Агенција за поттикнување на развојот на земјоделството

15/04/2026

📢 Информативно-едукативни средби (06–09 април)

АПРЗ продолжи со теренските активности и реализираше едукативни средби во повеќе рурални средини низ државата.

Присутните земјоделци беа информирани за мерките од програмите за финансиска поддршка, како и за актуелни теми поврзани со земјоделското производство.

Средбите овозможија интеракција, размена на искуства и директна комуникација со советодавните служби.

🔗 Повеќе информации:
https://agencija.gov.mk/info-sredbi-za-period-06-09-april/

12/04/2026

08/04/2026

АПРЗ продолжува со реализација на информативно-едукативни средби низ повеќе региони во државата, како дел од теренските активности.

Во текот на изминатата седмица од страна на директорот м-р Пеце Стојковски и вработените беа опфатени повеќе населени места, каде земјоделците имаа можност да се информираат за мерките од Програмите за финансиска поддршка, како и да дискутираат за актуелни теми поврзани со земјоделското производство.

Средбите се одвиваат интерактивно, со можност за размена на искуства, идеи и практики.

🔗 Повеќе информации на следниот линк:
https://agencija.gov.mk/aprz-prodolzuva-so-info-edukativni-sredbi/

03/04/2026

🟢АПРЗ со активно учество на Саемот за кариера

Вработените во АПРЗ активно учествуваа на Саемот за кариера кој се одржа на Факултетот за информатички и комуникациски технологии, каде што имаа свој промотивен штанд. На настанот тие ги запознаа студентите и посетителите со можностите што ги нуди институцијата, како и со значењето на советодавната поддршка во развојот на современото земјоделство.

Во тој контекст, беше истакнато дека земјоделците сè повеќе треба да се насочуваат кон користење на дигитални технологии и иновативни решенија. Примената на алатки базирани на вештачка интелигенција, паметни системи за наводнување и софтверски решенија може значително да ја зголеми продуктивноста, да ги намали трошоците и да овозможи поефикасно управување со ресурсите.

Дигитализацијата претставува клучен чекор кон модерно и одржливо земјоделство, а улогата на институциите како АПРЗ е да ги поддржат земјоделците во овој процес.

27/03/2026

🌱 АПРЗ успешно реализираше едукативни средби со земјоделци

Во текот на изминатата седмица одржавме информативни средби низ повеќе региони во државата, каде што земјоделците се запознаа со:
✔️ актуелни мерки и програми
✔️ практични совети за производство
✔️ директна поддршка од стручни лица

Размена на искуства, прашања и конкретни насоки за подобри резултати на терен.

Продолжуваме со активности за модерно, одржливо и конкурентно земјоделство.

👉 Погледнете повеќе информации на следниот линк:

https://agencija.gov.mk/uspesno-realizirani-edukativni-sredbi-so-zemjodelci/

24/03/2026

📢 АПРЗ на терен – средби со земјоделци низ целата држава!

Агенцијата за поттикнување на развојот на земјоделството започнува со информативно-едукативни средби во повеќе од 250 населени места.

📅 Период: 22 март – крај на април 2026

На средбите ќе се разговара за:
✔️ Можности за финансиска поддршка
✔️ Програми за рурален развој
✔️ Специјализирани и практични совети за тековната сезона

👉 Проверете кога АПРЗ ќе биде во вашето населено место и преземете го распоредот на средби:

🔗 https://agencija.gov.mk/planirana-poseta-na-poveke-od-250-naseleni-mesta/

22/03/2026

📢 Интервју на директорот на АПРЗ, м-р Пеце Стојковски

Агенцијата за поттикнување на развојот на земјоделството активно се вклучува во кампањата „Гласот што го слушаме – македонско најдобро“, со цел поддршка и унапредување на домашното производство.

Во интервју за Македонската радио телевизија, директорот м-р Пеце Стојковски истакна дека АПРЗ е постојано присутна на терен, обезбедувајќи директна поддршка, едукација и практични решенија за земјоделците.

Посебен акцент беше ставен на предизвиците со кои се соочуваат младите земјоделци, како и на потребата од знаење, иновации и здружување за поголема конкурентност.

👉 Пораката е јасна: земјоделството е можност за развој и сигурна иднина, а АПРЗ останува партнер на земјоделците во создавање квалитетни и препознатливи македонски производи.

🎥 Погледнете го целото интервју во прилог.

12/03/2026

📢 Објавен е Јавен повик бр. 02/2026 за поддршка на земјоделските задруги преку Мерка 131.1 – Економско здружување на земјоделски стопанства.

Целта на мерката е поттикнување на здружувањето на земјоделските стопанства преку формирање и развој на земјоделски задруги, со што ќе се подобри конкурентноста, организацијата на производството и пласманот на земјоделските производи.

📅 Краен рок за доставување на барањата: 10.04.2026 година

🔗 Повеќе информации на следниот линк:

https://agencija.gov.mk/objaven-javen-povik-za-zemjodelski-zadrugi-merka131-1/

20/02/2026

📍Едукативна трибина во с. Грушино за актуелните состојби на пченицата и примена на земјоделските практики

АПРЗ, во соработка со Земјоделскиот институт УКИМ – Скопје, организираше трибина на тема производството и квалитетот на пченицата, како и примена на вкрстена сообразност на ниво на земјоделски стопанства.
Настанот овозможи практични совети и активна дискусија со земјоделците.

👉Повеќе на следниот линк:
https://agencija.gov.mk/edukativna-tribina-grushino-pcenica-dzp/

13/02/2026

10/12/2025

📍АПРЗ вистински пријател на индивидуалните земјоделци и земјоделските стопанства!

Одржан шестиот состанок на Комитетот за следење на ИПАРД

Во рамки на шестиот состанок на Комитетот за следење на ИПАРД програмата беше презентиран конечниот извештај од Ex-post евалуацијата на ИПАРД II за Република С. Македонија. ✅

На состанокот присуствуваше и директорот на Агенцијата за поттикнување на развојот на земјоделството, м-р Пеце Стојковски.

📊 Резултатите од евалуацијата и спроведените анкети јасно покажуваат дека Агенцијата за поттикнување на развојот на земјоделството е клучен и доверлив партнер на земјоделците – дури 71% од испитаниците добиле стручна и административно-техничка поддршка при аплицирање, особено за:
• ✅ Мерка 1 – Инвестиции во основни средства на земјоделски стопанства
• ✅ Мерка 7 – Диверзификација на фарми и развој на бизниси

🌾 Овие податоци уште еднаш потврдуваат дека развојот на земјоделството и руралните средини останува врвен приоритет, а АПРЗ продолжува со АКТИВНА, ПРОФЕСИОНАЛНА и ПОСТОЈАНА поддршка на земјоделците во користење на европските фондови и националните програми.

🤝 За посилно, поконкурентно и одржливо земјоделство.