Општина КОНЧЕ

06/04/2021

ОТВОРЕН ПОВИК ЗА ДЕЦА ОД ОПШТИНА КОНЧЕ НА ВОЗРАСТ ОД 11 до 17 ГОДИНИ
Истражете ја ‘среќата’ преку танц и музика на танцувачката резиденција предводена од австриската кореографка Оливија Митерхумер.
Програмата .fellowship ги повикува сите тинејџери на возраст од 11 до 17 години, оние кои сакаат да го споделат својот талент, да се приклучат кон проектот и да бидат дел од Dance Residency.
Краен рок за пријавување:14 април 2021 година.
За подетални информации и начинот на пријавување, посетете ја интернет страницата: https://solwaygroup.com/musiccamp/tancuvachka-rezidenciјa/?lang=mk

30/12/2020

24/11/2020

Општина Конче деновиве доби донација од околу 200 столици кои ќе се користат за потребите на Домот на културата но и при организација на секакви општински манифеста....

17/11/2020

По повод 17-ти Ноември - Светскиот ден на предвремо родените деца, општинската зграда на Општина Конче беше осветлена во розева боја за подигнување на јавната свест во општеството со цел подобри резултати во згрижување на предвремено родените бебиња.

14/11/2020

По повод „Светскиот ден на лицата со дијабетис“ зградата на општина Конче е осветлена во сино со цел подигнување на свеста на граѓаните за превенција од оваа болест.

Сината е боја на небото и на знамето на Обединетите Нации и ги претставува сите земји обединети во борбата против дијабетисот.

13/11/2020

ИЗВЕСТУВАЊЕ ЗА ДОСТАВУВАЊЕ НА ПРЕДЛОГ ПРОГРАМИ ЗА БУЏЕТ 2021 НА ОПШТИНА КОНЧЕ
Почитувани сограѓани!
Поради актуелната состојба со пандемијата од COVID -19 Коронавирусот, и почитување на препораките од надлежните институции за заштита на јавното здравје, Ве информираме дека ова година нема да се одржат Јавните средби со граѓаните во населените места, на кои Вие граѓаните ќе можете да дававте предлози за проекти кои би се реализирале во наредната 2021 година.
Како и досега, а со цел заеднички да ги планираме Програмите кои ќе ги вклучиме во Буџетот за наредната 2021 година, Ве покануваме Вашите предлози за проекти што би се реализирале во Вашите населени места, да ги доставите до општина Конче.
Предлозите можете да ги доставите од денес а најдоцна до петок 20.11.2020
– во писмена форма преку архивата на општина Конче
-електронски на следните е-маил адреси: [email protected] и [email protected]
Дополнителни информации можете да добиете на следниве телефонски броеви: 032 630 325
Ги очекуваме Вашите предлози за да можеме заеднички, како и досега да планираме и да ја развиваме нашата општина КОНЧЕ.
Со почит.

30/10/2020

17/07/2020

С О О П Ш Т Е Н И Е

Општина Конче им соопштува на сите земјоделци кои претрпеа штети врз земјоделските култури од невремето што се случи на 05.07.2020 година, да поднесат до Општина Конче документи кои се услов за да почне постапката за оштета.
Пријавувањето ќе се врши во периодот од 20.07.2020 до 24.07.2020 година, во просториите на Општина Конче во текот на работното време.
Земјоделците во примено одделение на Општина Конче, до општинската архива треба да достават пријава и копија од лична карта.
Согласно законските прописи формирана е општинска Комисија за проценка од елементарни непогоди, која ќе ги разгледува барањата и ќе изврши увид на терен.
По проценката на штетите, и откако извештајот од Комисијата ќе биде разгледан на седница на Совет на Општина Конче, ќе биде доставен до Владата, со цел исплата на оштета на земјоделците.

Напомена: Согласно препораките на Владата на Република Северна Македонија за заштита од корона вирусот, задолжително е носењето на маска при поднесувањето на докуменитите во Општина Конче.

22/06/2020

ИЗВЕСТУВАЊЕ ❗️❗️❗️

Се известуваат сите граѓани на општина Конче дека прво прскање против возрасни комарци по земјен пат ќе се изврши на На 24.06.2020 година (среда), во период од 18.00 до 02.00 часот, се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.