ДПД Кочани / Volunteer Fire Department Kocani

06/05/2026

🤝 Меморандум за соработка помеѓу ДПД Кочани и ДПД Зрновци

На ден 05.05.2026 година, ДПД Кочани официјално потпиша Меморандум за соработка со ДПД Зрновци.

Врз основа на овој меморандум, а по претходно барање од страна на ДПД Зрновци, постигнат е договор за трајно користење на противпожарна опрема, лична заштитна опрема, како и материјално-технички средства наменети за гасење пожари на отворено.

Со ова, ДПД Кочани уште еднаш ја потврдува својата улога во поддршка на заедницата и помагање на новоформираните доброволни противпожарни друштва, како што е ДПД Зрновци.

Искрено се надеваме на понатамошна успешна и заедничка соработка во областа на заштита, превенција и активно справување со пожари.

Формирањето на доброволни противпожарни друштва во руралните средини е за поздравување и треба да продолжи како позитивен тренд и клучен фактор во справувањето со пожарите на отворено.

#ДПДКочани #ДПДЗрновци #Соработка #ПротивпожарнаЗаштита #Доброволци

26/04/2026

Денес ДПД Кочани беше дел од показната вежба „Источен штит“, под мотото „Заедно против огнот“, каде што 7 доброволни противпожарни друштва заедно со територијалните единици од Штип и Радовиш демонстрираа гасење на шумски пожар.

Вежбата се одржа на местото викано Суитлак во Штип, во организација на ТППЕ Штип и ДПД Штип, со поддршка на Општина Штип.

ДПД Кочани учествуваше со 9 членови и 5 возила.

Преку ваквите вежби се зголемува координацијата и искуството на сите вклучени служби, а воедно претставуваат и одличен показател за сегментите каде што треба дополнително да се работи и да се подобрува подготвеноста на терен.

Особено радува зголемениот број на доброволни друштва и доброволни пожарникари во пресрет на претстојната летна сезона, и се надеваме дека овој позитивен тренд ќе продолжи.

Благодарност до организаторите и до сите учесници кои беа дел од оваа вежба.
🚒🔥

19/04/2026

🚒 ДПД Кочани на меѓународната сцена! 🇲🇰

Со големо задоволство споделуваме дека ДПД Кочани зема учество на петтиот меѓународен натпревар „Marcana Fire 2026“, во организација на DVD Općine Marčana.

Во силна конкуренција од 15 екипи, нашата екипа го освои одличното 7. место 👏

Голема благодарност до организаторите за беспрекорната организација и гостопримството!

Ваквите настани не се само натпревари – тие се можност за стекнување нови искуства, размена на знаења и градење пријателства. Токму тие врски и искуства се од огромно значење за афирмација на нашата работа и за унапредување на пожарникарството како професија.

Продолжуваме посветено и гордо да ја претставуваме нашата заедница! 🚒🔥 #🚒

02/04/2026

🔥 Да го зајакнеме ДПД Кочани – заедно против шумските пожари!

Почитувани граѓани,
Соочени сме со сè почести шумски пожари и пожари на отворено кои ја загрозуваат нашата безбедност, природата и иднината на Кочани. За да бидеме поефикасни и побрзи во интервенциите, ни е потребно **ново пикап возило** специјално наменето за гасење пожари.

🚒 Со набавката на ова возило:
- Ќе ги зголемиме нашите капацитети за брза реакција
- Ќе обезбедиме поголема заштита на шумите и земјоделските површини
- Ќе ја зајакнеме безбедноста на целата заедница

👉 Сега имате можност да помогнете – со **електронска донација** преку платформата eCrowd (https://ecrowd.mk/projects/95f0c4ee-094c-425d-ab80-ce07a26a67bc).

Секоја донација, без разлика на износот, е чекор кон посигурна иднина за Кочани.
Да покажеме дека заедно можеме да изградиме посилна и побезбедна заедница!

14/03/2026

🚨Во предвечерието на одбележување една година од трагедијата 16 март, бележиме интервенции на два сериозно структурни пожари.

🚒На 12.03.2026 година како поддршка за ТППЕ Кочани со едно возило(цистерна од пет тона) и тројца наши членови бевме на интервенција по пожар во прочистителна станица во с. Мојанци. Поради сериозноста на пожарот и опасноста што се закануваше уште две наши возила со 7 членови во полна опрема беа подготвени веднаш да тргнат, но за среќа немаше потреба.

🧑🏻‍🚒Вечерва, 14.03.2026 одново по повик од ТППЕ Кочани бевме ангажирани на уште еден сериозен пожар на објект. Истиот беше во село Кучичино каде гореше Цигланата. ДПД Кочани на терен беше со две возила (две цистерни со носивост од по 5 тона) и четворица наши члена.

01/03/2026

🚒 Показна вежба по повод Денот на цивилната заштита 🚒

Денеска, 8 членови на ДПД Кочани со 3 возила учествуваа во показна вежба во организација на Дирекција за заштита и спасување и ДПД Архангел, по повод Денот на цивилната заштита.

Во одлична атмосфера разменивме искуства, ја зајакнавме меѓусебната соработка и ги унапредивме нашите оперативни капацитети.

Искрена благодарност до домаќините за одличната организација и гостопримството.

Вежбата се одржа во село Велушина, во близина на манастирот Св. Георѓи.

🤝 Продолжуваме посветено во служба на граѓаните!

23/02/2026

10/02/2026

👏🏻Честитки до професионалците од ТППЕ Кочани за збогатување на возниот парк.

1️⃣5️⃣По долги 15 години пауза во гаражите на ТППЕ Кочани влезе уште еден камион.

🚒Станува збор за автоцистерна од марката Татра која е донација од Чешка. Истата има импозантни предиспозиции и носи 9 тони вода. Ваков тип на возило е уникат во цела Македонија.🇨🇿

🧑🏻‍🚒На колегите професионалци може да им посакаме да го користат што помалку.🙏🏻

05/02/2026

🚒 Ново возило за ДПД Кочани! 🇲🇰🤝🇩🇪

ДПД Кочани од денес е побогато за уште едно противпожарно возило. Возилото пристигна од Унтершлајсхајм, Германија и претставува целосна донација од нашите колеги од ДПД Унтершлајсхајм, на кои им упатуваме искрена и голема благодарност.

ДПД Кочани во целост ги презеде трошоците за транспорт, како и обврската за плаќање на данок и царински давачки кон државата.

Ова е седмо возило во возниот парк на ДПД Кочани. Станува збор за противпожарно возило марка Mercedes-Benz – автоцистерна со капацитет од 5.000 литри вода и погон на сите четири тркала (4x4), што го прави исклучително соодветно за интервенции при пожари на отворен простор и шумски пожари.

Со ова возило, ДПД Кочани значително ги зголемува своите оперативни капацитети, како и ефикасноста и брзината на интервенција на терен.

Традиционално, новото возило беше свечено пречекано од останатите возила од возниот парк со воден мост.

Сакаме да упатиме благодарност и до нашите сега веќе братски друштва: ДВД Борово од Хрватска, како и ДВД Стапар и ДВД Мраморак од Србија, и до нивните членови, кои имаат огромен придонес во целата оваа организација.

🙏 Благодариме на поддршката, солидарноста и пријателството!
🚒 За побезбедно Кочани!

22/01/2026

📣ДПД Кочани отвори нов поглавје - влезе во државните ресурси за справување со пожари🔥

🗓️Од вчера, 21.01.2026 година 16 членови на ДПД Кочани се дел од Тимот за брз одговор (ТБО) за пожари на отворено кој е дел од Дирекцијата за заштита и спасување (ДЗС).✍🏻

🚒Покрај човечките капацитети, на услуга на ДЗС и воедно државата Македонија се и нашите шест возила.🇲🇰

🤝Ова е уште една потврда за нашата досегашна работа и заложба кој беше препознаена од надлежните и ни беше укажана доверба со овој чин на потпишување на договор.📝

🧑🏻‍🚒Ова за ДПД Кочани претставува уште еден поттик да продолжи да чекори кон дополнителен развој и напредок. Со желба и стремеж капацитетите, како човечки, така и материјално технички се зголемат на што посветено и напорно работиме и многу наскоро ќе бидат споделени новостите🔜

20/01/2026

🙏 Голема благодарност до советниците Влатко Здравков и Мануела Саидова 🙏

ДПД Кочани искрено им се заблагодарува на советниците Влатко Здравков и Мануела Саидова кои несебично го донираа својот советнички паушал во поддршка на нашата мисија.

Овие средства ќе бидат пренаменети на наменска сметка која ќе биде отворена во скоро време, а сите собрани средства ќе бидат искористени за набавка на едно pick-up возило, неопходно за побрзо и поефикасно делување на ДПД Кочани на терен.

📣 Воедно, упатуваме апел до останатите советници да го следат примерот на Здравков и Саидова, но и до сите граѓани и поддржувачи на ДПД Кочани да се вклучат со донација. Само заеднички можеме да ја оствариме оваа важна цел и да придонесеме за побезбедно Кочани.

🤝 ДПД Кочани за граѓаните, граѓаните за ДПД Кочани 🚒