Агенција за катастар на недвижности на Република Северна Македонија

10/09/2026

Унапредување на соработката со Нотарската комора 🤝

Денеска, директорот на Агенцијата за катастар на недвижности оствари работна средба со претседателката на Нотарската комора, Цеце Малева Стоев, и потесното раководство на Комората.
На средбата се разговараше за натамошно унапредување на досегашната одлична соработка меѓу Агенцијата за катастар на недвижности и Нотарската комора, како и за практичните предизвици со кои во секојдневното работење се соочуваат вработените во Агенцијата и нотарите како професионални корисници на нашите услуги.
Преку отворен дијалог, размена на искуства и заедничко решавање на прашањата од практиката, продолжуваме да градиме поефикасен систем и подобри услуги за крајните корисници.
Заедничката цел останува јасна: побрзи и поефикасни постапки, поголема правна сигурност и поквалитетна услуга за граѓаните и правните лица.

09/07/2026

08/07/2026

✅ Континуираната едукација е основа за поквалитетни услуги

Денеска, директорот на Агенцијата за катастар на недвижности со особена чест се обрати на отворањето на петтото советување наменето за правниците вработени во Агенцијата за катастар на недвижности, реализирано на барање на вработените.
Советувањето беше посветено на актуелни правни прашања од секојдневната практика, со акцент на правните основи за запишување на правото на сопственост, управните спорови, спроведувањето на одлуките на Управниот суд и најчестите причини за поништување на потврдите.
Преку вакви стручни средби ја унапредуваме правната практика, ја зајакнуваме стручноста и придонесуваме кон поефикасна и поеднообразна примена на законските прописи. Вложувањето во знаење останува една од нашите најважни инвестиции во градењето професионална, ефикасна и транспарентна институција – во интерес на граѓаните и правните лица.

08/06/2026

🇲🇰 Со меѓународна соработка и размена на искуства до подобри услуги за граѓаните и правните лица

Директорот на Агенцијата за катастар на недвижности г.Иван Живковски учествуваше на Регионалната конференција за катастар и инфраструктура на просторни податоци под мотото „Еден регион, една заедница. Големи идеи“, која се одржува во Брдо кај Крањ, Република Словенија, заедно со претставници на катастарските и геодетските институции од земјите од регионот.
Конференцијата е посветена на размена на искуства, добри практики и современи решенија во областа на катастарот, просторните податоци и дигиталната трансформација.
На маргините на настанот директорот оствари повеќе средби со колегите од регионот. Се разговараше за актуелните предизвици, можностите за продлабочување на соработката и унапредувањето на услугите и системите во нашите институции.

11/05/2026

✅ Учество на 9-та Меѓународна конференција за проценување во Охрид
Директорот на Агенцијата на катастар на недвижности г.Иван Живковски се обрати на 9-тата Меѓународна конференција „The Impact of Geopolitical Developments and Wars on Valuation“, која се одржува во Охрид.
Во рамки на обраќањето директорот говореше за значењето на точните и релевантни податоци во услови на геополитички промени, како и за улогата на Регистарот на цени и закупнини како важен инструмент за анализа на пазарот на недвижности и идните процеси на масовна процена.
Посебен акцент директорот стави на потребата од тесна соработка помеѓу Катастарот и проценителите, како и на континуираното унапредување на системите и услугите со цел обезбедување прецизни, сигурни и достапни податоци.
Агенцијата за катастар на недвижности продолжува да инвестира во модернизација, дигитализација и развој на квалитетни бази на податоци, подготвена да одговори на современите предизвици и потребите на професионалната јавност и граѓаните

15/04/2026

Директорот на Агенцијата за катастар на недвижности г. Иван Живковски гостуваше во утринската програма „Да си кажеме“ на ТВ Телма, каде што говореше за Регистарот на цени и закупнини и актуелната динамика на пазарот на недвижности. Директорот на Агенцијата за катастар на недвижности објасни за цените на недвижностите и факторите што влијаат врз нив, најатрактивните типови недвижности, како и за движењата на пазарот по градови и локации како и на влијанието на геополитичките случувања и локалните политики, како и на очекувањата за пазарот во 2026 година.
🎥 Целото интервју погледнете го на следниот линк:

Enjoy the videos and music you love, upload original content, and share it all with friends, family, and the world on YouTube.

24/03/2026

📊 Над 33.000 трансакции и пазар вреден над 1,14 милијарди евра

Во текот на 2025 година реализирани се вкупно 33.381 трансакции на недвижности, во вкупна вредност од околу 1,14 милијарди евра. Бројот на продадени станови е намален за 3,9%, додека нивната вредност во 2025 година е зголемена за 10,8%.

Ова го покажува Годишниот извештај од Регистарот на цени и закупнини за пазарот на недвижности, објавен на веб-страницата на Агенцијата за катастар на недвижности.

Станува збор за сеопфатна анализа на состојбите и трендовите на пазарот, базирана на официјални податоци за реализирани купопродажни договори и договори за закуп.

Извештајот дава јасен аналитички преглед на движењата на пазарот на недвижности во Македонија, заснован на податоци од Регистарот на цени и закупнини.

🔗Регистарот е достапен на следниот линк: https://bit.ly/4t5l3lN.

16/03/2026

✅ Донација од 40 компјутери за основното училиште „Невена Ѓорѓиева Дуња“

16/03/2026

✅ Донација од 40 компјутери за основното училиште „Невена Ѓорѓиева Дуња“

Даваме поддршката за подобрување на образовниот процес и условите за учење на учениците.
Агенцијата за катастар на недвижности денес реализираше донација на 40 компјутери за основното училиште „Невена Ѓорѓиева Дуња“ во Општина Кисела Вода.
Со оваа донација учениците ќе имаат подобар пристап до информатичката технологија и дигиталните алатки, што ќе придонесе за поквалитетна настава и подобри можности за учење и развој.

03/03/2026

✅Четврто советување за правниците во Агенцијата за катастар на недвижности