Агенција за oстварување на правата на заедниците

  • Home
  • Macedonia
  • Skopje
  • Агенција за oстварување на правата на заедниците

Агенција за oстварување на правата на заедниците Contact information, map and directions, contact form, opening hours, services, ratings, photos, videos and announcements from Агенција за oстварување на правата на заедниците, Government Official, Str. Zheleznichka No.31, Skopje.

Агенцијата за остварување на правата на заедниците е формирана со Законот за унапредување и заштита на правата на припадниците на заедниците кои се помалку од 20% од населението на Република Македонија, донесен на 17 јули 2008 година.

Основна цел на Агенцијата за остварување на правата на заедниците е да овозможи поголема интеграција на припадниците на заедниците, како рамноправни граѓани на земј

ата, во сите сфери на општествениот живот, но со зачувување на нивните етнички и културни особености.
Агенцијата за остварување на правата на заедниците врши надзор на спроведувањето на законите со кои се уредуваат правата на припадниците на заедниците кои се помалку од 20% од населението на Република Македонија.

Агенцијата својата работа ја усогласува со работата на Секретаријатот за спроведување на Рамковниот договор, Управата за развој и унапредување на образованието на јазиците на припадниците на заедниците (орган во состав на Министерството за образование и наука) и Управа за афирмирање и унапредување на културата на припадниците на заедниците во Република Македонија(орган во состав на Министерството за култура).
Агенцијата го следи извршувањето и спроведувањето на активностите поврзани со положбата, правата, обврските и развојните можности на припадниците на заедниците.
Агенцијата соработува со невладини и други организации кои се занимаваат со правата на припадниците на заедниците, како и со општините и со свои мислења и предлози учествува во решавањето на прашањата поврзани со остварувањето на правата на припадниците на заедниците.

Правата кои ги регулира Агенцијата за остварување на правата на заедниците се право на образование на мајчин јазик, право на заштита на културниот идентитет, право на формирање на здруженија, право на вработување итн.
Сите народи имаат историска судбина да живеат поделени во повеќе држави.Тоа упатува и на реалната потреба да се разбере вистинската вредност на човековите и во таа смисла и на малцинските права.

Агенцијата за остварување на правата на заедниците официјално започна со работа на 25.11.2009 година.

05/06/2026

Во просториите на Агенцијата за остварување на правата на заедниците се одржа работна средба помеѓу директорот на Агенцијата, г-дин Далибор Китановиќ, и претставн....

04/06/2026

Во Агенција за oстварување на правата на заедниците се оддржа уште една работилница реализирана во рамки на пилот-менторската програма за 2025–2026 година, која АОПЗ ј...

03/06/2026

Директорот на Агенцијата за остварување на правата на заедниците, г-дин Далибор Китановиќ, оствари работна средба со директорката на Управата за заштита на култур....

🇲🇰🤝🇭🇷 На покана на Хрватската Амбасадорка во Р.С.Македонија Г-ѓа Нивес Тигањ, претставници на Агенцијата за остварување ...
01/06/2026

🇲🇰🤝🇭🇷 На покана на Хрватската Амбасадорка во Р.С.Македонија Г-ѓа Нивес Тигањ, претставници на Агенцијата за остварување на правата на заедниците присуствуваа на свечениот прием организиран по повод Националниот ден на Република Хрватска, кој се оддржа во хотел "Лимак"

Македонско-хрватските односи се темелат на долгогодишно пријателство, меѓусебна почит, доверба и плодна соработка, кои претставуваат цврста основа за понатамошно продлабочување на врските меѓу двете земји.

По тој повод, упативме искрени честитки до припадниците на хрватската заедница во Македонија, посакувајќи им добро здравје, благосостојба, просперитет и успешен развој во годините што следат.

Денес, во просториите на Македонскиот народен театар, претставници на Агенцијата за остварување на правата на заедниците...
23/05/2026

Денес, во просториите на Македонскиот народен театар, претставници на Агенцијата за остварување на правата на заедниците присуствуваа на свечената академија по повод 23 Мај – Денот на Влашката заедница во Република Северна Македонија.

На свеченоста се обратија претседателот на Влашката партија, Стерео Папули, министерот за дигитална трансформација Стефан Андоновски, како и градоначалникот на Град Скопје, Орце Ѓорѓиевски.

Во своето обраќање, претседателот Стерео Папули истакна дека овој значаен датум претставува симбол на богатото културно, историско и духовно наследство на Влашката заедница, која преку својот јазик, традиција и вредности дава значаен придонес во градењето на мултиетничкото и мултикултурно општество во државата.

Националните празници на заедниците се поддржани и финансирани преку програмата на Министерството за односи меѓу заедниците, предводено од вицепремиерот и министер Иван Стоилковић , со цел негување и афирмација на културниот идентитет и меѓусебната почит меѓу заедниците.

По повод 21 Мај – Меѓународниот ден на културната разноликост, дијалог и развој, директорот на Агенцијата за остварување...
21/05/2026

По повод 21 Мај – Меѓународниот ден на културната разноликост, дијалог и развој, директорот на Агенцијата за остварување на правата на заедниците, Далибор Китановиќ, присуствуваше на свечената културно-уметничка програма организирана од Управата за афирмирање и унапредување на културата на припадниците на заедниците и Управата за образование, како органи во состав на Министерството за односи меѓу заедниците.

Преку настапите на културно-уметнички друштва од сите заедници во државата, беше претставено богатото културно наследство кое ја прави Македонија препознатлива по својата разновидност, традиција и заедништво.

Овој значаен ден уште еднаш ја потврди важноста на културната разноликост како темел за градење општество засновано на меѓусебна почит, дијалог и општествена кохезија.

Деновиве, Агенција за остварување на правата на заедниците и Министерство за односи меѓу заедниците, со поддршка на OSCE...
21/05/2026

Деновиве, Агенција за остварување на правата на заедниците и Министерство за односи меѓу заедниците, со поддршка на OSCE Mission to Skopje, официјално го започнаа процесот за изработка на Стратегија за интеркултурализам и општествена кохезија 2027–2032, заедно со акциски план.

Изработката на новата Стратегија се реализира согласно заклучокот донесен на 129. седница на Владата на Република Северна Македонија, со кој Министерството за односи меѓу заедниците и АОПЗ се задолжени за подготовка на овој значаен стратешки документ од особено значење за унапредување на меѓуетничките односи, интеркултурниот дијалог и општествената кохезија во државата.

Процесот произлегува од препораките на Партиципативниот форум на АОПЗ, кои ги достави до Владата на Република Северна Македонија во ноември минатата година.

Изработката на Стратегијата ќе се реализира во две фази. Во рамки на првата фаза, Министерството за односи меѓу заедниците и АОПЗ ќе формираат меѓуинституционални кластерски работни групи, кои ќе подготват извештај за степенот на реализација на актуелната Стратегија (2024–2026), врз основа на пет клучни области: институции, образование, медиуми, општествена кохезија и интеркултурни политики.

Паралелно со овој процес, ќе се спроведе и проценка на потребите и перцепциите на граѓаните во однос на меѓуетничките односи, преку прашалници, фокус групи и интервјуа, за што ќе биде ангажиран домашен експерт.
Активностите од првата фаза се очекува да завршат до крајот на септември 2026 година, по што ќе следи подготовка на финалниот текст на Стратегијата и акцискиот план.

Преку овој процес, Аопз и Моз уште еднаш ја потврдуваат својата посветеност кон градење општество засновано на еднаквост, меѓусебна почит, дијалог и активно учество на сите заедници во општествениот живот.

На сите припадници на Влашката заедница им го честитаме предстојниот празник 23.мај - Денот на Влашката заедница во Р.Ма...
20/05/2026

На сите припадници на Влашката заедница им го честитаме предстојниот празник 23.мај - Денот на Влашката заедница во Р.Македонија со желба за здравје, напредок и зачувување на богатото културно наследство за идните генерации. 🇲🇰🤝🏻

По тој повод директорот Далибир Китановиќ даде интервју за Влашката редакција при МРТВ.

Во разговорот ја истакна важноста од зачувувањето и негувањето на влашкиот јазик, култура и традиција, како нераскинлив дел од мултикултурниот мозаик на нашата држава. Посебен акцент беше ставен и на улогата на институциите во создавање услови за рамноправност, видливост и активно учество на помалубројните заедници во општествениот живот.

Агенцијата за остварување на правата на заедниците останува посветена на унапредување на правата, афирмацијата и поддршката на сите заедници, преку конкретни политики, проекти и соработка со медиумите и граѓанскиот сектор.

На покана на директорката на ООУ „Св. Кирил и Методиј“ – Центар, Скопје, Соња Кирковска, претставници од Агенцијата за о...
20/05/2026

На покана на директорката на ООУ „Св. Кирил и Методиј“ – Центар, Скопје, Соња Кирковска, претставници од Агенцијата за остварување на правата на заедниците присуствуваа на свечената академија по повод значајниот јубилеј – 190 години од постоењето на ова реномирано училиште.

ООУ „Св. Кирил и Методиј“ претставува едно од ретките училишта во Скопје во кое се изучува српскиот, босанскиот и влашкиот наставен јазик, давајќи значаен придонес во зачувувањето и унапредувањето на јазичниот, културниот и националниот идентитет на овие заедница во Република Северна Македонија.

Агенцијата за остварување на правата на заедниците континуирано работи на информирање и охрабрување на припадниците на заедниците за нивното законско право за следење редовна или изборна настава на својот мајчин јазик, како едно од основните права во процесот на зачувување на нивниот идентитет, јазик и култура.

По повод овој голем јубилеј, упатуваме искрени честитки до директорката, наставниот кадар, учениците, како и до сите генерации кои во изминатите 190 години биле дел од ова училиште, со желби за уште многу успеси, напредок и нови јубилеи.

Денеска Директор на Агенцијата за остварување на правата на заедниците Далибор Китановиќ во свечената сала на Влада на ...
19/05/2026

Денеска Директор на Агенцијата за остварување на правата на заедниците Далибор Китановиќ во свечената сала на Влада на Република Северна Македонија учествуваше во дискусија посветена на прашања од значење за ромската заедница и процесот на европска интеграција на Р.С.Македонија организирана од страна на Амбасадата на Кралството Шпанија во Скопје и кабинетот на Министерот без ресор, задолжен за интеграција и имплементација на Стратегијата за инклузија на Ромите 2022-2030

На настанот присуствуваа амбасадорот на Кралството Шпанија, Н.Е. Рафаел Сориано Ортиз, како и министерот Шабан Салиу, при што беа разменети мислења и искуства во однос на унапредувањето на правата, инклузијата и можностите за поголемо учество на ромската заедница во општествените процеси.

Во рамки на дискусијата беше ставен акцент на значењето на меѓуинституционалната соработка, европските практики и креирањето политики насочени кон еднакви можности, недискриминација и подобар квалитет на живот за припадниците на ромската заедница.

Преку вакви иницијативи, Агенцијата продолжува активно да придонесува кон градење поинклузивно општество и зајакнување на европските вредности и стандарди во Република Северна Македонија.

Address

Str. Zheleznichka No.31
Skopje
1000

Opening Hours

Monday 08:30 - 16:30
Tuesday 08:30 - 16:30
Wednesday 08:30 - 16:30
Thursday 08:30 - 16:30
Friday 08:30 - 16:30

Website

Alerts

Be the first to know and let us send you an email when Агенција за oстварување на правата на заедниците posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Агенција за oстварување на правата на заедниците:

Shortcuts

Share

Category