Левица - Охрид

07/05/2026

06/05/2026

СОВЕТОТ КРЕНА РАКА ЗА ПОСКАП ЖИВОТ ВО ОХРИД, НАРОДОТ ЌЕ ЈА ПЛАЌА ЦЕНАТА!

#Охрид #Левица #НародотПлаќа #Паркинг #Комуналии #Гробарина #Такси

02/05/2026

МАЈКИ И ТРУДНИЦИ ОСТАНУВААТ БЕЗ РАБОТА - ВЛАСТА ИТНО ДА ГИ ПРИФАТИ ЗАКОНСКИТЕ ИЗМЕНИ ПРЕДЛОЖЕНИ ОД ЛЕВИЦА

🔴Секое општество се мери по тоа како ги штити најранливите во моменти кога им е најпотребна сигурност.
‼️Во Македонија, наместо заштита, сè почесто сведочиме на спротивното. Бременоста и мајчинството стануваат фактор на несигурност на работното место.
👉Потврда за тоа доаѓа и од Комисијата за спречување и заштита од дискриминација, од каде се констатира пораст на предмети за дискриминација поврзани со бременост, раѓање и мајчинство.

⚠️Жени по враќање од породилно отсуство се соочуваат со прераспоредувања на пониски позиции, деградирање или директно губење на работното место. Договори на определено време истекуваат токму во моменти кога најмногу е потребна сигурност. Во правен поредок кој формално гарантира еднаквост, ваквите практики откриваат длабок јаз меѓу нормата и реалноста.
Особено дволично е што власта на ДПМНЕ, која наводно е загрижена за наталитетот во државата, не презема апсолутно ништо во врска до оваа состојба, напротив, дури и одбива предлози за надминување на истата, како што беше случајот и со предлог-измените поднесени од #Левица!

📌Потсетуваме, Левица поднесе измени на Законот за работни односи со цел да се затвори токму таа правна празнина што овозможува бременоста да стане тивка причина за губење на работа. Предлогот предвидуваше автоматска трансформација на договорот за вработување од определено во неопределено време во случај на бременост, како и експлицитна забрана за престанок на работниот однос поради истек на договорот во таква ситуација. Со тоа, механизмот на формално истекување на договорите, кој во пракса се користи како алатка за избегнување на законската забрана за отказ, ќе се ставеше под јасна правна контрола.

➡️Додека мнозинството калкулира со партиски поени, Комисијата за спречување и заштита од дискриминација веќе алармира за растечки број случаи на дискриминација врз бремени жени и мајки. Тоа се јасни сигнали дека проблемот во услови на десничарска власт ескалира.

🚨Наместо да се затвори очигледната правна празнина, ДПМНЕ избра да ја брани “флексибилноста” на пазарот, или во превод, да не се замерат со газдите кои по цена на нивниот профит се решени да уништуваат туѓи животи во најсензитивни периоди. Кога ќе дојде до судир помеѓу профитот и достоинството, нивниот избор е јасен. И токму тука се гледа суштината на политиката на ДПМНЕ - државата да биде штит за посилниот, а не за работничката која го носи најголемиот товар!

📣Ги повикуваме ДПМНЕ да се вразумат и тие да ги поднесат измените. Или ќе се застанат зад жената која работи, создава и раѓа или зад логиката дека таа е заменлива кога станува „неисплатлива“. Мајчинството не е приватен проблем на работничката, туку општествена одговорност. Не може истовремено да промовираат политика “јас, бато и дада” и да останат неми на бруталностите кон бремените работнички и мајки!

02/05/2026

ПСИХИЧКОТО ВРСНИЧКО НАСИЛСТВО: ТИВКА ЕПИДЕМИЈА МЕЃУ ДЕЦАТА

Во продолжение следува фејсбук статусот на советничката од Левица во Советот на Општина Охрид, В. Аврамоска:

Секогаш коментираме за она што го гледаме на социјалните мрежи. Конечно некоја институција, МВР, реагираше на физичко врсничко насилство. Но, иако не е секогаш видливо, во училиштата постои и психичко врсничко насилство, отфрлање на ученици поради нивната социјална припадност, исмејување поради нечиј проблем, понижување и омаловажување, како и потсмев кон деца што не пушат, не пијат алкохол и не користат дрога.

Психичкото насилство, исто како и физичкото, остава сериозни последици кај децата. Многу ученици се приморани да посетуваат психолог или психијатар, молат да не одат на училиште, а дел од нив се соочуваат и со најтешки психолошки последици.

Секако, одговорност сносат и сите вработени во училиштата кои го забележале овој вид насилство, а не реагирале. Училиштето одамна не смее да биде само место за формално образование, туку и простор каде што децата ќе се чувствуваат безбедно, прифатено и заштитено.

Воспитувањето започнува уште од најраното детство, во семејството. Родителите се првите примери и првите авторитети во животот на детето. Во минатото постоеја појасни граници, дисциплина и чувство на почит, и во семејството и во училиштето. Денес, за жал, сè почесто сме сведоци на отуѓување, недостаток на комуникација и занемарување на воспитната улога.

Државата не смее да остане нем набљудувач. Потребни се посериозни мерки, поголема одговорност од институциите, психолошка поддршка во училиштата и јасни механизми за заштита на децата. Не е доволно само да се реагира по инцидентите – потребна е превенција.

Родители, не молчете. Денес можеби не е вашето дете, но утре жртвата може да биде нечие друго, а задутре и нашето. Сите деца заслужуваат безбедно детство, почит и поддршка.

Контролирајте што прават децата на социјалните мрежи. Понекогаш токму таму се гледаат првите знаци дека едно дете е жртва или насилник.

01/05/2026

Кој ја создава вредноста❓ - Работникот❗

🚩 Работникот што со својот труд го движи општеството, додека капиталот сè почесто го става профитот над човечкото достоинство‼️

#ПрвиМај #РаботничкаБорба #Солидарност #Труд #СоцијалнаПравда 🚩

30/04/2026

ЛЕВИЦА ГО ПОДДРЖУВА ПРОТЕСТОТ НА РАБОТНИЦИТЕ И СИНДИКАТИТЕ НА ПРВИ МАЈ

🔴Застапувајќи ги интересите на сопствените спонзори, десничарската влада целосно заборави на работникот и третирајќи го како орудје за остварување профит, доведува до социјално-економска криза, структурната експлоатација и континуираното дерогирање на работничките права.
👷‍♂️Пред само неколку дена сведочевме за тоа како животот на работникот нема никаква вредност за државните институции кога се во прашање милионите на олигархијата и владејачката класа.

🚨Мицкоски ја претвори Владата во нем посматрач на трипатртитниот дијалог со работниците и работодавачите. Останувајќи во прегратките на Бранко Азески, власта изминативе две години се пресметува со синдикални лидери, прави притисоци за укинување на колективни договори и, најново, спремаат нов правилник на ФЗО со којшто имаат намера да го ускратат и правото на боледување на работниците.

❌Две минимални плати не се доволни за едно семејство да го преживее месецот. Половина од населениото заработува плата пониска од 600 евра. Додека власта се фали со фиктивен раст на БДП и илузорни статистики, инфлацијата ја јаде платата, а работниците не можат да го преживеат месецот.
👉Отука #Левица целосно го поддржува утрешниот протест, барањата на синдикатите и работниците и ги повикува своите членови и симпатизери Денот на трудот да го одбележат на протест.

📣Ги повикуваме и работниците кои се задоволни од својата плата да излезат на протест и се солидаризираат со своите колеги и блиски чиј труд е обезвреднет. Синдикатите и работнички здруженија кои одбиваат да се приклучат на протестот ги потсетуваме дека Први мај е историски симбол на работничката борба, а солидарноста основен принцип во борбата за обезбедување достоинствен живот и работнички права.

28/04/2026

Секоја чест за полицијата на ДПМНЕ и нивната сервилна, селективна и политички мотивирана примена на сила 👏

Ја известуваме јавноста дека претседателот на помладокот на Левица - Црвена младина, Андреј Куцуловски, е пуштен од полициска станица со изречена глоба од 550 евра за поттикнување на насилство и омраза поради внесување на палестинско знаме 🤡

За овој “прекршок” беше мобилизирана толпа полициски службеници кои приведоа млад човек кој впрочем не пружи никаков отпор, ниту пак направи било каков инцидент. Со лисици, како да се работи за опасен криминалец, беше спроведен во станица, без притоа да му се соопшти основот за лишување од слобода.

Во исто време, истата таа полиција под капата на Тошковски, со фрапантна леснотија дозволува да исчезнуваат и да бегаат лица осомничени за тешки кривични дела, не постапува ниту со слична ревност при брутални насилства, а семејното насилство го релативизираати оставаат без соодветен институционален одговор.
Државата казнува солидарност, а премолчува насилство!

ДПМНЕ денес нуди сулуда сервилност до степен на подредување на институциите на дневнополитички потреби и надворешни агенди.

Македонија некогаш била на правилната страна на историјата, на страната на угнетените, правдата и хуманиста и човечноста. Денес се турка да стои рамо до рамо со политики кои поддржуваат и го поткрепуваат страдањето, фашизмот, геноцидот!

Ако нешто јасно се виде од овој случај, тоа е бруталноста со која системот се однесува кон оние што не се покоруваат.
Кога државата почнува да се однесува како да ѝ припаѓа на малкумина, тогаш секој граѓанин што мисли поинаку станува проблем што треба да се оттурне. И токму затоа ваквите сцени се предупредување.

Но историјата покажува дека општества изградени на страв и сервилност не траат долго, затоа што секоја прекумерна сила на крај ја разоткрива сопствената слабост!

Иако власта избра да застане на погрешната, одвратна страна, на страната против која нашите предци се бореле да ја соборат - денешниот настан повторно покажа дека народот не ја следи таа матрица.
Македонскиот народ, и покрај сè, останува на вистинската страна на историјата ✊