Biblioteka Linkest

06/07/2026

Fjalë nga zemra...

Çdo ditë luftojmë që Biblioteka Linkëst të mbetet me dyert hapur. Pa mbështetje nga partitë politike. Pa financime institucionale. Pa sponsorë të mëdhenj.
Vetëm me besimin se libri dhe dija nuk duhet të humbin.

Potencojmë se gjatë gjithë këtyre viteve jemi mbajtur në mbi 70% me forcat dhe mjetet tona, gjë për të cilën kemi dëshmi të shumta. Megjithatë, një mision i tillë nuk mund të mbështetet pafundësisht vetëm nga dy individë. Dy njerëz mund të japin gjithçka nga vetja, por kur ata të mos kenë më mundësi ta mbajnë këtë barrë, çfarë do të ndodhë me misionin? Pikërisht për këtë arsye, ky mision ka nevojë për mbështetje, në mënyrë që të vazhdojë, të rritet dhe të vazhdojë të korrë sukseset e saja.

Çdo anëtarësim, sado i vogël të duket, na ndihmon të paguajmë qiranë, shpenzimet e përditshme dhe të vazhdojmë të ruajmë mijëra libra për brezat që do të vijnë.

Nëse Biblioteka Linkëst ka vlerë për ju, nëse besoni se një bibliotekë shqiptare ia vlen të jetojë, ju lutemi bëhuni pjesë e kësaj përpjekjeje.

📖 Anëtarësim 1 Muaj (3€)
https://buy.stripe.com/7sY28ragT4yV2dW8ez87K01

📚 Anëtarësim 6 Muaj (18€)
https://buy.stripe.com/fZu4gzdt5fdz4m42Uf87K02

🏛️ Anëtarësim 1 Vit (36€)
https://buy.stripe.com/4gM00j74H2qN6uc52n87K03

❤️ Nëse nuk mund të bëheni anëtar, por dëshironi të na ndihmoni të vazhdojmë këtë mision, mund ta bëni përmes një kontributi sipas mundësisë suaj.
https://donate.stripe.com/aFa28r88LghD05OamH87K04

Kjo bibliotekë nuk varet nga partitë, institucionet apo sponsorët. Varet nga njerëzit që ende besojnë se libri është pasuria më e madhe e një kombi.

Faleminderit nga zemra! ❤️

01/07/2026

Orhani!

01/07/2026

Princesha mbi bizele!

30/06/2026

Përgatitemi për ekspozitën verore☀️

29/06/2026

29/06/2026

Librat e sezonës verore!

28/06/2026

Dy libra të veçantë iu shtuan sot Bibliotekës Linkest, falë dhuratës së Rinorit nga Kumanova.
Biblioteka jonë ka nevojë për vepra me peshë filozofike dhe shkencore, që pasurojnë mendimin kritik dhe nxisin kureshtjen intelektuale.

Faleminderit shumë, Rinor, për këtë kontribut kaq të çmuar!

28/06/2026

Meleku erdhi të merrte lektyrat verore… por duke qenë se Meleku është super inteligjente, ky libër i shkonte shumë më tepër! 📚✨💖

26/06/2026

Pikturat më të mira do të përzgjidhen për t’u ekspozuar, ndërsa autorët e tyre, piktorët tanë të vegjël, do të vlerësohen dhe shpërblehen për krijimtarinë dhe përkushtimin e treguar.

Duke filluar nga java e ardhshme, do të nisë përzgjedhja e pikturave.

18/06/2026

Të dashur fëmijë dhe të nderuar prindër,

Të gjithë fëmijët që do të angazhohen në leximin e librave gjatë sezonit veror do të shpërblehen për përkushtimin dhe aktivitetin e tyre. Ndërsa fëmijët që nuk do të marrin pjesë në këtë aktivitet nuk do të përfshihen në shpërblime.

Po ashtu, fëmijët që lexojnë do të prezantojnë librat e lexuar në bibliotekë, si me shkrim ashtu edhe me gojë, në prani të prindërve të tyre. Kjo do të shërbejë si një mundësi për të treguar njohuritë e fituara dhe për të zhvilluar aftësitë e komunikimit.

Të nderuar prindër, ju lutemi për mirëkuptim që gjatë shpërblimit të fëmijëve të mos ketë keqkuptime apo pakënaqësi. Nuk është e drejtë dhe as profesionale që të trajtohen njësoj fëmijët që kanë treguar përkushtim në lexim me ata që nuk kanë lexuar asgjë gjatë sezones verore. Shpërblimi do të bazohet në angazhimin, përpjekjen dhe rezultatet e secilit fëmijë.

Ju falënderojmë për bashkëpunimin dhe mbështetjen tuaj në nxitjen e kulturës së leximit tek fëmijët.