Управа за Јавни Приходи - УЈП

17/09/2026

📌 УЈП на форумот „Посилни жени, поодржливи бизниси“

Претставници на Управата за јавни приходи учествуваа на форумот „Посилни жени, поодржливи бизниси“, посветен на поддршка, информирање и економско вклучување на жените претприемачки. Форумот се одржа на 15 септември во Скопје, во рамки на регионалниот проект „Економско вклучување и правда за жените од Западен Балкан“.

На форумот, претставниците на УЈП одржаа презентација на тема „Најчести предизвици за даночна усогласеност“, со фокус на практични информации од значење за микро и малите бизниси.

Учесничките се информираа за основните даночни обврски, роковите и процедурите, правилното водење документација и практичната употреба на електронските системи е-Даноци, е-ПДД и е-Фактура. Беа опфатени и најчестите грешки и предизвици при онлајн продажба, авансни плаќања и даночна контрола, по што следуваше отворена дискусија со прашања, искуства и практични појаснувања.

🤝 На форумот учествуваа и претставници од Државниот пазарен инспекторат, Државниот инспекторат за труд, ЕБОР GEFF, ПроКредит Банка и Халк Банка, кои ги презентираа своите информации и можности за поддршка на жените претприемачки.

Преку ваквите активности се придонесува кон подобра информираност на жените претприемачки за нивните права и обврски, достапните форми на поддршка и правилното исполнување на законските обврски во деловното работење.

17/09/2026

ПРИВРЕМЕН ПРЕКИН ВО ОБРАБОТКАТА НА МПИН ПРЕСМЕТКИТЕ

Управата за јавни приходи ги известува даночните обврзници и корисниците на системот за МПИН дека поради планирани технички активности, во четврток, 17.09.2026 година, со почеток од 12:00 часот, ќе се изврши привремен прекин во обработката на МПИН пресметките.

Во периодот на изведување на техничките активности нема да биде овозможена обработка на МПИН пресметките доставени на шалтер, како и пресметките доставени преку електронската адреса [email protected].

За времетраење на прекинот, поднесувањето на МПИН пресметки ќе може да се врши преку системот е-ПДД.

По завршување на планираните технички активности ќе продолжи обработката на пресметките.

16/09/2026

16/09/2026

Ефикасната даночна политика е клучна за намалување на неформалната економија и создавање фер деловно опкружување

Директорката на Управата за јавни приходи, м-р Elena Petrova заедно со помошниците директори, учествуваше на меѓународната академска конференција „Даночна политика, нееднаквост и неформална економија“, која во период од 11 до 13 септември се одржа во Охрид.

Во рамки на конференцијата, на тркалезната маса „Експертски перспективи за клучните прашања во даночната политика“, учествуваа истакнати професори и истражувачи од областа на даночното право и економските науки од Македонија, Србија, Хрватска, Бугарија, Полска, Шведска и други земји, со размена на искуства и добри практики за создавање поефикасен и поправеден даночен систем.

Директорката Петрова ги истакна дигитализацијата на даночните процеси, електронската размена на податоци, анализата на ризик и таргетираните контроли како клучни инструменти за зголемување на даночната усогласеност, намалување на административниот товар и поефикасна даночна администрација.

„Дигитализацијата не треба да ја гледаме само како инструмент за контрола. Таа треба да го намалува и трошокот на усогласеноста за даночниот обврзник“, порача Петрова.

Посебен акцент беше ставен и на довербата и доброволното даночно усогласување како основа за фер систем – систем во кој правилата се применуваат еднакво, а формалниот бизнис е заштитен од нелојална конкуренција.

Помалку неформална економија. Поголема даночна правичност. Фер услови за сите.

14/09/2026

УЈП НА ТЕРЕН СО КОНТРОЛИ ЗА ФИСКАЛИЗАЦИЈА

#УЈП
#Данок
#Контроли #Санкции

14/09/2026

УЈП ЈА ОБЈАВИ НАЈНОВАТА ЛИСТА НА ДОЛЖНИЦИ

📅 Најновата листа бр. 09/2026 ги опфаќа долговите доспеани од 31.05.2026 година и неплатени до 31.08.2026 година.

Вкупниот број на должници објавени на оваа листа изнесува 5.240. Вкупниот нето - долг за даноци и придонеси е 13.458 милиони денари.

Од претходната листа бр. 08/2026 се повторуваат 5.081 должници, од кои:

📈 3.293 должници имаат зголемен долг за 415 милиони денари

📉 166 должници имаат намален долг за 59 милиони денари

❌ 1.622 должници имаат непроменет долг

На Листата бр. 09/2026 се објавени нови 159 должници, со вкупен долг од 178 милиони денари. За нив, УЈП при следна објава ќе даде информации за преземени мерки за наплата.

119 должници од Листата бр. 08/2026, со вкупен долг од 73 милиони денари не се наоѓаат на Листата бр. 09/2026.

💰 На Листата бр. 09/2026 се објавени информации за преземени мерки за наплата кај 561 даночни должници. Ова не се смета за даночна тајна според Законот за даночна постапка и додава дополнителна транспарентност на Листата.

Погледнете ја целата Листа 👇👇👇

http://www.ujp.gov.mk/mk/otvoreni_povici/pogledni/801

11/09/2026

📖 Во најновото издание на „Економија и бизнис“, директорката на УЈП, м-р Елена Петрова, пишува за е-Фактурата – ново ниво на дигитализација и поголема правна сигурност за компаниите.
💻 Реформата носи побрзи и поефикасни процеси, помал административен товар и поголема сигурност и следливост во работењето.
👉 Прочитајте го целиот текст и дознајте повеќе за значењето и имплементацијата на е-Фактурата.

Е-фактурата носи ново ниво на дигитализација и поголема правна сигурност за компаниите - Прочитај повеќе на Економија и Бизнис. Економија и бизнис

11/09/2026

📌 Даночната контрола влегува во податочната ера

Како податоците, дигитализацијата и современите аналитички алатки го менуваат начинот на спроведување на даночните контроли – со цел помалку, но попаметни и поефикасни контроли.

За ова во колумна за списанието „Економија и бизнис“ пишува Ненад Јанчески, главен генерален инспектор во УЈП.

👉 Прочитајте ја целата колумна.

УЈП: Даночната контрола влегува во податочната ера: помалку, но попаметни контроли - Прочитај повеќе на Економија и Бизнис. Економија и бизнис

10/09/2026

УЈП на Регионалната конференција „Охрид 2026“

Министри за финансии, раководители на даночни администрации, високи владини претставници, експерти и претставници на бизнис-секторот се собраа во Охрид на Регионалната конференција „Охрид 2026“, посветена на актуелните фискални и економски предизвици и европската интеграција на регионот.

Конференцијата ја отвори министерката за финансии Гордана Димитриеска-Кочоска, а со свои обраќања и учества во панел-дискусиите придонесоа и високи претставници од финансиските и даночните институции од регионот, меѓу кои Здравко Мариќ и Зоран Ставрески.

На конференцијата учество зема и делегација на Управата за јавни приходи, предводена од директорката Elena Petrova

Во фокусот на панелот „Даночни приходи, даночен јаз и борба против неформалната економија: посилни јавни финансии и подобра усогласеност со ЕУ“ во кој директорката Петрова учествуваше како панел-говорник, беа начините за зголемување на јавните приходи преку подобра даночна усогласеност и проширување на даночната база, без дополнително оптоварување на редовните даночни обврзници.

Во рамки на панелот директорката зборуваше и за дигитализацијата и е-фактурата, кои треба да придонесат за подобри и навремени податоци, поефикасно управување со ризиците и полесно исполнување на даночните обврски.

Посебно внимание беше посветено на даночниот јаз, неговото мерење и идентификување на ризиците, како и на потребата од поедноставување, поддршка и превенција за обврзниците, но и ефикасно спроведување на правилата во случаи на намерна и континуирана неусогласеност.

„Целта не е повеќе известување. Целта се подобри податоци, попаметни одлуки и полесно усогласување.“ – м-р Елена Петрова.

Во рамки на дискусиите беше истакната и важноста на регионалната и меѓународната соработка, особено во услови на забрзана дигитализација на економијата и зголемен обем на прекугранични трансакции.

Како претседавач со IOTA, УЈП продолжува да придонесува кон размена на искуства, добри практики и практични решенија меѓу даночните администрации.

🤝 Заедничката цел е модерна и ефикасна даночна администрација, полесно усогласување и фер примена на правилата – за посилни јавни приходи и поконкурентна економија.