10/10/2025
Дали знаете кои се кандидатите за градоначалник на Битола? Од каде доаѓаат и кои партии ги поддржуваат? Големите партии кои изминатите 35 години го ослабуваа нашиот идентитет и суверенитет, кои со самиот влез во НАТО потпишуваат милионски обврски за војни кои не се наши, повторно ги испраќаат своите кандидати.
Ние имаме криза во образованието, масовно иселување на младите, државата на колена, а Општините се на пат да станат современи точки на партиска контрола. Давањето поддршка на кандидати од овие партии е печат за уништување на една нација.
Само ветувања, партиски интереси, вработувања преку протекции, јавни претпријатија во колапс, долг, и неспособни кадри со купени дипломи – тоа е реалноста. Битола се соочува со безнадежност и иселување на младите.
Време е да кажеме:
Стоп за поткуп!
Стоп за корупција!
Стоп за партизација на Општината, фирмите и јавните претпријатија!
Не дозволувајте да ве лажат – вашата пензија, вашите права, вашата иднина не смеат да се порамнуваат со лаги. Покачувањата не се доволни за основните потреби. Време е да се разбудиме од сон кој трае 35 години.
Јас како кандидат за градоначалник на Битола се залагам за храбра, достоинствена и чесна локална власт која ќе ја стави нашата Битола и нашата Македонија на вистинскиот пат.
