ЈП ЛАЈКА - Скопје

ЈП ЛАЈКА - Скопје ЈП ЛАЈКА - Скопје е претпријатие за хуман третман и благосостојба на бездомни кучиња

18/09/2026

Сани повеќе од три години го гледа светот низ решетки.

Три години ја добива истата нега, храна, ветеринарна грижа и внимание како и сите други кучиња кај нас. Нашиот тим секојдневно се труди да ѝ даде љубов и чувство дека не е сама. Но за Сани тоа веќе не е доволно.

Прифатилиштето може да ја заштити од улицата, да ја нахрани и да се грижи за нејзиното здравје, но не може да ѝ го замени домот. Не може да ѝ подари човек што ќе биде само нејзин. Не може да ги надомести годините поминати во бокс.

Сани веќе не се радува кога некој ќе ѝ пријде. Не мавта со опашката како порано. Само бесцелно кружи низ просторот во кој помина предолг дел од својот живот. Нејзиниот дух полека се крши пред нашите очи.

Вака изгледа последицата од човечката неодговорност. Некој лесно се откажал од својата обврска, а Сани ја плаќа цената секој ден — три години по ред. Додека луѓето продолжуваат да напуштаат, да не стерилизираат и неодговорно да размножуваат кучиња, вакви погледи ќе има сè повеќе.

Сани не бара многу. Бара само некој конечно да ја забележи и да ѝ покаже дека животот не мора да заврши зад решетки.

Вдомете ја Сани. Додека во неа сè уште има надеж што може да се спаси. 💔

🐾 Мако бара дом или привремен згрижувач! 🐾Мако е мирен, питом и исклучително дружељубив убавец. Обожава кога е во друштв...
18/09/2026

🐾 Мако бара дом или привремен згрижувач! 🐾

Мако е мирен, питом и исклучително дружељубив убавец. Обожава кога е во друштво на луѓе и посебно ужива кога некој ќе му посвети внимание, ќе го погали и ќе му покаже дека е сакан. 🥰

Тој е од оние кучиња со кои лесно се создава посебна врска - тивко, без многу услови, само со доверба и љубов. Веруваме дека во вистинскиот дом Мако ќе покаже колку многу љубов има да даде. 🐶💛

Ајде да му помогнеме на Мако неговото следно поглавје да биде најубавото досега - со свое семејство, свој дом и човек кој ќе го сака засекогаш.

📍 Локација на заловување: Општина Гази Баба

🏡 Вдоми или привремено згрижи куче од ЈП Лајка.

Пипи се вдоми! 🏡❤️Уште едно наше куче денес го напушти прифатилиштето и замина таму каде што отсекогаш припаѓало — во св...
18/09/2026

Пипи се вдоми! 🏡❤️

Уште едно наше куче денес го напушти прифатилиштето и замина таму каде што отсекогаш припаѓало — во свој дом, кај свои луѓе.

Пипи, ти посакуваме живот исполнет со љубов, безгрижни денови и многу убави спомени со твоето ново семејство. Биди сакана и среќна — засекогаш. 🐾

ЛИНА БАРА ДОМЛина е млада женка за која престојот во прифатилиште треба да биде само привремена станица, а не нејзино се...
17/09/2026

ЛИНА БАРА ДОМ

Лина е млада женка за која престојот во прифатилиште треба да биде само привремена станица, а не нејзино секојдневие. Заслужува дом во кој ќе има сигурност, редовна грижа и човек на кој ќе може да му верува.

За неа бараме одговорни вдомувачи кои се подготвени за период на приспособување и ја разбираат обврската што ја носи вдомувањето. На Лина не ѝ е потребно краткотрајно сожалување, туку трајна одлука и семејство што нема да се откаже кога ќе се појават првите предизвици.

Лина се вдомува стерилизирана, микрочипирана и вакцинирана против беснило.

📍 Локација на заловување: Општина Бутел

За повеќе информации и запознавање со Лина, обратете ни се во порака.

ИРИС БАРА ДОМИрис е женка со мирна и ненаметлива природа, која во нови ситуации пристапува внимателно и со резерва. Потр...
17/09/2026

ИРИС БАРА ДОМ

Ирис е женка со мирна и ненаметлива природа, која во нови ситуации пристапува внимателно и со резерва. Потребен ѝ е стабилен дом и трпелив вдомувач што ќе ѝ овозможи да се приспособува постепено, без притисок и според сопственото темпо.

За Ирис бараме сериозни и одговорни луѓе кои разбираат дека довербата се гради со време, доследност и правилна грижа. Со сигурност, рутина и човечка близина, таа ќе добие можност да го покаже својот вистински карактер.

Ирис се вдомува стерилизирана, микрочипирана и вакцинирана против беснило.

📍 Локација на заловување: Општина Бутел

За повеќе информации и запознавање со Ирис, обратете ни се во порака.

ДЕЈВ БАРА ДОМДејв е млад мажјак кој во прифатилиштето сè уште внимателно го набљудува светот околу себе. Потребен му е т...
17/09/2026

ДЕЈВ БАРА ДОМ

Дејв е млад мажјак кој во прифатилиштето сè уште внимателно го набљудува светот околу себе. Потребен му е трпелив и одговорен вдомувач што ќе му обезбеди стабилна средина и доволно време за постепено приспособување на новиот живот.

Вдомувањето не е моментална одлука, туку долгорочна обврска. Затоа за Дејв бараме дом во кој ќе биде прифатен како рамноправен член на семејството и каде што никогаш повторно нема да се соочи со напуштање.

Дејв се вдомува кастриран, микрочипиран и вакциниран против беснило.

📍 Локација на заловување: Општина Бутел

За повеќе информации и запознавање со Дејв, обратете ни се во порака.

Да нахраниш бездомно куче е хуман гест и важна помош. Но, хранењето без стерилизација не е долгорочно решение.Доколку ре...
17/09/2026

Да нахраниш бездомно куче е хуман гест и важна помош. Но, хранењето без стерилизација не е долгорочно решение.

Доколку редовно се храни група во која има нестерилизирани кучиња, тие продолжуваат да се размножуваат, се појавуваат нови легла, а со тоа расте и бројот на животни на кои им е потребна грижа.

Затоа, ако веќе се грижите за кучињата во вашата населба, помогнете ни таа грижа да има долгорочен ефект. Следете дали се стерилизирани, пријавете ги новите нестерилизирани единки и соработувајте со нашите тимови при нивното заловување.

Храни. Следи. Пријави. Помогни да се стерилизира.

Само така грижата за кучињата денес нема да значи уште поголема група бездомни кучиња утре.

🐾 Бараме дом или привремен згрижувач за Џаспер! 🐾Понекогаш не ти треба премногу време за да се вљубиш во едно куче… дово...
17/09/2026

🐾 Бараме дом или привремен згрижувач за Џаспер! 🐾

Понекогаш не ти треба премногу време за да се вљубиш во едно куче… доволен е само еден поглед! 🥰 А Џаспер е токму таков - толку сладок, мил и неодолив, што веројатно ќе ви го освои срцето уште при првата средба. ❤️

Џаспер е мал по раст, весел и прекрасен за друштво. Неговата големина го прави одличен избор за живот во стан, а неговиот карактер е совршен за некој што сака покрај себе да има едно мало, весело суштество кое ќе му го разубавува секојдневието. 🏡🐶

✨ Ајде да му го најдеме совршениот дом на Џаспер!
📍 Локација на заловување: Општина Карпош

🐾 Вдоми, не купувај!

🐾 Бараме дом за Жули! 🐾Жули е од оние повлечени кучиња кои не знаат веднаш да покажат колку љубов носат во себе. За неа,...
17/09/2026

🐾 Бараме дом за Жули! 🐾

Жули е од оние повлечени кучиња кои не знаат веднаш да покажат колку љубов носат во себе. За неа, новите луѓе и непознатото се причина да се повлече, да се сокрие и внимателно да набљудува од далеку.

Но, веруваме дека зад тој страв се крие едно прекрасно, нежно кучешко срце кое само чека некој да му покаже дека повеќе нема од што да се плаши.

На Жули ѝ треба трпение, нежност, мир и човек кој ќе ѝ даде време сама да дојде до него. Чекор по чекор, ден по ден, со многу љубов, сигурни сме дека ќе почне да се опушта и ќе ја покаже вистинската Жули. 🥹🐶

🏡 Локација на заловување: Општина Карпош

Вдоми или привремено згрижи куче од Лајка. 🐾

Address

Ul 840 Br 2
Skopje
1000

Opening Hours

Monday 07:00 - 15:00
Tuesday 07:00 - 15:00
Wednesday 07:00 - 15:00
Thursday 07:00 - 15:00
Friday 07:00 - 15:00

Telephone

+38922575765

Website

Alerts

Be the first to know and let us send you an email when ЈП ЛАЈКА - Скопје posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ЈП ЛАЈКА - Скопје:

Shortcuts

Share

Category