14/06/2026
📣ДЗС објави повик за сезонски пожарникари - за воeно/полициските олдајмери се бара пензионери
🗣️Пред неколку дена ДЗС објави оглас за сезонски пожарникари. За разлика од минатата година, платата сега е драстично повисока, односно дупла, но со еден важен услов. Најмалку петгодишно работно искуство во АРМ, МВР или ТППЕ.
📃Во наведениот оглас се бара работници за следниве работни места:
1️⃣ Возачи на специјалните противпожарни возила (22 пинцгауери, 5 хермелини и 15 БТР-и пренаменети во противпожарни возила);
2️⃣ Оператори на противпожарните пумпи вградени на специјалните противпожарни возила;
3️⃣ Оператори со противпожарни водни ранци и метли.
🤔Но во самиот оглас не е наведено колку лица се потребни, што за оглас за вработување е нелогично.
✅Кога веќе ги форсираат овој воено-полициски отпат што треба да глуми протвипожарна техника, првата точка во огласот е разбирлива и комплетно нормална. Луѓе со претходно искуство на овие возила да се ангажират.
❓Но потоа она што следи нема логика, како може пример да се бара Оператори со противпожарни водни ранци и метли, а услов да е пензионер (автоматски значи над 50+ години). Како може овде да има ограничување кога сите знаат дека млади деца од 20,30 години се и тоа како посмретни физички за оваа „работна позиција“ која бара многу кондиција и добро здравје.
🧑🏻🚒Зошто се заборавени минатогодишноте сезонски пожарникари. Зошто тие немаат преднос и не беа повикани да се пријават за работните позиции под 2 и 3 на огласот. Тие барем поминаа некоја обука и видоа дел од нив пожар и интервенираа. Што се вели имаат некој готов производ.
🏋🏻И за овој оглас, за оние кои ќе бидат примени се предвидува обука, проверка на здравје и слично. Значи во превод додека заврши оглас (за кој нема јавно до кога е) како и за колку луѓе (апсурд до апсурд) ќе помине некое време, па сезонци ќе бидат подготвени како минатата година, за октомври и ноември.
😔Ова е уште еден показател дека нема стратегија, туку се лута со Ад хок решенија кои не водат кон никаде, па така и ова лето ќе биде КАКО ДО СЕГА, ако не и полош (за тоа во следен текст).
🧳Значи млади, здрави, прави деца, кои се без работа наместо да им се даде шанса да останат во татковината и работат, ќе мора да одат на сезонска работа во странство, ама за тоа пак пензионери ќе земат по 44.000 денари месечно нето или 132.000 денари за три месеци (2.150 евра).
