Унијата на млади сили на ВМРО-ДПМНЕ е формирана на 6 Април 1991 година со одлука на партискиот Конгрес во Прилеп. Таа претставува континуитет на историската младинска организација која ги ширела идеалите за независна и самостојна Република Македонија.
На вековната борба на нашите предци за слобода и за национална самостојност водена од историското ВМРО се надоврзува конзервативизмот и традициона
лизмот на Унијата на млади сили на ВМРО-ДПМНЕ, како и идеите на европската демохристијанска традиција. Младите луѓе се носители на борбата за слобода. Црпејќи ја енергијата од нашите историски херои, млади луѓе кои биле подготвени и го дале својот живот за една идеја, мисла, визија која ги водела напред-слободата и независноста на нивната татковина Македонија. Нивното дело, го продолжуваме во нашата битка за европска Македонија, економски стабилна земја во која има убав и достоинствен живот, во која сите се еднакви пред законот и секој има свои обврски и одговорности пред државата.
Голем број на проекти кои произлегле од Унијата на млади сили се реализираа во изминативе 20 години. Голем број на идеи беа прифатени и реализирани, се со цел зголемување на свеста кај младиот човек и промовирање на демохристијанските десничарски принципи на живеење.
Унијата на млади сили секогаш била, е и ќе биде заштитник на традицијата, верата и црквата, Трите работи кои го чуваа идентитетот на Македонскиот народ низ вековите.
Низ годините, Унијата на млади сили прерасна во носечка сила на ВМРО-ДПМНЕ, сила која ја движи партијата напред кон нови победи и успеси. Работата и напорот на сите досегашни членови на Унијата на млади сили на ВМРО-ДПМНЕ е видлива во сегашниот капацитет и подготвеност на УМС да игра значајна улога во животот на младите луѓе. Многу големи жртви, издржливост, трпеливост и пред се, љубов, верба и надеж се во темелот на најјаката младинска организација во Македонија – Унијата на млади сили на ВМРО-ДПМНЕ.
УМС и тоа последниве години претрпи големи реформи како организациски, така и кадровски, во чекор следејќи ги реформите на ВМРО-ДПМНЕ како партија и правецот на движење на својата земја. Со тие реформи УМС прерасна во современа организација која работи врз основа на точно определени принципи и вредности, а тоа се: патриотизам, храброст, одлучност, одговорност, чесност, пoсветеност и лојалност кон својот народ и својата држава. Со тоа прерасна во современа организација со квалитетни идеи и квалитетни проекти и стана значаен фактор во донесувањето на одлуките на ВМРО ДПМНЕ за креирање на иднината на својата земја.
