Ministry of Digital Transformation

12/06/2026

Во Брвеница беше одбележан почетокот на проектот „Училишта на 21 век – Фаза 2“, преку кој учениците ќе стекнуваат нови знаења и практични дигитални вештини уште од најрана возраст, со употреба на micro:bit уреди.

Проектот се реализира во партнерство меѓу Министерството за дигитална трансформација, Британскиот совет и Македонски Телеком, со заедничка поддршка од над 350.000 евра.

Во оваа фаза ќе бидат опфатени 100 училишта, со фокус на учениците од 9 и 10 години. Ќе се обучат 1.000 наставници, а училиштата ќе добијат micro:bit уреди и потребна опрема за практична настава.

Преку micro:bit уредите, учениците ќе учат основи на програмирање, логичко и критичко размислување, решавање проблеми и сајбер безбедност. Проектот предвидува и онлајн консултации, онлајн micro:bit курс, како и два Coding Challenge настани, преку кои учениците ќе можат да ги покажат своите идеи, креативност и знаење.

Ова е дигитална трансформација во образованието со јасна цел: технологијата да стане алатка за подобро знаење, повеќе вештини и поголема самодоверба кај секое дете.

Министерството за дигитална трансформација продолжува да инвестира во генерации подготвени за економијата и општеството на 21 век.

#ДигиталнаТрансформација #УчилиштаНа21Век #ДигиталниВештини

09/06/2026

Вечерва на Сител ТВ дискутираме за дигитализација на системот за издавање на лиценци, вештачка интелигенција, центри за податоци и уште многу интересни прашања...

08/06/2026

Министерот Андоновски го промовираше новиот систем за SMART лиценци

Министерот за дигитална трансформација, Стефан Андоновски, го промовираше новиот систем за SMART лиценци – целосно електронско решение за издавање, проверка и јавно следење на лиценците што ги издава државата, преку електронски регистар и QR код.

Новиот систем овозможува брза и едноставна проверка на валидноста на лиценците, со што граѓаните, компаниите и институциите ќе можат веднаш да утврдат дали одредена лиценца е важечка, истечена, суспендирана, укината или во постапка.

Со воведувањето на SMART лиценците се обезбедува поголема транспарентност, намалување на употребата на хартиени документи, побрзи административни проверки, намалување на субјективноста во постапките и зајакнување на довербата во институциите и во правниот промет.

На брифингот со новинарите, министерот Андоновски го презентираше првиот пилот-проект, кој веќе е имплементиран во Министерството за дигитална трансформација и се однесува на давателите на квалификувани доверливи услуги, меѓу кои електронски потпис, електронски печат, временски жигови, електронска препорачана достава и сигурно електронско складирање.

Во рамки на брифингот, министерот ги информираше новинарите и за процесот „Роаминг како дома“, како и за други актуелни теми од надлежност на Министерството за дигитална трансформација.

Министерството продолжува со спроведување на решенија кои ја унапредуваат дигитализацијата на јавните услуги, ја намалуваат бирократијата и обезбедуваат точни, достапни, безбедни и проверливи податоци за граѓаните, компаниите и институциите.

03/06/2026

Министерот за дигитална трансформација, Стефан Андоновски, изминативе два дена учествуваше на Paris Cyber Summit 2026, еден од значајните европски форуми посветени на сајбер безбедноста, дигиталната отпорност и влијанието на вештачката интелигенција врз безбедносните политики.

Во рамки на Самитот, министерот Андоновски учествуваше на тркалезна маса во Францускиот сенат, посветена на градењето сајбер капацитети во земјите од Западен Балкан во услови на постојани и комплексни закани.

„Сајбер заканите не запираат на границите — затоа и одговорот мора да биде заеднички, координиран и европски“, истакна министерот Андоновски, нагласувајќи дека сајбер безбедноста не е само техничко прашање, туку прашање на национална отпорност, демократска стабилност, заштита на критичната инфраструктура и доверба во дигиталната држава.

Самитот оваа година се одржува под темата „The Rise of Agentic AI – The Transatlantic Reset“, со фокус на новите безбедносни предизвици поврзани со вештачката интелигенција, трансантлантската соработка и потребата од координиран одговор на државите, институциите и приватниот сектор.

Министерот посочи дека Западен Балкан е дел од безбедносната архитектура на Европа. Затоа, регионот не може да се третира само како прашање на идна интеграција, туку како прашање на стратешка предвидливост. Регионалната оперативна соработка не е луксуз — таа е мултипликатор на сила.

Посетата на Париз министерот ја заокружи со средба во македонската Амбасада во Франција со амбасадорот д-р Игор Г. Николов. На средбата беше истакната важноста на дипломатското претставување на македонската култура, интелигенција и историја во француското општество, како и значењето на градењето силни врски меѓу двете земји.

Учеството на Министерството за дигитална трансформација на вакви настани е значаен чекор во насока на позиционирање на земјава како активен партнер во европските и регионалните процеси за градење побезбеден, поотпорен и доверлив дигитален простор.

02/06/2026

28/05/2026

Министерството за дигитална трансформација беше партнер на овогодинешното издание на „Women in Tech® Macedonia Awards“ – настан посветен на препознавање и промовирање на жените кои со својата работа, иновации, лидерство и влијание придонесуваат за развојот на ИТ екосистемот иновациите и дигиталната трансформација.

Признанијата беа доделени од страна на претседателката Гордана Силјановска Давкова, со што дополнително се потврди значењето на оваа иницијатива за поттикнување на родовата еднаквост, инклузијата и видливоста на жените во технологијата.

Со голема гордост ги издвојуваме добитничките на две награди кои се доделени на претставнички од Министерството:

🏆 Tech Diplomacy Award
- Гордана Клинчарова, Државна секретарка

🏆 Most Impactful Initiative Award
- Билјана Пејоска Ристеска, координатор на проектот МКСафеНет – Центар за побезбеден интернет

Овие признанија се потврда за нивниот значаен придонес, професионализам и влијание во дигиталната и технолошката заедница.

Како институција, Министерството останува посветено на поддршка на активности кои го зајакнуваат ИКТ секторот и создаваат еднакви можности за сите во дигиталната економија.

Честитки до сите добитнички на наградите и до организацијата Women in Tech® Macedonia за успешно реализираниот настан и инспиративната платформа што ја создаваат.

#РодоваЕднаквост #ДигиталнаТрансформација

27/05/2026

Министерот за дигитална трансформација, Стефан Андоновски беше дел од владината делегација предводена од претседателот на Владата, проф. д-р Христијан Мицкоски, во рамки на официјалната посета на премиерот на Република Хрватска, Андреј Пленковиќ, и дел од министрите во Владата на Република Хрватска.

Посетата опфати билатерална средба, состанок со претставници на бизнис-заедницата од Македонија и Хрватска, како и неформален дел со посета на црквата „Св. Богородица Перивлепта“.

Оваа средба на високо ниво претставува уште една потврда на пријателските односи, партнерството и меѓусебната поддршка меѓу Македонија и Република Хрватска.

🇲🇰🤝🇭🇷

27/05/2026

Продолжуваме со реализација на проектот за бесплатен интернет за студенти.

Во рамки на оваа иницијатива, поставен е бесплатен интернет и на Воената академија „Генерал Михаило Апостолски“ во Скопје, како и на Универзитетот „Св. Климент Охридски“ во Битола.

Со ова, овозможуваме подобар пристап до дигитални услуги, полесно учење, истражување и секојдневна комуникација за студентите и академската заедница.

Оваа активност е дел од мисијата на Министерството за дигитална трансформација за ширење и промоција на дигиталното општество, преку создавање еднаков пристап до дигитални можности и подобри услови за современо образование.

#ДигиталнаТрансформација #БесплатенИнтернет #Студенти #МДТ #ДигиталноОпштество

24/05/2026

Нека е честит 24 Мај - Денот на сесловенските просветители, Светите Кирил и Методиј.

23/05/2026

Заменик министерот за дигитална трансформација се обрати на Меѓународната регулаторна конференција посветена на иднината на електронските комуникации и дигиталниот развој, организирана под мотото „Правилата за утре се сретнуваат денес“.

Во своето обраќање, заменик министерот истакна дека дигиталната трансформација повеќе не претставува прашање на иднината, туку реалност што директно влијае врз економијата, институциите и секојдневниот живот на граѓаните.

Тој нагласи дека електронските комуникации денес претставуваат темел на дигиталното општество и клучен двигател на економскиот раст, иновациите, дигиталните услуги и регионалната поврзаност.

Како Министерство за дигитална трансформација, активно работиме на изградба на безбеден, ефикасен и инклузивен дигитален екосистем, ориентиран кон потребите на граѓаните и бизнисите“, истакна заменик министерот.

Во рамки на обраќањето тој ги потенцираше заложбите за развојот на 5G инфраструктурата, унапредувањето на широкопојасниот интернет, зајакнувањето на сајбер безбедноста и усогласувањето со европските дигитални стандарди и регулативи.

Заменик министерот посочи дека овие процеси бараат силна институционална координација, партнерство со регулаторите, соработка со приватниот сектор и активна меѓународна размена на искуства и знаење.