Центар за поддршка на згрижувачки семејства- Битола

23/07/2026

Веќе 5 години Центар за поддршка на згрижувачки семејства- Битола расте заедно со згрижувачите и децата згрижени во нивните домови!

Не беше секогаш лесно... Патот на згрижувањето носи секојдневни предизвици. Сепак, низ сиве овие години, успеавме да изградиме цврст систем на поддршка, професионално водство и меѓусебна доверба.
Овој петгодишен јубилеј е доказ за нашата заедничка издржливост и посветеност. Благодарение на неуморната работа на нашиот тим, несебичноста на згрижувачките семејства, нашите партнери и соработници создававме безбедна, топла и поддржувачка средина за секое дете на кое му е потребна љубов и грижа!
И понатаму остануваме посветени на нашата мисија — да бидеме сигурен и посветен партнер и столб на поддршка за секое семејство, унапредувајќи го квалитетот на грижата и градејќи посветла иднина за сите деца!

17/07/2026

Центар за поддршка на згрижувачки семејства- Битола продолжува да го промовира згрижувањето во с. Кравари во соработка со Општинскиот совет за социјална заштита, здруженија на граѓани и институции од Битола даватели на социјални права, услуги и мерки.
Да дадеме поддршка, да подадеме рака и да споделиме искуства, совети, насоки...
Заедно да отвориме срца и да подариме дом на децата кои најмногу ќе се радуваат и на кои им се потребни згрижувачки семејства!
Јавете се на 071 291 453 и 070 372 341!

14/07/2026

Згрижувањето е човечки одговор на локалната заедница и на поединците во неа. Благодарност до градоначалникот на Општина Битола Тони Коњановски.
Тука сме во срцето на Битола за да одговориме на прашањата на сите заинетресирани и да ги запознаеме нашите сограѓани - нашите нови, идни згрижувачи.
Центар за поддршка на згрижувачки семејства- Битола ќе биде покрај нив во секој чекор од овој процес.

10/07/2026

МОБИЛНИ СОЦИЈАЛНИ ПУНКТОВИ!!!
ЗАПОЗНАЈ ГИ ТВОИТЕ СОЦИЈАЛНИ ПРАВА!
Ве покануваме на отворен настан на кој ќе разговараме за социјалните права, нивната достапност и важноста за секој од нас. Да ги зајакнеме поединците и заедно да изградиме посилно и похумано општество.
Центарот за поддршка на згрижувачки семејства ќе стави фокус на згрижувањето, како пример за хуманост, емпатија и посветеност во обезбедувањето топла и безбедна семејна средина за секое дете и лице на кое му е најпотребна.
Локација - Плоштад Магнолија, Битола
Датум - 10.07.2026
Време - од 19:00 часот
Дојдете, информирајте се и дознајте како малите чекори во заедницата, можат да направат големи промени за сите нас!
Ве очекуваме!

05/06/2026

https://www.youtube.com/watch?v=vd2UP2EgGWk
❤️ Да се биде згрижувач значи да се биде поддршка, надеж и потпора во животот на едно дете.

📺 Во прилог споделуваме дел од гостувањето во утринската програма на Алфа ТВ, каде се зборуваше за значењето на згрижувањето и одбележување на Денот на згрижувачите во Прилеп.
📞 Бидете дел од оваа хумана мисија: 071 291 453.

АлфаТвУтринска

02/06/2026

Денот на згрижувачките семејства – 1 Јуни во Прилеп го доживеавме како ден исполнет со топлина, искрени насмевки, заедништво и благодарност.
Од срце им благодариме на соработката и гостопримството на градоначалникот на Општина Прилеп Дејан Проданоски, ЈУ МЦСР Прилеп кои заеднички со нас како Центар за поддршка на згрижувачки семејства- Битола ја реализиравме оваа прекрасна средба со згрижувачките семејства каде згрижувањето е многу повеќе од грижа – тоа е љубов преточена во секојдневни дела.
Благодарни сме што заедно го одбележавме овој значаен ден, но уште повеќе сме благодарни за сè што згрижувачките семејства прават секој ден. За отворената врата кога некому му е потребна сигурност. За топлиот дом кога некому му е потребна припадност.
Почит за големите срца кои создаваат семејство таму каде што е најпотребно. Благодарност за љубовта што не се мери со зборови, туку со прегратки, грижа и надеж.
Некои луѓе оставаат трага со своите зборови. Згрижувачите оставаат трага во нечие детство и во нечиј живот засекогаш.

02/06/2026

По повод 1 Јуни – Денот на згрижувачките семејства, со голема радост реализираме активности за одбележување на овој значаен ден. На настанот со згрижувачките семејства од Битола, заеднички испративме силна порака за важноста на згрижувањето и улогата на згрижувачките семејства во животот на децата.
Упатуваме искрена благодарност до сите згрижувачи за нивната несебична поддршка, посветеност и љубов. Благодарни сме што заеднички го одбележавме овој ден и веруваме дека Денот на згрижувачките семејства не се слави само на 1 Јуни – тој се слави секој ден.
Секој ден е можност да им оддадеме почит на луѓето кои ги отвораат своите срца и домови, обезбедувајќи сигурност, топлина, грижа и чувство на припадност за децата на кои тоа им е најпотребно.
Почит и благодарност за секое згрижувачко семејство кое со својата хуманост, трпение и љубов создава безбедно место за растење, надеж и иднина.
Отвори срце, подари дом!❤️

02/06/2026

Благодарност до Bimilk од Центар за поддршка на згрижувачки семејства- Битола💜❤️💙

22/05/2026

Голема благодарност до Советот за социјална заштита при Општина Битола и сите присутни на вчерашниот едукативно-информативен настан за афирмација на згрижувачките семејства. Настанот е дел од повеќето планирани активности на Центар за поддршка на згрижувачки семејства- Битола за одбележување на 1 Јуни – Денот на згрижувачките семејства.