќа Кирил и Методиј ја постави основата на културниот и образовниот развој на словенските народи и останува траен извор на инспирација.

Денес, нивното наследство нè обврзува да ја негуваме писменоста, знаењето и културниот идентитет.

Со почит кон минатото, ја градиме одговорноста кон иднината.

Денеска имав чест да се обратам на настан посветен на борбата против фалсификатите, пиратеријата и нелегалната трговија,...
21/05/2026

Денеска имав чест да се обратам на настан посветен на борбата против фалсификатите, пиратеријата и нелегалната трговија, организиран од страна на “REACT” меѓународна мрежа за борба против фалсификати, во присуство на претставници од Министерството за внатрешни работи, Царинската управа и Државниот пазарен инспекторат.

Фалсификуваните производи денес не претставуваат само економска штета, туку сериозен безбедносен, финансиски и институционален предизвик кој сè почесто навлегува и преку дигиталните алатки, онлајн платформите и современите канали на нелегална трговија.

Како институции, наша обврска е да се грижиме за безбедноста и заштитата на граѓаните. Особено кога станува збор за фалсификувани лекови, козметика, играчки за деца, авто-делови, електроника и други производи кои директно влијаат врз здравјето, сигурноста и довербата на потрошувачите. Граѓаните мора да бидат сигурни дека кога плаќаат за квалитет и оригиналност добиваат безбеден и проверен производ.

Токму затоа, заедничкиот пристап, навремената размена на информации, знаење и искуства помеѓу институциите и меѓународните партнери се клучни за поефикасна превенција, откривање и сузбивање на оваа појава.

Борбата против фалсификатите е борба за заштита на граѓаните, легалната економија, фер пазарот и довербата во системот.

Благодарност до REACT и до сите институции и партнери за досегашната успешна соработка, професионалност и заедничка посветеност во градење посилен и поефикасен систем во справувањето со овој вид на појави и криминал.

#ЗаконРедИнтегритет
#ЗаЕдноЗаБезбедност

Полицијата преку претходна анализа, аналитичко профилирање, идентификување на ризици и зајакната детална контрола на гра...
20/05/2026

Полицијата преку претходна анализа, аналитичко профилирање, идентификување на ризици и зајакната детална контрола на граничниот премин Стар Дојран спречи инвентивен обид за нелегален прекуграничен транспорт на марихуана.

Колегите од граничната полиција, постапувајќи по претходни индикатори и силно аналитичко профилирање, застанаа на патот на прекуграничниот криминал, во време кога криминалните структури стануваат сè поинвентивни во обидите за прокриумчарување нелегална стока, во овој случај растителна материја марихуана.

Продолжуваме со зајакната цврстина на граничните линии. Безбедноста и борбата против прекуграничните криминални групи остануваат еден од нашите врвни приоритети. Македонските граници стануваат силна брана и непосакуван ѕид за секој обид за криминални активности и нелегални транспорти.

Наша должност е да ја гарантираме безбедноста и одлучно да се бориме против криминалот каде и да е, кога и да е.

Благодарност до колегите од ГП Стар Дојран за нивната професионалност, посветеност и истрајна работа.

#ЗаконРедИнтегритет
#ЗаЕдноЗаБезбедност

Денеска имав чест да присуствувам на одбележувањето на 190 годишнината од формирањето на Бригадата за противпожарна зашт...
20/05/2026

Денеска имав чест да присуствувам на одбележувањето на 190 годишнината од формирањето на Бригадата за противпожарна заштита на Град Скопје и 20 Мај – Денот на пожарникарството.

На сите пожарникари им го честитам нивниот ден, со искрена почит кон професијата која секојдневно бара храброст, пожртвуваност, дисциплина и подготвеност да се влезе таму од каде што сите други излегуваат.

Пожарникарите се симбол на несебичност и човечност. Тие не спасуваат само имоти и објекти, тие спасуваат животи, семејства и надеж.

Во најголемиот дел од кризите, елементарните непогоди, пожарите и безбедносните закани, полицијата и пожарникарите стојат рамо до рамо на првата линија. Без разлика дали станува збор за интервенции од помал обем или за големи пожари и вонредни состојби во екот на сезоната, заедничката цел секогаш е иста заштита на граѓаните, нивната безбедност и нивниот мир.
Оваа соработка, доверба и меѓусебна поддршка се темел на силен и подготвен систем кој знае да одговори кога е најпотребно.
Нека е честит 20 Мај – Денот на пожарникарството.
Почит за сите храбри луѓе кои секојдневно се борат со огнот за да ги заштитат другите.

#ЗаконРедИнтегритет
#ЗаЕдноЗаБезбедност

Ме радува што младите ја препознаваат искрената порака и поддршка што ја испраќа македонската полиција преку кампањата „...
19/05/2026

Ме радува што младите ја препознаваат искрената порака и поддршка што ја испраќа македонската полиција преку кампањата „Одговорно слави го успехот“.

Кампањата, која се реализира од страна на Секторот за полициски работи од општа надлежност, Отсеците за превенција, Одделението за полиција и Одделението за криминалистичка полиција, наидува на одличен прием кај матурантите ширум државата.

Особено е важно што младите ја препознаваат полицијата не само како институција за безбедност, туку и како искрен партнер и поддршка во важен период од нивниот живот.

Токму затоа ваквите пораки се важни, затоа што младите заслужуваат поддршка, доверба и вистински насоки во градењето на својата иднина.

#ЗаконРедИнтегритет
#ЗаЕдноЗаБезбедност

Денеска, во седиштето на Единицата за брзо распоредување во Скопје, оддадовме почит на нашите загинати колеги припадници...
17/05/2026

Денеска, во седиштето на Единицата за брзо распоредување во Скопје, оддадовме почит на нашите загинати колеги припадници на Единицата кои своите животи ги положија во служба на државата, безбедноста и граѓаните.

Во присуство на нивните семејства, градоначалникот на Ѓорче Петров, пратеникот Бојан Стојановски, претставници на синдикатите и колегите од специјалните единици на Бирото за јавна безбедност, застанавме пред споменикот подигнат во нивна чест со тишина, со почит и со благодарност кон луѓето кои ја дадоа најголемата жртва за Македонија.

Нивните имиња и нивните дела никогаш нема да бидат избришани од нашата полициска и институционална меморија. Тие остануваат траен симбол на храброст, чест и пожртвуваност. Нивниот живот положен за татковината е аманет за сите нас чесно, одговорно и посветено да ја чуваме безбедноста на граѓаните и интегритетот на државата.

Најтешко е за нивните семејства. Болката по загубата никогаш не исчезнува, но тие мора да знаат дека не се сами. Полицијата и раководството секогаш ќе бидат покрај нив, затоа што тие се дел од нашето големо полициско семејство.

Во чест на загинатите колеги, денеска го отворив и меморијалниот турнир на кој учествуваат 14 екипи од различни организациски единици на полицијата. Со спортски дух, со заедништво и фер-плеј продолжуваме да го чуваме споменот на луѓето кои не дозволија стравот да биде посилен од должноста.

Некои дадоа многу. Тие дадоа сè.
Полициската професија не е само работа, таа е заклетва. Заклетва дека ќе бидеме тивки чувари на мирот, спокојот и безбедноста на граѓаните и државата. Затоа сме обучувани, затоа ја носиме униформата и затоа сме подготвени да служиме чесно и достоинствено, дури и по цена на сопствениот живот.

Вечна слава и благодарност за нашите херои.

#ЗаконРедИнтегритет
#ЗаЕдноЗаБезбедност

Address

Skopje
1000

Website

Alerts

Be the first to know and let us send you an email when Александар Јанев posts news and promotions. Your email address will not be used for any other purpose, and you can unsubscribe at any time.

Shortcuts

Share

Category