Министерство за одбрана / Defence MKD

19/06/2026

15/06/2026

📌Министерот Vlado Misajlovski, денеска е во Париз, Република Франција, каде на покана на министерката за одбрана на француските вооружени сили, Катерине Ваутрин, присуствуваше на отворањето на меѓународниот саем за одбрана и безбедност „EUROSATORY 2026“.

🗨️Министерот Мисајловски: Во пресрет на следните чекори за модернизација на опремата на македонската Армија, овој саем претставува одлична можност за запознавање со најновите техничко-технолошки достигнувања во областа на одбраната.

🇲🇰🇫🇷

12/06/2026

📌Mинистерот за одбрана Vlado Misajlovski, денеска во касарната „Гоце Делчев“ во Скопје се обрати на свеченоста по повод одбележувањето на Денот на Воената академија „Генерал Михаило Апостолски“.

🗨️Ова е ден кога им оддаваме признание на генерациите питомци кои своето образование го минале токму тука, на офицерите и професорите кои со својата работа, знаење и посветеност ја граделе и ја унапредувале Воената академија како еден од најзначајните столбови на македонскиот одбранбен систем - истакна министерот Мисајловски.

Во рамки на свеченоста и во чест на патронот на Академијата, беше отворена спомен-собата на генералот Михаило Апостолски, посветена на неговиот продонес и наследство за македонската воена историја.

На сите припадници, професори, питомци и вработени во Академијата им го честитаме Денот на Воената академија! 🇲🇰

11/06/2026

📌 Заменикот министер за одбрана, Адмир Шабани денеска во Клубот на пратеници во Скопје, ја отвори Меѓународната научна конференција „Мултиполарност и одржлива безбедност во Европа“.

🗨️ Како членка на НАТО и земја која активно придонесува кон регионалната и европската безбедност, продолжуваме да инвестираме во развојот на нашите одбранбени капацитети, но истовремено и во знаењето, науката и човечкиот потенцијал како суштински предуслови за долгорочна стабилност - порача заменикот министер Шабани.

ℹ️ Меѓународната научна конференција е организирана од Филозофскиот факултет – Институтот за безбедност, одбрана и мировни студии во соработка со Министерството за одбрана и вклучува учесници од Турција, Хрватска, Латвија и Србија.

09/06/2026

📌Денеска во Министерството за одбрана, министерот Vlado Misajlovski оствари средба со амбасадорот на Австрија, Мартин Памер.
На средбата се резговараше за досегашната меѓусебна соработка и нејзино понатамошно унапредување, како и за иницијативите за нови проекти од заеднички интерес.

Министерот Мисајловски: Продолжуваме да градиме силни партнерски односи и да создаваме нови можности за соработка во иднина.
🇲🇰🤝🇦🇹

27/05/2026

Објавен е Конкурс за запишување студенти/питомци на Воената академија „Генерал Михаило Апостолски“ – Скопје, на прв циклус студии во учебната 2026/2027 година.

Упатуваме повик до сите млади лица кои сакаат своето образование и работна кариера да ја продолжат како идни офицери во рамки на македонската Армија да ја искористат можноста и да се пријават!

Критеруми:
➡️да се македонски државјани;
➡️да не се постари од 21 година (на денот на пријавување и поднесување документи);
➡️завршено четиригодишно средно образование;
➡️психофизички способни (утврдува военолекарска комисија).

https://ma.edu.mk/announcements-competitions/260527-konkurs-za-zapishuvane-studentipitomci-za-potrebite-na

21/05/2026

Денеска во Министерството за одбрана, министерот Vlado Misajlovski се сретна со адмиралот Џорџ Викоф, командант на Сојузничката команда на здружените сили на НАТО во Неапол и командант на американските поморски сили во Европа и Африка

На средбата беше потврдена нашата посветеност кон зацврстување на регионалната и колективната безбедност.

Мисајловски: Придонесот на македонските војници во зацврстувањето на безбедноста во регионот и во рамки на Алијансата е видлив преку учеството во мисијата КФОР на Косово, како и во мултинационалните сили на источното крило на НАТО, за што имаме силна поддршка од Сојузничката команда во Неапол. Продолжуваме посветено и одговорно да ја унапредуваме заедничката соработка, партнерството и стабилноста, придонесувајќи кон посигурен и побезбеден регион и посилна Алијанса, преку развојот на Коридорите 8 и 10.