СОУ „Ристе Ристески-Ричко“, Прилеп

05/06/2026

УЧЕНИКОТ НИКОЛА ПАВЛЕСКИ СО МЕЃУНАРОДЕН УСПЕХ ВО ШАХ

СОУ „Ристе Ристески - Ричко“ упатува најискрени честитки до нашиот ученик од III-1 клас, Никола Павлески, за извонредниот успех остварен на шаховските турнири во Алексинац, Република Србија.
Како член на ШК „Мулти Есенс“, Никола во двата настапи беше најдобро пласиран македонски шахист. На турнирот во стандарден шах „Опен Лав 2026“ го освои второто место и нови 36 рејтинг поени, со што стигна до рејтинг од над 2000 поени, додека на турнирот во забрзан шах го освои високото четврто место – и во двата пресмета останувајќи целосно непоразен.
Со овие врвни резултати, Никола обезбеди пласман на претстојното Светско младинско првенство кое од 14 до 27 јуни 2026 година ќе се одржи во Монтесилвано, Италија, каде што ќе биде единствениот македонски претставник во својата категорија.
Му честитаме на Никола за покажаниот талент, дисциплина и исклучителен успех. Училишниот колектив е горд на неговите постигнувања и му посакува среќа и нови победи на Светското првенство во Италија🍀♟️

04/06/2026

Денес симболично ги предадовме клучевите од Младинскиот кабинет и испративме еден исклучителен млад човек кој остави длабока трага во работата на Училишната ученичка заедница и Ученичкиот парламент.
Како претседател, Mihail Graskoski со својата посветеност, одговорност, лидерски способности и неисцрпна енергија беше двигател на бројни активности, иницијативи и настани. Неговото вложување не се мереше само преку успешно реализираните идеи, туку и преку начинот на кој ги мотивираше и обединуваше учениците, поттикнувајќи тимска работа, креативност и меѓусебна поддршка.
Во знак на благодарност за неговиот огромен придонес, директорката и двете професорки задолжени за работата на ученичката организација му подарија
скромен подарок кој симболизира голема почит и благодарност за сè што направи за нашето училиште и ученичката заедница.
Михаил, ти благодариме за секој вложен труд, за секоја реализирана идеја, за секој предизвик што го претвори во можност и за примерот што им го остави на генерациите што доаѓаат. Твојата работа постави високи стандарди и ќе остане запаметена како пример за успешно ученичко лидерство.
Ти посакуваме многу успех во сите идни предизвици и нови животни поглавја!
А нам ни останува задачата да пронајдеме достоен наследник кој ќе продолжи по патот што ти го трасираше.

03/06/2026

Успешно реализиран завршниот настан од проектот „Педали и приказни“

Денес официјално беше заокружен шестмесечниот проект „Педали и приказни“, кој СОУ „Ристе Ристески - Ричко“ го реализираше во партнерство со ФАК – Прилеп и здружението „Go Green“.
Во училишниот двор свечено беше промовиран новиот мурал – дело на нашите талентирани ученици под менторство на професорот Методи Исков, со кое се испрати силна порака за велосипедската култура и заштитата на животната средина. На настанот присуствуваше и градоначалникот на Општина Прилеп, г. Дејан Проданоски, кој даде силна поддршка за младинскиот активизам.
Клучни активности од настанот:
„Критична маса“: Велосипедското дефиле старташе во 12:00 часот од плоштадот „Александрија“, а во 12:30 часот учесниците со своите велосипеди пристигнаа во дворот на „Ричко“.

Музичка програма: Промоцијата беше збогатена со настап на нашиот училишен бенд и диџеј-сет на учениците од СОУ „Ѓорче Петров“, со што се потврди одличната меѓуучилишна соработка.
Изразуваме благодарност до градоначалникот Дејан Проданоски, партнерските организации и до сите учесници кои придонесоа за успешна реализација на овој настан.
Овој мурал останува како траен естетски белег во градот и потврда за креативната моќ на младите.

02/06/2026

ДРЖАВЕН ПРВАК ВО НАШИТЕ КЛУПИ: Честитки за Давид Карапеев!

Со огромно задоволство му го честитаме големиот спортски успех на нашиот ученик Давид Карапеев од I-2 клас, кој се закити со златен медал на 32-то Државно првенство во бокс!
Настапувајќи за својот матичен клуб „АС“ од Прилеп во јуниорска конкуренција (до 80 кг), Давид покажа врвна подготвеност. По убедливото полуфинале, во финалниот меч извојува победа со прекин во втората рунда, го освои златото и обезбеди место во Македонската боксерска репрезентација!
Иако овојпат настапи за својот клуб, СОУ „Ристе Ристески - Ричко“ се гордее што во своите редови има ваков перспективен спортист и државен шампион.
Давид, ти посакуваме уште многу победи и успеси на меѓународната сцена.
Честитки 👏✨

01/06/2026

ГОЛЕМ УСПЕХ НА НАШИТЕ УЧЕНИЦИ НА БАЛКАНСКОТО ПРВЕНСТВО🥊

СОУ „Ристе Ристески - Ричко“ упатува искрени честитки до нашите ученици за извонредните резултати постигнати на Балканското WAKO првенство во кик-бокс, што се одржа во Нови Сад.
Андреј Смилевски (3-8 клас) – го освои ЗЛАТНИОТ МЕДАЛ и е прогласен за Најдобар К1 борец на турнирот 🥇

Емил Степанулески (3-2 клас) – го освои БРОНЗЕНИОТ МЕДАЛ во дисциплината low kick🥉
Училиштето се гордее со вашиот спортски дух, посветеност и успех. Ви посакуваме уште многу нови победи и спортски успеси во иднина🍀

01/06/2026

Кога младешката визија и креативната енергија ќе се спојат на едно место, сивилото на секојдневието отстапува пред експлозија од бои. Со огромно задоволство ви го презентираме новиот прекрасен мурал кој го украси нашиот град, изработен со многу труд, талент и посветеност од страна на вредните ученици од СОУ „Ристе Ристески - Ричко“, под менторство на професорот Методи Исков.
Ова уметничко дело е круна на шестмесечната активна работа во рамките на проектот „Педали и приказни“, реализиран во партнерство со Форумот за Авангардна Креативност (ФАК) – Прилеп и здружението Go Green. Преку јазикот на уметноста и боите, нашите ученици испратија силна порака за урбаниот дух, велосипедската култура и заштитата на животната средина.
🚴‍♂️Проектот официјално ќе биде заокружен оваа среда (03.06.2026) со богата и возбудлива програма на која сите сте поканети:
- 12:00 ч. – Старт на „Критична маса“ од плоштадот „Александрија“. Возиме, создаваме и оставаме трага.
- 12:00 часот- Во исто време во дворот на СОУ ,,Ристе Ристески-Ричко" започнува главниот настан со промоција на муралот.
Забавата ќе биде збогатена со диџеј- сет на учениците од СОУ ,,Ѓорче Петров", како и со специјален настап на нашиот училишен музички бенд кој ветува одлична забава и незаборавно дружење.
Се гледаме во среда во дворот на „Ричко“! 🎨🎸🚴‍♀️✨

29/05/2026

По повод големиот јубилеј – 110 години од Македонскиот фронт во Првата светска војна, во СОУ „Ристе Ристески - Ричко“ во организација на професорот Никола Толомано....

29/05/2026

29/05/2026

Вчера (28.05.2026 година), во просториите на СОУ „Ристе Ристески - Ричко“, се одржа исклучителен културно-историски настан. Во организација на професорот Никола Толоманоски и АНИМ, беше поставена и презентирана изложбата посветена на големиот јубилеј – 110 години од Македонскиот фронт во Првата светска војна, насловена „Од минатото до денес - приказни што вреди да се слушнат“.
Настанот побуди огромен интерес и привлече голем број гости, меѓу кои и бројни ученици од основните училишта во Прилеп, кои имаа можност да научат нешто повеќе за нашата историја преку изложените материјали.
Учениците од нашето училиште со многу труд, посветеност и знаење одлично ја презентираа изложбата пред сите присутни. Упатуваме јавна пофалба до:
Димески Петар, Стојановски Петар Димоски Максим, Трајкоска Емили, Мирческа Елена, Талевска Ивана, Јорданоска Теодора, Стојановски Христина, Манческа Андријана, Аљакоска Слаѓана и Момироска Михаела.
Историјата не е само минато, таа е лекција за иднината.
Огромната посетеност на настанот потврди дека автентичните фотографии и факти секогаш будат најголем интерес кога се пренесени со вистински ентузијазам.