Општина Ѓорче Петров

12/06/2026

Во рамки на редовните активности за унапредување на јавното здравје и одржување на комуналната хигиена, Општина Ѓорче Петров спроведува организирана дератизација и дезинсекција на својата територија.

Мерките се реализираат согласно утврден план и опфаќаат третман на јавни површини, шахти, зелени зони и други локации каде што постои потреба од превентивно дејствување.

Целта на овие активности е намалување на ризиците од појава и ширење на штетници и инсекти, заштита на здравјето на населението и обезбедување безбедна и уредна животна средина.

Општина Ѓорче Петров останува посветена на спроведување на мерки што придонесуваат за подобар квалитет на живот и повисоки стандарди на јавна хигиена.

11/06/2026

🎓🌈🧸 МАЛИ ДРУГАРЧИЊА ДЕНЕС, ГОЛЕМИ ПРВАЧИЊА УТРЕ! 📚✨

Со многу насмевки 😊, топли прегратки 🤗 и по некоја солзичка 🥹, денес ги испраќаме нашите најмили дечиња од градинка „Росица“ кон една нова и возбудлива авантура – училишните денови! 🎒🏫

Зад нас остануваат безброј игри 🪁, весели песнички 🎵, шарени цртежи 🎨, први другарства 👫 и многу убави спомени што засекогаш ќе живеат во нашите срца. ❤️

Нашите мали палавковци 🐞 и љубопитни истражувачи 🔍 пораснаа во паметни, храбри и подготвени идни првачиња! 🌟👩‍🎓👨‍🎓

Драги дечиња,
Чекорете смело кон новите знаења 📖, новите другарства 🤝 и сите прекрасни соништа што ве очекуваат! 🌈✨ Верувајте во себе, радувајте се на секој успех 🏅 и никогаш не ја губете вашата искрена детска насмевка. 😄💛

Голема благодарност до родителите 🌷 за довербата, поддршката и прекрасната соработка низ сите овие години. 🤗❤️

🍀 Среќно, наши идни првачиња! 🍀
🏡❤️ Градинка „Росица“ секогаш ќе остане ваш втор дом и дел од вашата најубава детска приказна. 📖🧸🌟

🎈🎉 Среќен лет и многу успеси во училишните клупи❤️

10/06/2026

🇲🇰Честитки до сите полуматуранти!
Нека овој ден биде поттик за нови успеси, знаења и остварени соништа. Горди сме на вас и ви посакуваме светла иднина. ❤️❤️

09/06/2026

ОПШТИНА ЃОРЧЕ ПЕТРОВ ПРОДОЛЖУВА СО ИНВЕСТИЦИИ ВО ОБРАЗОВАНИЕТО

Денес, во присуство на претседателот на Владата на Република Македонија, проф. д-р Христијан Мицкоски, и министерката за образование и наука, проф. д-р Весна Јаневска, беше поставен камен-темелник за доградба на ООУ „Димитар Поп Георгиев Беровски“ во населбата Хром.

Со реализацијата на овој значаен проект ќе се обезбедат осум нови училници и дополнителни 770 м² училишен простор, со што ќе се создадат услови за организирање на едносменска настава и значително подобрување на условите за работа и учење.

Доградбата на училиштето претставува уште една потврда за континуираната заложба на Општина Ѓорче Петров за унапредување на образовната инфраструктура и создавање современи услови за учениците и наставниот кадар.

Ова е трето училиште во општината кое добива доградба во изминатиот месец, што претставува резултат на системски пристап, внимателно планирање и посветена работа во интерес на граѓаните.

Општина Ѓорче Петров останува посветена на инвестиции во образованието, препознавајќи го како најважен предуслов за развој на заедницата и градење подобра иднина за младите генерации.

Продолжуваме со реализација на проекти што носат конкретни резултати и придонесуваат за подобар квалитет на живот во секое населено место на територијата на општината.

08/06/2026

08/06/2026

07/06/2026

🎓✨ ПРВА ПОЛУМАТУРСКА ПАРАДА ВО ЃОРЧЕ ✨🎓

ЕДЕН ДЕН. ШЕСТ УЧИЛИШТА. ЕДНА РАДОСТ! ❤️

На 10 јуни 2026 година, со почеток во 10:00 часот, во реонскиот парк во Ѓорче Петров, ќе се одржи големата Полуматурска парада 2026 - настан посветен на нашите полуматуранти, нивниот труд, успех и новиот чекор кон иднината.

Со зурли и тапани, македонски ора, награди за ученици и наставници и многу позитивна енергија, заедно ќе им покажеме дека Ѓорче стои зад своите млади! 🇲🇰

Ги поканувам сите родители, наставници, ученици и сограѓани да дојдат и да ги поддржат нашите полуматуранти.

Нека ова биде нивен ден.
Нивна приказна.
Наша гордост. 👏🎓

📍 Реонски парк, Ѓорче Петров
🗓 10 јуни 2026
🕙 10:00 часот

Да ги поздравиме идните генерации на Ѓорче Петров! ❤️‍🔥

05/06/2026

Денес, во рамки на успешната цивилно-воена соработка, заедно со питомците од Воената академија „Генерал Михаило Апостолски“ и припадниците на Универзалната единица за заштита и спасување при Општина Ѓорче Петров, реализиравме акција за расчистување и уредување на локалитетот Крст во Кучково.

Со заеднички напори беа собрани и отстранети повеќе од 4 метри кубни отпад од зелените површини, со што придонесовме кон зачувување на природната убавина и животната средина на овој значаен локалитет.

Оваа активност претставува повеќе од еколошка акција – таа е симбол на одговорност, заедништво и посветеност кон заштитата на природата. Кучково е наше заедничко богатство, важен природен ресурс и простор што сме должни да го зачуваме и унапредуваме за идните генерации.

Искрена благодарност до деканот проф. д-р Ненад Танески за поддршката, соработката и придонесот во реализацијата на оваа иницијатива.

Младите се нашата сила и надеж, а Македонија има причина да биде горда на нивната посветеност и општествена одговорност.

Продолжуваме заедно – со конкретни дела, одговорен однос и искрена љубов кон татковината. 🇲🇰

05/06/2026

🤝 Заеднички чекори за побезбедни училишта и безгрижни полуматурски активности

Во просториите на Општина Ѓорче Петров се одржа работен состанок помеѓу претставници на општината, Одделението за превенција при СВР Скопје, претседателите на училишните одбори, претседателите на советите на родители и претставници на советите на родители од деветтите одделенија од основните училишта од Општина Ѓорче Петров.

Главна тема на состанокот беше унапредувањето на безбедноста во училиштата и обезбедувањето сигурна и достоинствена организација на претстојните полуматурски активности.

Посебен акцент беше ставен на превенцијата како најважна алатка за создавање безбедна училишна средина, преку навремено препознавање на ризиците, отворена комуникација и координирано дејствување на сите релевантни чинители. Беше потенцирана потребата од континуирана соработка помеѓу училиштата, родителите, институциите и учениците, со цел навремено да се реагира на појавите кои можат да ја нарушат безбедноста и добросостојбата на децата.

Во рамки на дискусијата беа разгледани и конкретни насоки за намалување на врсничкото насилство, зајакнување на меѓусебната почит, промовирање на позитивни вредности и создавање атмосфера во која секој ученик ќе се чувствува прифатен, безбеден и поддржан.

Учесниците се согласија дека безбедноста на децата е заедничка одговорност и дека само преку активно вклучување на сите засегнати страни може да се создадат услови за здрав развој, квалитетно образование и безбедно секојдневие.

Општина Ѓорче Петров останува посветена на поддршката на иницијативи и активности кои придонесуваат за поголема безбедност, превенција на насилството и создавање позитивна училишна клима за сите ученици.

04/06/2026

Општина Ѓорче Петров, во соработка со Агенцијата за вработување на Република Македонија и Локалниот младински совет, организираше информативна средба посветена на можностите и перспективите за младите.

На средбата беа презентирани мерките и програмите кои овозможуваат поддршка во областа на вработувањето, стручните обуки, практикантството, стекнувањето нови вештини, личниот развој и поттикнувањето на младинското претприемништво.

Младите претставуваат значаен ресурс и двигател на развојот на локалната заедница. Затоа, вложувањето во нивното образование, професионално усовршување и економско зајакнување е еден од приоритетите на Општина Ѓорче Петров.

Ги повикуваме сите млади активно да се информираат, да ги следат достапните програми и да ги искористат можностите што им стојат на располагање. Овие мерки се создадени со цел да им помогнат полесно да го направат првиот чекор кон својата професионална и лична реализација.

Општина Ѓорче Петров и понатаму ќе остане посветен партнер на младите, поддржувајќи иницијативи и проекти кои придонесуваат за поквалитетно образование, поголема вработливост и одржлив развој на младите генерации.

Веруваме во потенцијалот, енергијата и успехот на младите. Заедно создаваме подобра иднина за Ѓорче Петров.