23/04/2026
Почитувани мои сограѓани!
На социјалните мрежи се одвива оркестирана црна кампања исполнета со манипулации и дезинформации со цел да се креира лажна перцепција за последните случувања во Собранието на РМ а е во врска со измената и дополнувањето на Законот за минерални суровини и Законот за концесии и ЈПП.
Вообичаено и во минатото имаше напади со дезинформации насочени кон мене и моето семејство кои ги игнорирав бидејќи верувам дека личните навреди повеќе кажуваат за (не)кавлитетите на личноста која што ги навела отколку за личноста кон која се упатени.
Но оваа ситуација е поразлична. Целта е ширење неоснован страв и паника помеѓу сите вас, граѓаните на Општина Гевгелија.
Сега сакам да Ви ги наведам фактите па сами оценете.
Постои огромна разлика во тоа, да се поддржи “ПОТРЕБА”, за расправа на предлог Закон, од тоа, да се гласа за “ДОНЕСУВАЊЕ ПРЕДЛОГ ЗАКОН”.
Јас лично сметам дека секоја иницијатива во Собранието, без разлика од каде доаѓа, заслужува да биде дебатирана помеѓу народните избраници, а тоа всушност и улогата на демократското уредување и законодавната власт.
Само преку дијалог и дебата може да се донесат правилни и информирани одлуки, а преку истото пошироката јавност ќе цени дали нешто е корисно или не.
Важно е да знаете дека предлог измените и дополнувањата на споменатите закони НЕ СЕ ИЗЛАГАСНИ (во прилог слика каде јасно се гледа дека оваа точка е неразгледана).
Мојот збор и мојот став се јасни, и секогаш се во согласност со волјата на моите сограѓани гевгеличани.
Тоа сум го покажала повеќе пати, на Референдумот, како советник, а сега и како пратеник.
И за крај, стратегијата на опозицијата да шири дезинформации и да креира лажни сценарија за да добие политички поени е истрошен политички маневар, веќе прочитан од граѓаните.
