Министерство за локална самоуправа

Министерство за локална самоуправа Добредојдовте на Официјалната Страна на Министерство?

🇨🇭🇲🇰Државниот секретар Јулијана Павковска Боцевска, денес имаше воведно обраќање на работната средба во рамките на пр...
17/06/2026

🇨🇭🇲🇰Државниот секретар Јулијана Павковска Боцевска, денес имаше воведно обраќање на работната средба во рамките на проектот „Зајакнување на општинските совети“, фаза 2“ , финансиран од Швајцарската влада Embassy of Switzerland in North Macedonia и Министерство за локална самоуправа, спроведуван и кофинансиран од УНДП.

✅ Заедно со нашите партнери, продолжуваме посветено да ги зајакнуваме капацитетите на локалните чинители за потранспарентни, поодговорни и поефикасни општини.
Се презентираа и тековните активности на Министерството во насока на поддршка на развојот на општините.

✅Државниот секретар ги повика претставниците на општинските совети за максимално искористување на услугите кои им се ставени на располагање на општините преку Ресурсниот центар, како и активна вклученост во тековните процеси во насока на унапредување локалниот одржлив развој.

Министерот за локална самоуправа Златко Перински, заедно со министерот за култура и туризам Зоран Љутков, градоначалнико...
17/06/2026

Министерот за локална самоуправа Златко Перински, заедно со министерот за култура и туризам Зоран Љутков, градоначалникот на Општина Струмица Петар Јанков, директорот на НУ Завод за заштита на спомениците на култура и Музеј – Струмица, Бране Георгиев, како и партнерите вклучени во реализацијата на проектот, присуствуваше на промотивниот настан на проектот „CulTour Crossing Borders“, кој се реализира во рамки на Програмата Интерег VI-А ИПА за прекугранична соработка со Република Грција.

Вредноста на активностите што ги реализираат македонските партнери изнесува 451.603 евра, додека Министерството за локална самоуправа обезбедува национално кофинансирање во износ од 90.321 евра.

Проектот е дел од првиот повик на Програмата Интерег VI-А ИПА со Република Грција, во чии рамки беа одобрени вкупно 19 проекти со буџет од над 18 милиони евра. Во нивната реализација учествуваат 36 корисници од нашата држава, со вкупна вредност на проектите од 8,6 милиони евра.

Министерството за локална самоуправа останува посветено на поддршката на проекти кои придонесуваат за заштита и валоризација на културното наследство, развој на туризмот, јакнење на прекуграничната соработка и создавање нови можности за локален развој и поквалитетен живот за граѓаните.

Денеска се одржа работен состанок, организиран во рамки на Ресурсниот центар, за поддршка на општините во подготовката н...
15/06/2026

Денеска се одржа работен состанок, организиран во рамки на Ресурсниот центар, за поддршка на општините во подготовката на плански документи за локален економски развој.

На состанокот се обрати министерот Перински, кој упати јасен повик до општинската администрација активно да се вклучат во процесот на подготовка на документите за локален економски развој, нагласувајќи дека успехот на иницијативата ќе зависи пред се од нивната проактивност, подготвеност за соработка и активно учество во креирањето на развојните приоритети.

40 општини започнуваат процес на подготовка на нови документи за локален економски развој со поддршка на Ресурсниот центар за поддршка на општините.

Ресурсниот центар останува сигурен партнер на општините во процесот на нивно административно јакнење и развој.

Во рамки на караванот „Каде што срцето е дома“, министерот за локална самоуправа Златко Перински, оствари работна посета...
12/06/2026

Во рамки на караванот „Каде што срцето е дома“, министерот за локална самоуправа Златко Перински, оствари работна посета на Општина Кисела Вода.

На средбата со градоначалничката Бети Стаменкоска-Трајкоска, Советот на општината и општинската администрација се разговараше за актуелните прашања и развојни приоритети, како и за конкретните потреби на општината во насока на поефикасно извршување на надлежностите и подобрување на услугите за граѓаните.

Посебно внимание беше посветено на можностите што ги нуди Ресурсниот центар за поддршка на општините, преку кој Министерството обезбедува стручна и техничка поддршка за јакнење на капацитетите на локалната самоуправа.

Министерството продолжува со непосредна комуникација со општините и навремено препознавање на нивните потреби, со цел креирање ефикасни и одржливи решенија во интерес на граѓаните.

Собранието на пленарна седница ги усвои измените и дополнувањата на Стратегијата за регионален развој за период 2021–203...
12/06/2026

Собранието на пленарна седница ги усвои измените и дополнувањата на Стратегијата за регионален развој за период 2021–2031, предложени од Министерството за локална самоуправа.

Измените произлегуваат од спроведеното тековно оценување на Стратегијата, усогласувањето со резултатите од Пописот на населението од 2021 година и Националната развојна стратегија 2024–2044.

Министерот Златко Перински пред Комисијата за локална самоуправа и Законодавно правната комисија во своето излагање нагласи дека целта на измените е Стратегијата да стане пооперативна, пофункционална и поефикасна алатка за постигнување на развојните цели, преку поддршка на полицентричен развој и намалување на регионалните разлики.

Со усвојувањето на измените се создаваат предуслови за поефикасно спроведување на политиките за рамномерен регионален развој, подобро насочување на развојните инвестиции и понатамошна поддршка на сите плански региони и општини во државата.

Заменик министерот за локална самоуправа Селими, присуствуваше на завршниот настан на обуката за урбано пребарување и сп...
10/06/2026

Заменик министерот за локална самоуправа Селими, присуствуваше на завршниот настан на обуката за урбано пребарување и спасување (Urban Search and Rescue – USAR), реализирана во рамки на соработката меѓу Република Северна Македонија и Република Грција, со поддршка на УНДП.

Селими ја истакна важноста од континуираното јакнење на капацитетите на службите за заштита и спасување, нагласувајќи дека вложувањето во обука, знаење и подготвеност е клучно за навремена и ефикасна реакција при природни катастрофи.

Тој упати благодарност до сите пожарникари и обучувачи за нивната посветеност и професионалност.

Министерот за локална самоуправа, Златко Перински, пред Законодавно правната комисија и Комисијата за локална самоуправа...
10/06/2026

Министерот за локална самоуправа, Златко Перински, пред Законодавно правната комисија и Комисијата за локална самоуправа ги презентираше предложените измени и дополнувања на Стратегијата за регионален развој за период 2021–2031.

Предложените измени произлегуваат од спроведеното тековно оценување на Стратегијата и имаат за цел нејзино понатамошно унапредување и усогласување со актуелните развојни потреби, новите демографски показатели и Националната развојна стратегија 2024–2044.

Министерството за локална самоуправа останува посветено на креирање политики засновани на реални податоци, мерливи резултати и одржливи решенија, кои ќе придонесат за рамномерен развој на сите плански региони и општини во секој дел од државата.

Денеска заменик министерот Селими присуствуваше на обуката посветена на развојот и имплементацијата на планови за одржли...
05/06/2026

Денеска заменик министерот Селими присуствуваше на обуката посветена на развојот и имплементацијата на планови за одржлива урбана мобилност, на покана на Министерството за транспорт.

Одржливата урбана мобилност не е само прашање на сообраќај, туку и на квалитет на живот за граѓаните.

Затоа е важно институциите и општините заеднички да работат на креирање современи и одржливи решенија кои ќе одговорат на потребите на граѓаните и на предизвиците на современиот урбан развој.

Вложувањето во знаење, планирање и координација е предуслов за создавање функционални, безбедни и пристапни градови за сите.

📌Заменик министерот Селими, во Битола присуствуваше на првиот настан на проектот„FIREFLY“, кој се реализира во рамки на ...
04/06/2026

📌Заменик министерот Селими, во Битола присуствуваше на првиот настан на проектот„FIREFLY“, кој се реализира во рамки на Интерег VI-A ИПА Програмата за прекугранична соработка со Грција 2021–2027.

💰Вкупната вредност на проектот за македонските партнери: 545.680 евра
💰Кофинасирање од страна на министерството: 109.136 евра.

❗️Имплементатори на проектот се Центар за развој на Пелагониски плански регион и Дирекција за заштита и спасување.

✅Проектот е насочен кон унапредување на превенцијата исправувањето со шумските пожари преку зајакнување накапацитетите на институциите, размена на знаења иискуства и воведување современи решенија за ранооткривање и брза реакција.

✅Посебно значајно е што преку проектот беа обезбедени нови возила и опрема за Територијалната противпожарна единица Битола, што претставува директна инвестиција во безбедноста на граѓаните и заштитата на природните богатства.

Во Министерството за локална самоуправа, заедно со Црвениот крст, реализиравме крводарителска акција во која вработените...
02/06/2026

Во Министерството за локална самоуправа, заедно со Црвениот крст, реализиравме крводарителска акција во која вработените уште еднаш ја потврдија својата подготвеност да помогнат таму каде што е најпотребно.

Крводарителството останува еден од највредните примери на солидарност и хуманост, кое покажува дека грижата за другите започнува од секој од нас.

Благодарност до сите кои се вклучија во оваа крводарителска акција.

Address

Улица Кирил и Методиј, 54
Skopje
1131

Telephone

+38923253921

Website

Alerts

Be the first to know and let us send you an email when Министерство за локална самоуправа posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Министерство за локална самоуправа:

Shortcuts

Share

Category