Државен совет за превенција на детско престапништво и правда за деца

27/03/2026

📌Поддршка за развој на локални системи за превенција на детско престапништво

➡️Започнуваме со активности за поддршка на локалните заедници во воспоставување функционални системи за превенција на детско престапништво, во рамки на проектот „Младите правници за поприлагоден систем за правда за деца“, финансиран од Европската Унија.

Во соработка со Државниот совет за превенција на детско престапништво и правда за деца, веќе се одржаа работни средби со претставници на општините, меѓу кои и во Општина Штип, каде заеднички ги мапиравме постојните ресурси и можностите за унапредување.

Локалните совети за превенција имаат клучна улога во:
✔️ рана и навремена превенција
✔️ подобра координација меѓу институциите
✔️ зајакнување на соработката на локално ниво

Преку развој на програми, акциски планови и менторска поддршка, работиме кон создавање одржливи решенија кои ќе продолжат да функционираат и во иднина.

Превенцијата започнува во заедницата. Да ја градиме заедно.

#Превенција #Деца #ЛокалнаЗаедница #Соработка #ПравдаЗаДеца

16/10/2025

Со поддршка од проектот „Младите правници за поприлагоден систем за правда за деца“, финансиран од Европската Унија, Државниот совет за детско престапништво и правда за деца ја одржа својата 19-та седница за 2025 година, организирана како работна средба со претставници на организациските единици за криминалистичко-разузнавачка анализа од секторите за внатрешни работи.

Средбата беше посветена на презентација, обучување и обезбедување усогласен пристап во прибирањето на податоците утврдени со индикаторите за следење на имплементацијата на Законот за правда за деца.

Ова е првата од планираните три работни средби посветени на оваа тема.

Преку зајакнување на професионалците од различните сектори во системот за правда за деца, ќе се овозможи поправилно и посеопфатно согледување на состојбата на децата во контакт со законот, што ќе придонесе за функционално креирање на политики засновани на проверени и точни податоци.

16/12/2024

🎯Државниот совет за превенеција на детско престапништво и правда за деца како самостојно и независно тело формирано од Собранието на РСМ, го осудува настанот во населбата Капиштец кој упатува на (наводи за) вклученост на деца во акти на насилство и нарушување на јавниот ред и мир.

✅️Во спроведувањето на законската надлежност, Државниот совет донесе Национална стратегија за превенција и правда за деца во Република Северна Македонија [2022- 2027] и Акциски план [2022-2023):

�https://dspdp.com.mk/wp-content/uploads/2022/09/Nacionalna-strategija.pdf

👉🏼Оваа стратегија ја нагласува важноста од активност на локалната самоуправа во остварување на дел од стратешките цели со оглед на фактот што секоја локална заедница има свои специфики во однос на ризик факторите за појава на детското престапништво, па оттука и специфики во дефинирањето на превентивните програми и пристап прилагоден на потребите односно состојбата во којашто се наоѓаат децата во општината.

🟢Согласно својата надлежност, повеќе години и во соработка со ЗЕЛС работиме на поддршка на општините во формирање и профункцинирање на општинските совети за превенција на детско престапништво, што преставува законска надлежност на градоначалникот на општината, Градот Скопје и советите на општините согласно членовите 181-182 од Законот за правда за децата( Сл. Весник на РСМ бр. 66/2024)

👉🏼Формирањето на овие совети за превенција на детско престапништво има примарна цел, а тоа е: намалување на бројот на децата во судир со законот и бројот на деца во ризик и деца жртви, зјакнување на институционалната соработка за превенција од детско престапништво, спречувањето на насилството во училиштата и спречувањето на зачестените форми на т.н. сајбер булинг и присутното насилство на социјалните медиуми и подигнување на јавната свест за превенцијата од детското престапништво како исклучителен важен општествен сегмент.

‼️Податоците со кои располага Државниот совет покажуваат дека ваков совет не е формиран во Општина Центар, поради што укажуваме на законската обврска за формирање на ваков совет кој ќе ги обедини надлежните институции вклучително и децата, за превенција меѓу другото и од вандализам како честа општествена појава од децата.

‼️Би сакале да укажеме дека во Законот за правда за деца, согласно член 69, општокорисната работа е уредена и може да се изрече како мерка на дете над 16 години. Треба да се работи на зајакнување на свеста за постоењето на оваа мерка, како и на капацитетите за нејзино извршување.

Општина Центар - Скопје
@Горан Герасимовски

12/12/2024

Усвоен е Годишниот извештај за работата на Државниот совет за превенција на детско престапништво и правда за деца за 2023 година

Годишниот извештај на Државниот совет дава преглед на состојбата со правата на децата и детското престапништво на Република Северна Македонија во 2023 година, постигнатиот напредок во однос на препораките од претходниот извештај, клучните предизвици и насоки за нивно надминување.

Во извештајот се содржани податоци за остварување на правата на децата, нивната заштита и реализираните превентивни мерки од страна на институциите.

Годишниот извештај за работата на Државниот совет за 2023 година е разгледан и од страна на Собранието на Република Северна Македонија.

🔗Линк од целосниот текст на Извештајот:

Усвоен е ГГодишен извештај на работата на Државниот совет за 2023 година, којшто е разгледан и од страна на Собранието на РСМ. [...]Повеќе...

20/11/2024

Денес го одбележуваме 🌍Светскиот ден на детето 👧🏼👦🏻– ден посветен на најголемото богатство што го имаме, нашите деца. ❣️

Децата се срцето 💙на секое општество. Нивниот глас 🗣треба да биде слушнат, нивните права треба да бидат почитувани, а нивните соништа треба да бидат поттикнати. Ова е ден кога треба да се потсетиме дека секое дете заслужува љубов, заштита, образование и можност за среќна иднина.

Да бидеме нивниот пример, нивната поддршка и нивниот најголем сојузник. Заедно можеме да изградиме свет каде што секое дете ќе има можност да го достигне својот полн потенцијал.

Со давањето приоритет на правата и учеството на децата, можеме да помогнеме да се изгради подобра иднина за сите.

Оваа година се одбележуваат 35 години од усвојувањето на Конвенцијата за правата на детето,31 година од ратификацијата од страна на Република Северна Македонија и 31 –годишнина од работата на УНИЦЕФ во земјата.📃✒️

⚖️Детските права се човекови права. Но, на многу места денес, правата на децата се на удар.

Целта на одбележувањето на Светскиот ден на детето 🌍👦🏻👧🏼 е да се сврти вниманието на широката јавност на сите обврски кои општеството ги има кон децата, како и најважните проблеми со кои децата се соочуваат.

Не е наша работа да ги зајакнуваме децата да се соочат со суров и бездушен свет. Наша работа е да ги воспитаме децата да го направат светот помалку суров и бездушен.
Да ги направиме децата среќни секој ден!

#ЗаСекоеДете #СекоеПраво #СветскиДенНаДетето

28/08/2024

📌🗣Тематска расправа: Предлог за ратификација на Факултативниот протокол на Конвенцијата за правата на детето за постапка по претставки

👉🏼Види повеќе:🔗https://dspdp.com.mk/vesti/tematska-rasprava-predlog-za-ratifikaci-a-na-fakultativniot-protokol-na-konvenci-ata-za-pravata-na-deteto-za-postapka-po-pretstavki/

25/06/2024

👉Државниот совет изготви Листа на програми/услуги за секундарна превенција кои биле спроведени во 2022 и 2023 година, во којашто се вклучени:

I. Програмите специјално наменети за потребите на деца кои се идентификувани од системот за социјална заштита на деца што се изложени на (висок) ризик од инволвирање во престапништво, реализирани од Јавната установа Завод за социјални дејности – Скопје;

II. Програмите специјално наменети за потребите на деца кои се идентификувани од образовниот систем како деца што се изложени на (висок) ризик од инволвирање во престапништво, реализирани од Бирото за развој на образованието;

III. Програмите специјално наменети за потребите на деца кои се идентификувани од системот за правда (за деца) како деца што се изложени на (висок) ризик од инволвирање во престапништво, реализирани од Академијата за судии и јавни обвинители „Павел Шатев“ Скопје;

IV. Програмите специјално наменети за потребите на деца кои се идентификувани од здравствениот систем како деца што се изложени на (висок) ризик од инволвирање во престапништво, реализирани од Институтот за јавно здравје и

V. Програмите специјално наменети за потребите на деца кои се идентификувани од како деца што се изложени на (висок) ризик од инволвирање во престапништво, реализирани од УНИЦЕФ.

👉 Целосната листа на програмите може да ја најдете на следниов линк 🔗:

Државниот совет изготви Листа на програми/услуги за секундарна превенција кои биле спроведени во 2022 и 2023 година, во којашто се вклучени: I. Програмите специјално на....

30/05/2024

Претставен проектот: ,,Шведска поддршка на полициските реформи во Република Северна Македонија со посебен осврт на зајакнување на капацитетите на полицијата со цел исполнување на меѓународните најдобри пракси и стандардите за човекови права во делот на малолетничката правда и полициското работење во заедницата”

На седницата на Државниот совет одржана на 28 мај 2024 година, се одржа средба со претставниците на Проектот ,,Шведска поддршка на полициските реформи во Република Северна Македонија со посебен осврт на зајакнување на капацитетите на полицијата со цел исполнување на меѓународните најдобри пракси и стандардите за човекови права во делот на малолетничката правда и полициското работење во заедницата”.

На седницата членовите на Државниот совет беа запознаени со активностите што се планираат во текот на проектот и се разменија искуства за ,,Барнахус моделот" и неговите специфики како еден од пристапите кој обезбедува постапување во најдобар интерес на детето.

15/05/2024

🫶 Нека е честит Меѓународниот ден на семејствата! 👨‍👩‍👧‍👦

,,Што можете да направите за мир во светот?
Одете дома и сакајте го своето семејство!"
-Мајка Тереза 🕊

🔹️Државниот совет за превенција на детско престапништво и правда за деца го честита меѓународниот ден на семејствата.

✅️За таа цел би сакале да потсетиме дека поддршката на семејствата и превентивните програми спроведувани во соработка со семејството и заедницата го намалуваат ризикот децата да дојдат во судир со законот.

#МеѓународенДенНаСемејството

15/05/2024

Државниот совет за превенција на детско престапништво и правда за децата на седницата одржана на 14 мај 2024 година, одржа тематска расправа во однос на десетте години од влегувањето во сила на Факултативниот протокол на Конвенцијата за правата на детето за индивидуална апликација, којшто е достапен на англиски јазик и на хрватски јазик.

Повеќе 👉: 🔗https://dspdp.com.mk/vesti/tematska-rasprava-deset-godini-od-vleguva-eto-vo-sila-na-fakultativniot-protokol-na-konvenci-ata-za-pravata-na-deteto-za-individualna-aplikaci-a/

15/05/2024

На 8-мата седница на Државниот совет за превенција на детско престапништво и правда за деца одржана на 30 април 2024 година, со почеток во 12 часот се дискутираше за правата на децата и предизвиците во превенцијата на детското престапништво со претставници на Народниот правобранител, Васка Бајрамовска-Мустафа, Заменик на народниот правобранител и одговорно лице кое раководи со Одделението за заштита на правата на децата и Жаклина Георгиевска, советник.