13/09/2026
Jetoni, një serb që flet edhe shqip!
“Më 16 shtator nuk duhet të gjykojë rruga, politika apo emocionet. Do të flasë gjykata. Në qendër duhet të jenë të gjithë personat që pretendojnë se kanë qenë viktima të veprave penale, pavarësisht përkatësisë së tyre etnike – shqiptarë, serbë, romë apo të tjerë, si dhe të drejtat e çdo të akuzuari", shkruan ministri i VLEN-it, profesor Jeton Shasivari, duke i vendosur në të njëjtën peshore çlirimtarët e Kosovës dhe agresionin dhe masakrat serbe ndaj shqiptarëve.
Në vend që të mbrojë luftën e drejtë të Ushtrisë Çlirimtare të Kosovës, Shasivari zgjedh gjuhën e ftohtë të relativizimit. Flet për shqiptarë, serbë e romë, por “harron” të thotë se kush ishte agresori, kush kreu masakra dhe kush luftoi për liri.
Ky është ministri i përzgjedhur nga Karakamisheva dhe Siljanovska: i heshtur kur cenohen të drejtat e shqiptarëve, por jashtëzakonisht i zëshëm kur duhet përsëritur narrativa që prej vitesh e propagandojnë Beogradi dhe Moska.
Jeton Shasivari nuk po flet në emër të drejtësisë. Ai po e përdor drejtësinë si perde për ta barazuar viktimën me agresorin dhe për ta njollosur luftën çlirimtare të Kosovës.
Jetoni, ministër i VLEN-it me fjalorin e Beogradit!
Turpi e tradhtia nuk mbulohet me tituj akademikë dhe as me kolltukun e ministrit.
Legen!
