19/06/2026
Целта е да оставиме проекти по кои што ќе нè паметат граѓаните
Во вчерашното гостување во емисијата „За или против“ на Алфа телевизија разговаравме за тоа што е направено во изминатите две години во Министерството за дигитална трансформација, но и за предизвиците што се пред нас.
Кога го започнавме овој процес, нашата цел беше едноставна – да им го олесниме секојдневието на граѓаните преку побрзи, подостапни и поефикасни јавни услуги. Денес сè почесто слушаме примери од луѓе кои завршуваат административни постапки за неколку минути, наместо да трошат денови во редици и по шалтери. Токму тоа е најголемата потврда дека се движиме во вистинска насока.
Дигиталната трансформација не се гледа во нови згради или инфраструктурни објекти. Таа се гледа во времето што граѓаните го заштедуваат, во поедноставните процедури и во поефикасната работа на институциите.
Горд сум на сработеното досега, но уште повеќе сум мотивиран од тоа што останува да се реализира. Продолжуваме со истата посветеност – да создаваме решенија кои носат конкретна вредност за граѓаните и оставаат траен белег во модернизацијата на државата.
Во коментар е линк до целото интервју 🔴
