Левичарски институт РАЦИН

25/11/2025

🚩 25 ноември 1939 – Разден на македонската поезија и култура!

⭐ На денешен ден во градот Самобор во Хрватска, во печатницата на Драгутин Шпулер, излезе од печат збирката песни „Бели мугри“ од македонскиот поет и револуционер Кочо Рацин, објавена во 4000 примероци.

⭐ Стихозбирката „Бели мугри“ е составена од 12 песни, во 5 циклуси напишани на велешки дијалект со примеси од западно-македонските говори, во кои доминираат социјалните и револуционерните теми. Насловот на стихозбирката е симболичен - пејзаж кој е посакуван од работниците, аргатите и сите експлоатирани луѓе. Тоа е ново утро, нов почеток, нов живот во кој сите ќе бидат еднакви. „Бели мугри“ била создадена под влијание на народната поезија, како и на „Зборникот“ од браќата Миладиновци.

⭐ Според вообичаената комунистичка практика, насловот е испечатен со црвени букви, а поради опасноста да се дознае идентитетот на авторот, Коста Солев ја објавил под псевдонимот „К. Рацин“. Стихозбирката била дистрибуирана низ целата тогашна Југославија и во Пиринска Македонија и постигнала голем успех.

12/10/2025

🔥 ПРЕМИЕРА на последниот цензуриран спот на Левица за Локалните избори 2025 (кој нема да го видите на телевизија) 💜

#НародотСЕГА
#Заокружи6

13/06/2025

НА ДЕНЕШЕН ДЕН ЗАГИНА КОЧО (КОСТА СОЛЕВ) РАЦИН

✍️ На денешен ден, 13 јуни во 1943 година на планината Лопушник под “неразјаснети околности” е убиен поетот, интелектуалец, партизан Кочо Рацин.

Вечерта на 13 јуни, додека се враќал во партизанската печатница на планината Лопушник, Кичевско, смртоносно бил застрелан од Мино Миновски, партизанот кој го чувал пристапот кон печатницата. Според податоците кои ги наведува Перо Коробар, при тоа Рацин бил на триесетина метри подолу од него, а партизанската база се наоѓала на 300-400 метри од печатницата.

Сè уште не се разјаснети сите подробности околу неговата смрт, поради што постојат сомневања дека бил убиен. Посмртните останки на поетот денес се наоѓаат во Спомен-костурницата во Велес, каде се наоѓаат и посмртните останки од неговите загинати соборци и другари. Повеќе пати до денес се предложила и разгледала идејата Кочо Рацин да биде погребан во засебен гроб во центарот на Велес.

*****

Кочо Рацин е роден во 1908 година, во Велес. Уште во детството ја запознава сиромаштијата и веќе во својата тринаесетта година бил присилен да му се посвети целосно на татковиот грнчарски занает.

Во 1924 година Рацин станува член на СКЈ и набрзо се истакнува како еден од најнадежните млади кадри на Комунистичката партија на Југославија во Македонија.

Во 1926 година станува и член на Месниот комитет на СКОЈ за Велес. Истовремено е активен и во Синдикатот.

Во ноември 1928 година учествува во работата на Четвртиот конгрес на КПЈ во Дрезден, како единствен делегат од Македонија. По враќањето во Југославија е уапсен, но по три месеци поради недостиг на докази е пуштен на слобода.

На 5 мај 1943 година Рацин тргнува од Скопје во партизани, по што станува и уредник на партизанскиот весник „Илинденски пат” и подготвува две збирки на македонски народноослободителни песни.

Кочо Рацин е поет на револуцијата. Својот најголем придонес го дава во областа на поезијата со својата стихозбирка „Бели мугри“, објавена во Загреб, во 1939 год. и напишана на македонски јазик и македонска азбука, 6 години пред официјализирањето на заседането на АСНОМ, што јасно говори за постоење на македонска самосвест, јазик, азбука и култура.

***

Ако куќа не направив
со високи шимшир порти,
куќа цел свет братски ми е,
братски срце што отвора,
срце - порта наjвисока,
срце - куќа наjширока.

(стихови од песната ,,Татунчо")

01/05/2025

#РаботничкиПрава
#СоцијалнаПравда

08/03/2025

ЛИ „РАЦИН“ ЈА ОБЈАВИ БРОШУРАТА НА ИЗБРАНИ ТЕКСТОВИ ОД ВЕСНИКОТ „МАКЕДОНКА - ОРГАН НА АФЖ“

⭐ По повод Меѓународниот ден на жената, на вчерашната трибина насловена „Незаменлива во трудот - Силна во борбата“ организирана од АФЖ - Левица, беше презентирана Брошурата на избрани текстови од весникот „Македонка - Орган на АФЖ“.

🚩 Македонка – Орган на АФЖ“ (1944 - 1952) – прво македонско списание за жени во слободна Македонија. Првиот број на списанието излегол во ноември 1944 година, а неговите почетоци започнуваат во селото Горно Врановци. Подоцна се печатело во Прилеп и во Битола. Прва уредничка била Веселинка Малинска. Следните два броја ги подготвиле Славко Јаневски и Василие Поповиќ-Цицо. Тиражот бил 1.000 примероци.

📰 Причината за настанокот на списанието, била зацврстување на извојуваната позиција на жените како градители на државата и утврдување на правото за масовно и активно вклучување во сите професии и во органи на власт, но и поврзување со жените од цела Југославија за заедничко решавање на женското прашање.

✍️ Избраните текстови во оваа брошура се однесуваат на улогата на жените од Македонија во социјалистичкото уредување на државата, поттикот и нивното вклучувањето во општествениот живот и прозиводствените процеси. Оваа воведна брошура служи да претстави повеќе содржински аспекти на весникот. Во електронска форма оваа брошура можете да ја најдете на линкот во коментар.

03/02/2025

На кого му сметаше оваа одредба од југословенскиот КРИВИЧЕН ЗАКОНИК НА СФРЈ (1976)? 🤔

И зошто истата е изоставена, па дури е воведена и спротивна одредба со Амандманот XXVII на Уставот на РМ (2005)?

p.s. Пратеничката група на Левица повторно ќе ја предложи оваа законска одредба, преку рогација на КЗ!

Доколку тоа не успее, вреди да се размисли Претседателката на РМ - преку својата уставна можност, да предложи и уставни измени на оваа тема, со бришење на НЕКАЗНИВОСТА НА СУДИИТЕ како концепт кој во пракса се докажа како многу опасен по владеењето на правото и правната сигурност на граѓаните, а кој стана и непресушен извор на корупција.

#Недопирливите
#СудискаКаста

22/12/2024

✊🚩 На денешен ден, 22 декември 1908 година во Велес е роден Кочо Рацин, македонски поет и револуционер, еден од основоположниците на современата македонска литература.

Коста Апостолов Солев Рацин е основоположник на современата македонска книжевност, а неговата стихозбирка „Бели мугри“ издадена во Загреб во 1939 г. претставува едно од најзначајните поетски дела во македонската современа литература. Освен поезија Рацин пишувал и проза, а напишал и повеќе значајни трудови од областа на историјата, филозофијата и литературната критика.

Во 1924 година станал член на Комунистичката партија. Во исто време бил и синдикален активист. Во 1926 година станал член на месниот комитет на СКОЈ во Велес, а истата година станува и дописник на весникот „Организовани радник“, синдикален весник на независните синдикати. По две години (во 1928 година) избран е за секретар на Синдикалниот месен совет во Велес.

На 5.5.1943 година им се придружува на партизаните, станува уредник на партизанскиот весник „Илинденски пат“ и почнува да работи на прибирање на македонски народноослободителни песни. На 13.6.1943 година погинува на Лопушник под сѐ уште неразјаснети околности.

Згаснал неговиот живот, но не и жарот за борба кој и денес пламти во неговата поезија.

Рацин е црвен поет, поет на револуцијата и борбата. Стиховите на Рацин се актуелни и денес и ќе бидат актуелни сѐ додека има класна нерамноправност и експлоатација.

12/12/2024

25/11/2024

85 ГОДИНИ „БЕЛИ МУГРИ“ - НА ДЕНЕШЕН ДЕН СТИХОЗБИРКАТА ИЗЛЕГЛА ОД ПЕЧАТ

На денешен ден, 25 ноември 1939 година во градчето Самобор, во непосредна близина на Загреб во Хрватска, излегла од печат збирката песни „Бели мугри“ од македонскиот поет и комунистички револуционер Кочо Рацин.

Збирката претставува извонредна поетска слика на најтипичните социјални појави во Македонија пред почетокот на Втората светска војна.

Таа е антологија на болките и страдањата на македонскиот народ – експлоатацијата на тутунопроизводителите, на монополските работници и на надничарите. Покрај ова, таа е проткаена со борбеност и револуционерен дух. Таа претставува стремеж за афирмација на македонската национална култура.

„Бели мугри“ била создадена под влијание на народната поезија, како и на „Зборникот“ од Браќата Миладиновци. Највпечатливи мотиви во Рациновите песни се: аргатската мака („Денови“ и „Селска мака“), социјално-класната неправда („Тутуноберачите“), револуционерен повик („Копачите“), патриотски мотиви („Елегии за тебе“, „Уторото над нас“ и „Татунчо“), жал за пропаднатите занаети („На Струга дуќан да имам“) и печалбарската тага („Проштавање“).

13/11/2024

⭐ По патеката на слободата - беше насловена денешната тура по повод 80 години од ослободувањето на Скопје. Активистите од #Левица, партискиот подмладок #ЦрвенаМладина и Левичарскиот институт РАЦИН, посетија повеќе од дваесетина споменици, подигнати во чест на народните херои од НОБ.