Уставен суд на Република Северна Македонија

10/06/2026

Прочитајте што одлучивме на 16. седница денеска👇

📌Реферат У.бр.40/2025

Судот не поведе постапка за оценување на уставноста на член 22 став 1 во делот „актите“ и член 26 во делот „акт“ од Законот за Академија за судии и јавни обвинители

📌Реферат У.бр.41/2025

Судот не поведе постапка за оценување на уставноста на член 32 став 2 во делот „може“ и делот „одлуките“ од Законот за Академија за судии и јавни обвинители

📌Реферат У.бр.117/2025

Судот не поведе постапка за оценување на уставноста на член 147 и член 148 ставови 2 и 4 од Законот за служба во Армијата на Република Северна Македонија

📌Реферат УЗ.бр.72/2025

Судот поведе постапка за оценување на уставноста и законитоста на Правилникот за контрола на квалитетот на работењето на субјектите на контрола на квалитет бр. 0202362/1 од 10.10.2024 година донесен од Управниот одбор на Институтот на сметководители и овластени сметководители на Република Северна Македонија.

📌Реферат УЗ.бр.34/2025

Судот ја отфрли иницијативата за поведување постапка за оценување на уставноста и законитоста на Одлуката за доделување на еднократна финансиска помош на Здружение Карпино бр. 08-9/171 од 30.04.2025

📌Реферат УЗ.бр.63/2025

Судот ја отфрли иницијативата за оценување на уставноста и законитоста на Одлуката бр. 08-833/3 од 06.04.2017 за измена и дополна на ДУП за населба Ложионица-Кичево блок 11, 12, 13, 17 и 18 со плански период 2014-2017 (8.43ха) – Општина Кичево

📌Реферат УЗ.бр.69/2025

Поради испитување на дополнителни околности, овој предмет е повлечен од денешната седница и ќе биде повторно ставен на Дневен ред на некоја од следните седници.

Оспорен акт: Одлуката бр. 07-601/1 од 29.09.2008 година на Советот на Општина Делчево со која е донесен Детален урбанистички план за дел од локалитет „Милково Брдо – 2“ во Делчево („Службен гласник на Општина Делчево“ бр. 7/2008).

📌Реферат УЗ.бр.67/2025

Судот ја отфрли иницијативата за поведување на постапка за оценување на уставноста и законитоста на Наредбата од Министерот за животна средина и просторно планирање заведена под бр. 02-3864/1 од 15.09.2025 година, донесена од Министерството за животна средина и просторно планирање.

Прочитајте повеќе за предметите во кои се донесени конечни одлуки, по гласањето на денешната седница 👇

https://ustavensud.mk/archives/40088

#уставенсуд #седница

Соопштение по одржаната 16. седница на Уставниот суд

09/06/2026

📜На 16. седница ќе дискутираме за осум предмети во кои е оспорена уставност и законитост

📌Реферат У.бр.40/2025

Оспорени одредби: член 22 став 1 во делот „актите“ и член 26 во делот „акт“ од Законот за Академија за судии и јавни обвинители

Подносител на иницијативата: Игорчо Точев

📌 Реферат У.бр.41/2025

Оспорени одредби: член 32 став 2 во делот „може“ и делот „одлуките“ од Законот за Академија за судии и јавни обвинители

Подносител на инивијативата: Игорчо Точев

📌Реферат У.бр.117/2025

Oспорен акт: член 147 и член 148 став 2 и 4 од Законот за служба на Армијата на Република Северна Македонија

Подносител на иницијативата: Мултиетнички синдикат од Скопје

📌Реферат УЗ.бр.72/2025

Оспорени одредби: Член 7 став 2 точки 1 и 5 од Правилникот за контрола на квалитетот на работењето на субјектите на контрола на квалитет бр. 0202362/1 од 10.10.2024 година, донесен од Управниот одбор на Институтот на сметководители и овластени сметководители на Република Северна Македонија, согласно член 37 став 1 од Актот на Уставниот суд на Република Северна Македонија, да донесе решение за запирање на извршувањето на поединечните акти и дејствија што се преземени врз основа на оспорените одредби.

Подносител на иницијативата: Сашо Цветановски

📌Реферат УЗ.бр.34/2025

Оспорен акт: Одлука за доделување на еднократна финансиска помош на Здружение „Карпино“, донесена од Советот на Општина Старо Нагоричане, бр. 08-9/171 од 30.04.2025

Подносител на иницијативата: Бобан Цветановски, заменик-градоначалник на Општина Старо-Нагоричане

📌Реферат УЗ.бр.63/2025

Оспорен акт: Одлука бр. 08-833/3 од 06.04.2017 за измена и дополна на ДУП за населба Ложионица–Кичево блок 11, 12, 13, 17 и 18 со плански период 2014–2017 (8.43 ха) – Општина Кичево

📌Реферат УЗ.бр.69/2025

Одлуката бр. 07-601/1 од 29.09.2008 година на Советот на Општина Делчево со која е донесен Детален урбанистички план за дел од локалитет Милково Брдо – 2 во Делчево

Подносител на иницијативата: Велиновски Владе преку адвокат Ќирил Величковски

Реферат УЗ.бр.67/2025

Оспорен акт: Наредба од Министерот за животна средина и просторно планирање заведена под бр. 02-3864/1 од 15.09.2025 година, донесена од Министерството за животна средина и просторно планирање.

Подносител на иницијативата: Oпштина Липково, преку адвокат Ратко Димовски

Судот ќе донесе одлуки и за предметите 👇

У.бр.77/2025

На 22 февруари 2026 година, Судот поведе постапка за оценување на уставноста на член 84 став 3 алинеја 4 од Законот за вработените во Министерството за одбрана

Подносител на иницијативата: Николче Мушаревски

УЗ.бр.73/2025

На 15 октомври 2026 година, Судот поведе постапка за оценување на уставноста и законитоста на членовите 11, 12 и 18 од Деловникот на Републичкиот совет за безбедност на сообраќајот на патиштата, донесен од страна на Републичкиот совет за безбедност на сообраќајот на патиштата на 30.01.2024 година, заведен под број 0101-1/1.

Предметот е оформен по иницијатива на Судот.

05/06/2026

📢Нашите советници кои работат на предмети, се дел од четиридневна работилница на тема „Образложување на одлуките на Уставниот суд“, која се реализира во рамки на проектот „Зајакнати капацитети на Уставниот суд за оценување на уставноста и законитоста на донесените нормативни акти и заштита на основните права“, поддржан од Европската Унија.

Целта е зајакнување на вештините за подготовка на јасни, прецизни и правно аргументирани одлуки, како и стандардизирање на извештаите за комуникацијата во постапките кои се во тек.

👉Посебен акцент е ставен на примената на европските стандарди и практиката на Европскиот суд за човекови права.

Преку предавања, практични вежби и работа на конкретни предмети од судската практика, учесниците ќе работат на унапредување на квалитетот, конзистентноста и стандардизирање на комуникацијата при водењето на постапките во Судот.

Како обучувачи на оваа работилница се ангажирани Штефица Стажник, и Мартин Сопронов, сениор правни експерти и дел од тимот на ЕУ проектот.

#уставенсуд #Работилница

02/06/2026

Ќе дискутираме за седум предмети во кои се бара од Судот да ја оцени уставноста и законитоста на акти и одредби

📌Реферат У.бр.188/2024

Оспорени одредби: член 101-в став 4 и член 101-з став 3 од Законот за изменување и дополнување на Законот за аудио и аудиовизуелни медиумски услуги

Подносител на иницијативата: Ристо Гоговски

📌Реферат У.бр.45/2025

Оспорен акт: член 86 став 1 од Законот за извршување

Подносител на иницијативата: Манчо Манчев

📌 Реферат У.бр.147/2025

Оспорени одредби: Член 71 став 1 од Законот за административни службеници

Подносител на иницијативата: Филип Силјановски, Билјана Треневска, Цветанка Соколова Младеновска

📌Реферат У.бр.153/2025

Оспорени одредби:

член 99-а став 3 во деловите „се одзема“, „одземање“ и „точки 1 и 3“;

член 99-а став 4 во деловите „одзема“ и „одземање“;

член 99-а став 5 во деловите „одзема“, „одземање“ и „3-а“;

член 99-а став 9 во деловите „одзема сообраќајна дозвола“ и „забрана за движење“;

член 99-а став 10 во делот „трошоците“ од Законот за превоз во патниот сообраќај

Подносител на иницијативата: Игорчо Точев

📌Реферат УЗ.83/2025

Оспорен акт: Деловникот на Советот на Општина Јегуновце бр.08-127/3 од 30.06.1997 година

Подносител на иницијативата: Maтеј Алексовски

📌Реферат УЗ.бр.43/2025

Оспорени одредби: Член 1 од Правилникот за изменување и дополнување на Правилникот за минимално-технички услови во продажни објекти во кои се врши трговија на големо и трговија на мало

Подносител на иницијативата: Валентин Пепељугоски, адвокат и Бојан Стоилков

📌Реферат УЗ.бр.85/2025

Оспорен акт: Правилникот за начинот на склучување договори и плаќање на здравствените услуги во биохемиските лаборатории

Подносител на иницијативата:

ПЗУ-Лабараторија за молекуларна дијагностика ЛАОР Тетово преку полномошник Трајче Саздов, адвокат од Скопје

Судот ќе одлучува за два предмета за кои веќе е поведена постапка👇

📌У.бр.36/2025

Се поведе постапка за оценување на уставноста на член 7 став 2 од Законот за изменување на Законот за железничкиот систем

https://ustavensud.mk/archives/38864

📌 УЗ.бр.28/2025 и УЗ.бр.30/2025

Се поведе постапка за оценување на уставноста и законитоста на Одлуката за донесување на Детален урбанистички план за градска четврт Ј 02 – опфат помеѓу Жданец и Нерези, локалитет А, Б и В, Општина Карпош-Скопје бр.09-2483/18 од 13.03.2025 година, донесена од Советот на Општина Карпош

https://ustavensud.mk/archives/37521

Повеќе информации за иницијативите прочитајте тука: https://ustavensud.mk/archives/39664

Седницата почнува на 3 јуни во 9:30 часот и ќе се емитува во живо на следниот линк 👇

https://ustavensud.mk/%D0%B2%D0%BE-%D0%B6%D0%B8%D0%B2%D0%BE

#уставенсуд #седница

29/05/2026

🗞️Лaга и манипулација е дека Уставниот суд ќе го укине албанскиот јазик, вели претседателот Костадиновски во интервју за весникот Нова Македонија.

– Таму во тој предмет навистина постои еден сплет на околности што доведоа до оваа ситуација, иницијативи поднесени уште пред повеќе од шест години да немаат разврска. Конкретно, во мојот мандат ќе зборувам, ќе почнам од актуелната состојба. Знаете дека Судот уште пред четири години има донесено Заклучок според кој предмети како што е Законот за јазиците ќе бидат ставени да се дискутираат и одлучуваат кога ќе бидеме во полн состав. А сега сме осум судии и во очекување на деветтиот… Во периодот кога беше закажана подготвителната седница државата се соочи со невидената трагедија во Кочани, по што бевме принудени да ја одложиме седницата во деновите на жалост. Потоа следуваше поништување на мандатот на судијката Елизабета Дуковска од страна на Управниот суд, а знаете дека таа беше судија што го водеше предметот… Неколку години пред тоа Судот работеше и на раб на кворум со само пет судии од вкупно девет… Да, ова е неверојатен сплет на околности за кои е оправдано да се има чувство дека политиката на некој начин влијаела да се одолжи предметот… Според мене, најсимптоматично е неизбирањето на судии и држењето на Судот со минимален број, при што е невозможно постапувањето во вакви околности. Но, јас сум човек од збор, по комплетирањето на Судот, тој предмет ќе биде решен. И пак ќе повторам, свесен сум дека ќе продолжат политичките хајки против мене, затоа на граѓаните сакам да им биде јасно, Уставниот суд може само да помогне кој било закон, вклучувајќи го и Законот за употреба на јазиците, да биде појасен, попрецизен, полесно применлив и, секако, усогласен со Уставот. Тешка лага и манипулација е дека Уставниот суд ќе го поништел или ќе го укинел албанскиот јазик. Не, тоа не е вистина!

📍И покрај обидите на некои политички фактори да дадат политички контекст на моите постапки како претседател на Судот, тврдам, дека од независноста до денес ниедна влада, ниедно собрание немало повеќе, условно кажано, „главоболки“ односно обврски од Уставниот суд како изминативе две години. Објективноста кажува дека изминатите две години имаме и тоа како во јавноста присутен Уставен суд, со храбри одлуки, бескомпромисен Уставен суд. Притоа, клучен критериум е што ќе значи одлуката за остварувањето на слободите и правата на граѓаните и за владеењето на правото. За мене, сите граѓани се исти, многупати сум кажал, нема сензитивни предмети, сите предмети имаат голема тежина за правниот поредок, за општествени процеси, па и за функционирањето на системот ако сакате. Мора да сме лојални на Уставот и на никој друг!

Повеќе од интервјуто ќе прочитате тука👇

https://novamakedonija.com.mk/makedonija/politika/ustavniot-sud-ne-e-igrachka-vo-racete-na-politicharite/

Фото: Маја Јаневска-Илиева

#уставенсуд #интервју

29/05/2026

🗞️Костадиновски за Нова Македонија: Кога политиката сака послушен суд има проблем со Уставот, а не со судиите!

📍Несомнено, Уставниот суд низ годините бил ставан на тестот на институционална зрелост, но според мене клучни се одлуките и периодите кога тие биле базирани на уставноправни аргументи, не на тековните политички очекувања. Знаете, Судот не смее да биде дневно мени на политичките апетити, мора да остане столб на стабилноста во државата и извор на демократскиот баланс и стабилност. Јас и во моите книги имам доста пишувано за Уставниот суд, односот на општествените чинители кон Уставот, за лојалноста кон Уставот. И сега ќе повторам дека уставните судии не смеат да носат прифатливи одлуки, туку исправни одлуки. Често зборувам за судскиот активизам, за храброста на судиите и пак ќе речам дека судиите мора да бидат доволно храбри и да постават граница онаму каде што политиката не сака да ја види.

📍 Има јавни притисоци и обиди за влијанија и сметам дека сите сме свесни и ги гледаме. Тоа е резултат на уставноправната некултура што владее во општеството, тоа е одраз на политичката некултура. Но Уставниот суд не е играчка во рацете на политичарите и треба да запомнат дека кога политиката сака послушен суд, тогаш има проблем со Уставот, а не со судиите! Резултатот од послушен Уставен суд доведе до состојба на големи предизвици со владеењето на правото, разнишана правна држава, недоверба кај граѓаните. Тоа ли е вистинската заложба и намера на политиката? За тоа ли граѓаните им ја даваат довербата, за да ја саботираат или да ја градат правната држава?

📍Јавноста се манипулира со дезинформации, манипулации, ако сакате наречете ги и опасни лажни наративи, па тргнувајќи од сериозните последици што може да ги нанесат во јавниот дискурс Судот веќе наредната недела ќе пушти нов проект што ќе биде насочен токму против тие лажни вести. Ќе промовираме една нова комуникациска платформа „Дознај факти од Уставен суд“ преку која граѓаните ќе читаат точни, јасни и официјални информации.

Целосното интервју прочитајте го тука👇
https://novamakedonija.com.mk/makedonija/politika/ustavniot-sud-ne-e-igrachka-vo-racete-na-politicharite/

Фото: Маја Јаневска-Илиева

#уставенсуд #претседател

20/05/2026

Одлучувавме за девет предмети и ги донесовме следните одлуки 👇

📌Реферат У.бр.75/2025, У.бр.84/2025, У.бр.104/2025

Судот поведе постапка за оценување на уставноста на членовите 9, 10 и 25 од Законот за изменување и дополнување на Законот за градење

📌 Реферат У.бр.131/2025

Судот не поведе постапка за оценување на уставноста на член 4 точка 27, член 38 став 4 алинеја 10 и ставови 7 и 8, член 63 ставови 1 и 4 во деловите „ловечка легитимација“ и член 85 став 1 точка 13 во делот „ловечка легитимација“ и став 2 од Законот за дивечот и ловството

📌Реферат У.бр.184/2024

Судот не поведе постапка за оценување на уставноста на член 20 став 6 во делот „и висината на надоместокот“ од Законот за управување со отпадот и ја отфрли иницијативата за поведување постапка за оценување на уставноста и законитоста на Решението за составот, висината на надоместокот и начинот на работа на работното тело за отпад бр.11-1526/1 од 14 мај 2024 година, донесено од страна на Министерот за животна средина и просторно планирање и објавено во „Службен весник на Република Северна Македонија“ број 103 од 15 мај 2024 година.

📌 Реферат УЗ.бр.80/2025

Судот поведе постапка за оценување на уставноста и законитоста на член 6 став 4 од Правилникот за изменување и дополнување на Правилникот за овластувања и начинот на работа на контролата на Фондот за здравствено осигурување и не поведе постапка за оценување на уставноста и законитоста на член 13 став 9 во делот „Упатствата” и член 17 став 6 во делот „еднострано раскинување” од Правилникот за овластувања и начинот на работа на контролата на Фондот за здравствено осигурување.

📌Реферат УЗ.бр.41/2025

Судот не поведе постапка за оценување на уставноста и законитоста на Одлуката за определување на дозволеност на градба исклучиво во границите определени со планскиот опфат на Генералниот урбанистички план на Град Скопје 2012-2022 година донесена од Советот на Општина Центар бр.08-3381/2 од 20.7.2023 година и ја отфрли иницијативата за поведување постапка за оценување на уставноста и законитоста на Решението за објавување на Одлуката за определување на дозволеност на градба исклучиво во границите определени со планскиот опфат на Генералниот урбанистички план на Град Скопје 2012-2022 година донесено од Градоначалникот на Општина Центар бр.09-3381-3 од 20.7.2023 година

📌Реферат УЗ.бр.76/2025

Судот не поведе постапка за оценување на уставноста и законитоста на Одлука за висината на трошоците за вештачење на работната способност во постапката на остварување на правата од пензиското и инвалидското осигурување

📌 Реферат УЗ.бр.64/2025

Судот не поведе постапка за оценување на законитоста на Заклучокот за давање согласност за формирање паралелки со помал број ученици во општинските основни училишта од Општина Кочани за учебната 2025–2026 година, бр.09-1326/1 од 27.08.2025 година, донесен од Советот на Општина Кочани.

📌 Реферат У.бр.118/2025

Судот донесе решение за запирање на постапката, согласно член 39 од Актот. Со поднесок, примен во Судот на 04.05.2026 година, подносителот ја повлече иницијативата во целост, заедно со сите барања содржани во неа. Предметот е претходно разгледан на седница на Судот, но по дел од оспорените одредби не е донесена одлука поради недобиено потребно мнозинство.

#уставенсуд #седница

Соопштение по одржаната 14. седница на Уставниот суд

20/05/2026

📍Во однос на надворешните членови на Комисијата, Судот оцени дека нивниот надоместок е оправдан, бидејќи тие не се вработени во Министерството, туку во други институции, па нивното учество во Комисијата претставува дополнителен работен ангажман.

🔗Комисијата за лиценцирање при Министерството за социјална политика, демографија и млади е составена од четири лица вработени во Министерството, по еден претставник од Министерството за образование и наука и Министерството за финансии, двајца претставници од Бирото за развој на образованието и тројца претставници од факултети и институти од областа на општествените науки.

Читајте повеќе детали 👇

https://ustavensud.mk/archives/39428

#уставенсуд #одлука

19/05/2026

За седум предмети ќе се дискутира на 14 седница 👇

📌Реферат У.бр.75/2025, У.бр.84/2025, У.бр.104/2025

Оспорен акт: Член 9, 10 и 25 од Законот за изменување и дополнување на Законот за градење

Подносители на иницијативата: Деспина Влаќеска, Aлександар Огненовски, Химет Лимани

📌Реферат У.бр.131/2025

Оспорен акт: Член 4 точка 27, член 38 став 4 алинеја 10 и ставови 7 и 8, член 63 ставови 1 и 4 во деловите „ловечка легитимација“ и член 85 став 1 точка 13 во делот „ловечка легитимација“ и став 2 од Законот за дивечот и ловството

Подносител на иницијативата: Друштво за лов и одгледување на дивеч „ВОЛФ“ ДООЕЛ од Ресен

📌Реферат У.бр.184/2024

Оспорена одредба:

Член 20 став 6 во делот „и висината на надоместокот“ од Законот за управување со отпадот

Оспорен акт:

Решение за составот, висината на надоместокот и начинот на работа на работното тело за отпад бр.11-1526/1 од 14 мај 2024 година, донесено од страна на Министерството за животна средина и просторно планирање и објавено во „Службен весник на Република Северна Македонија“ број 103 од 15 мај 2024 година.

Подносител на иницијативата: Игорчо Точев

📌 Реферат УЗ.бр.80/2025

Оспорен акт:

член 6 став 4 од Правилникот за изменување и дополнување на Правилникот за овластувања и начин на работа на контролата на Фондот за здравствено осигурување („Службен весник на Република Северна Македонија“ бр. 226/2020)

член 13 став 9 во делот „Упатствата” и член 17 став 6 во делот „еднострано раскинување” од Правилникот за овластувања и начин на работа на контролата на Фондот за здравствено осигурување („Службен весник на Република Македонија” бр. 105/2010, 33/2011, 29/2012 и 47/2014 и „Службен весник на Република Северна Македонија” бр. 226/2020 и 247/2025).

Подносител на иницијативата: Игорчо Точев

📌Реферат УЗ.бр.41/2025

Оспорени акти:

Одлука за определување на дозволеност на градба исклучиво во границите определени со планскиот опфат на Генералниот урбанистички план на Град Скопје 2012-2022 година, донесена од Советот на Општина Центар бр.08-3381/2 од 20.7.2023 година и Решение за објавување на Одлуката за определување на дозволеност на градба исклучиво во границите определени со планскиот опфат на Генералниот урбанистички план на Град Скопје 2012-2022 година, донесено од Градоначалникот на Општина Центар бр.09-3381/3 од 20.7.2023 година, објавени во „Службен гласник на Општина Центар-Скопје“ број 11 на 23.07.2023 година.

Подносител на иницијативата: Филип Алексоски

📌Реферат УЗ.бр.76/2025

Оспорен акт:

Одлука за висината на трошоците за вештачење на работната способност во постапката на остварување на правата од пензиското и инвалидското осигурување

Подносител на иницијативата: Игорчо Точев

📌Реферат УЗ.бр.64/2025

Оспорен акт:

Заклучок за давање согласност за формирање паралелки со помал број ученици во општинските основни училишта од Општина Кочани за учебната 2025–2026 година, бр.09-1326/1 од 27.08.2025 година, донесен од претседателот на Советот на Општина Кочани.

Подносител на иницијативата: В.Д Градоначалник на Општина Кочани, Венко Крстевски

ИНФОРМАЦИЈА ПО ПРЕДМЕТОТ

Реферат У.бр.118/2025

Оспорен акт: Член 34 став 1 алинеја 1, член 3 став 1 точка 5, член 24 став 2 алинеја 3 и член 69 точка 4 во делот „Жалбата не е дозволена против пресуда со која поединечниот управен акт е поништен или е прогласен за ништовен и предметот е вратен на повторно постапување на јавниот орган” од Законот за судовите.

Подносител на иницијативата: Адвокат Бранко Радојчиќ

Седницата ќе се пренесува во живо на овој линк https://ustavensud.mk/%D0%B2%D0%BE-%D0%B6%D0%B8%D0%B2%D0%BE

Читајте повеќе за иницијативите: https://ustavensud.mk/archives/39165

#уставенсуд #седница

18/05/2026

Прочитајте за одлуките кои ги донесе Уставниот суд на 13/ седница👇

📍Реферат У.бр.72/2025

Судот поведе постапка за оценување на уставноста и законитоста на член 3 став 22 од Уредбата за поблиските критериуми за директни плаќања, корисниците на средствата, максималните износи и начинот на директните плаќања за 2025 година и ја отфрли иницијативата за оценување на уставноста на член 47 ставовите 5 и 6 од Законот за земјоделство и рурален развој

Подносител на иницијативата: Земјоделски комбинат ПЕЛАГОНИЈА АД Битола преку извршен директор Весна Белешовска-Бунтеска

📍Реферат У.бр.90/2025

Судот не поведе постапка за оценување на уставноста на член 31-а во делот: „вработени во Бирото за судски вештачења“ од Законот за процена

Подносител на иницијативата: Игорчо Точев

📍Реферат У.бр.102/2025

Судот не поведе постапка за оценување на уставноста на член 105-а став 2 точка 4 во делот „раководно“ од Законот за домување

Подносител на иницијативата: Игорчо Точев

📍Реферат У.бр.197/2025

Судот ја отфрли иницијативата за поведување постапка за оценување уставноста на член 21-б став 2, став 3 од прва реченица во делот „Советот од ставот 2 на овој член“ и од реченица втора во делот „советот“ од истиот член, став 4 од истиот член во делот „Советот”, став 5 од истиот член во делот „советот за верификација од ставот (2)” и член 21-к став 3 во делот „Советот за спортот” од Законот за спорт

Подносител на инцијативата: Игорчо Точев

📍Реферат У.бр.3/2026

Судот поведе постапка за оценување на уставноста на член 24 став 12 од Законот за работно ангажирање на лица

Подносител на инцијативата: Игорчо Точев

📍Реферат УЗ.бp.52/2025

Судот поведе постапка за оценување на уставноста и законитоста на Одлука за поништување на одобрен урбанистички проект за село со намена А4.7 – куќи за потребите на селскиот туризам, во урбанистички план за село Сопиште на КП1526/8 и КП 1532/5 КО Сопиште – Вонград, општина Сопиште, бр.02-1509/1 од 29.05.2025 година, донесена од Советот на Општина Сопиште

Подносител на барањето: Државен инспекторат за локална самоуправа преку директорот Хаќим Рамадани

📍 Реферат УЗ.бp.84/2025

Судот ја отфрли иницијативата за поведување на постапка за оценување на уставноста и законитоста на Пресуда УПРЖ бр. 359/2023 од 27.11.2023 година на Виш Управен суд, Решение ИВП1 бр. 166/21 од 21.03.2023 година на Основен граѓански суд Скопје и Решение ГЖ-1793/23 од 11.02.2025 година на Апелационен суд Скопје.

Подносител на иницијативата: Марјан Здравковски

📍 Реферат У.бр.17/2025

На барање на судијата-известител, поради проучување на дополнителни околности, предметот е повлечен од Дневен ред и ќе биде ставен на некоја од наредните седници.

Оспорен акт: Член 177-г став 2 во делот „именувани од министерот“ и став 10 од Законот за заштита на децата

Забелешка* Ова соопштение содржи куси информации во врска со одлученото, Судот дополнително ги објавува целосните решенија и одлуки.

#уставенсуд #седница #одлука

Соопштение по одржаната 13. седница на Уставниот суд