03/06/2026
🫶Имавме чест да бидеме домаќини на претставници на Светска банка и Единицата за управување со Проектот за развој на социјални услуги, со чија поддршка беше воспоставена услугата „Помош и нега во домот“, а воедно и услугата „Центар за дневен престој на стари лица за активно стареење“.
🧩На средбата присуствуваа директорот на Центарот за социјална работа – Прилеп, градоначалниците на општините Кривогаштани и Долнени, како и претставник од Општина Прилеп, со кои преку заедничка соработка успешно се реализираат активности во областа на социјалната заштита.
🎯Тимот на Здружението ги презентираше социјалните услуги што ги обезбедува за постарите лица, како и тековните иницијативи за социјално менторство и пилотирањето на интегрирани социо-здравствени услуги.
Посебно задоволство беше да ги слушнеме искуствата и приказните на негувателите ангажирани во услугата „Помош и нега во домот“, како и сведоштвото на корисник кој директно ја чувствува придобивката од оваа услуга.
🤝Ваквите средби се значајна потврда за важноста на партнерството, посветеноста и заедничките напори за унапредување на квалитетот на живот на постарите лица и развојот на социјалните услуги во заедницата, и можност да се заблагодариме на нашите поддржувачи и соработници за дадената доверба.
