28/06/2021
1.
Поставување на тактилни патеки за лицата со нарушена визуелна перцепција, оптимизацијата на јавниот превоз, изработката на тактилни мапи од просторот на градот. инклузија во институциите на лицата кои на терен ќе работат односно изучуваат лица со нарушена визуелна перцепција како да користат бел стап.
2.
Пристапни рампи за лица со телесен инвалидитет, во сите институционални, угостителски, културни, спортски објекти или други намени.
2.1
Донесување правилник за непречено движење и пристап за хоризонтално и вертикално движење со помош на рапи, (електрични мотори) лифтови, држачи и слично.
2.2
Дел од посебна патека со ниски рабници за комплетно непречено движење на лицата со телесен инвалидитет или специјлни возила.
Со закон да се донесе уредба на градби со намена за лица со инвалидитет и одредба каде при градење станови во згради, објекти, кои имаат најмалку 10 станбени единици еден ќе биде проширен за да може да биде адаптиран за пристап на лица со инвалидност, односно ќе има три проценти паркинг-простор одбележан пред тие згради, сите рабници ќе бидат спуштени и приспособени за движење
3.
Целосна инклузивност и признавање на знаковниот јазик за официјален јазик во република Северна Македонија.
Знаковниот јазик е природен начин на комуникација и ги има истите јазични својства, иако е структурно различен од говорниот јазик, затоа заслужува да го добие истото законско признавање и да добие еднаков статус со говорниот јазик. Уредбата на законот за употреба на знаковниот јазик е првиот чекор за остварување на правата на глувите лица, на еднаква основа со сите останати во општеството. уредување на правото за употреба на знаковниот јазик, глувите лица имаат право на употреба на знаковниот јазик како странка или учесник во постапките пред и во државните органи, органите на локалната самоуправа, правосудните органи, јавните претпријатија и установи, агенции и други институции и организации.
4.
Поставување на јавни тоалети во сите општини во целата држава.
5.
Формирање на комунална полиција.
5.1 Формирање на единица во рамки на комуналната полиција за заштита на животните, Одговорност утврден со закон за лицата кои вршат агресија или друг вид на злосторства врз животни.
6.
Формирање на градски театар.
7.
Враќање на сјајот на Скопски фестивал и поголемо учество на локалната власт во поддршка на останати манифестации на пример: Макфест, Охридски трубадури, Валандово фест, Хид бах шен во село Чаликлија Валандово, фестивал на босанската заедница во Оризари Велес, Велешка питијада, Фестивал на Живи статуи Скопје, Рома фест- Куманово, Недела на хрватска, влашка, култура и мн други останати фестивали низ градовите....
8.
Викенд, со забрана за управување возила во централните делови на градовите ( освен за лица со специјална потреба и намена)
9.
Временски неограничена субвенција при купување на велосиспед, тротинет или други слични еколошки превозни средства.
10.
Временски неограничена субвенција на соларни панели и фото волтаични системи за домакинства.
11.
Поставување на посебни паркови за домашни миленици во сите општини и локални заедници.
12.
Со закон да се регулираат правата на авторите, соработка на агенција за заштита на авторски права и ЗАМП со пазарен инспекторат под надлежност на општините и локалните заедници за заштита на авторски права на уметниците, угостителски објекти.
Со почит,
Движење за демократија, права и слобода
