Општина Берово и оваа година го организира Маѓународниот Етно Фестивал- Етно Плоштад Фестивал кој се одржува од 26-28 Август во Берово.
Етно фестивалот претставува интегрирана промоција на културното наследство на регионот третирајќи повеќе сегменти од богатата традиција во неколку делови:
Малешевијата на Дланка- Саем на локални традиционални производи
Етно Камп – Музичка работилница во која и
нтернационални изведувачи работат на теми од автентичен фолклор и музичка стилизација
Малешевски Фолклорни Средби- Настапи на фолклорни друштва од Балканот
Цел на организирањето на фестивалот е континуирана промоција на културното наследство на регионот преку создавање на атрактивен културен настан на кој ќе земат учество признати изведувачи од Балканот и пошироко. Етно фестивалот е една од клучните алатки за промоција на Берово како атрактивна дестинација за развој на алтернативниот туризамот.
Оваа година Етно Плоштад Фестивал завзема поголеми димензии. Преку 200 учесници ќе настапат на ова издание на фестивалот, а се најавени учесници од Полска, Романија, неколку ансамбли од Бугарија, Србија и Македонија. Концерти ќе одржат Националниот ансамбл „Танец“ и Етно групата „Љубојна“ од Македонија, како и неколку познати изведувачи на модерни танци од Бразил и Бугарија.
Културното наследство и традицијата е она што му дава специфичен белег на секој регион. Фолклорот е народен производ, специфично културно и духовно наследство, нишка која се пренесува од колено на колено и придонела да го зачуваме нашиот идентитет низ вековите.
Современиот начин на живот се повеќе бара да се потсетиме и да ги зачуваме нашите корени. Нова ревалоризација на фоклорот му даваат дел од современите музички правци кои користат фолклорни елементи во стилизирана форма.
Вистинска магија на настанот дава интернационалниот саем на традиционални производи „Малешевијата на дланка“ кој се одржува во склоп на фестивалот. Шаренилото од бои и богатството на производи ќе ве
заслепи на бројните штандови. Тука може да најдете ракотворби, сувенири и резби изработени на традиционален начин или стилизирани. Може да вкусите и од медот, млечните производи, сокови, оцет или од
тестенините. Се е подготвено по традиционални рецепти, од при-
родни суровини.
