14/06/2026
Uji është pasuri e përbashkët – ta ruajmë sot që ta kemi edhe nesër.
NKP / ЈКП "Ambienti"
Ta ruajmë ujin – ta menaxhojmë me përgjegjësi
Me afrimin e stinës së verës dhe rritjen e konsumit të ujit, apelojmë te të gjithë qytetarët që ta shfrytëzojnë ujin me kujdes dhe përgjegjësi.
Për transparencë ndaj qytetarëve, dëshirojmë të njoftojmë se aktualisht në të gjithë territorin e komunës vetëm 59 familje janë pagues të rregullt të ujit.
Pagesa e rregullt është një kontribut i vogël që na mundëson mirëmbajtjen e rrjetit, sanimin e defekteve dhe përmirësimin e shërbimeve.
Rrjeti i ujësjellësit është i vjetër dhe si NPK Ambienti jemi vazhdimisht në terren duke intervenuar dhe sanuruar defektet.
Para pak ditësh u përballëm edhe me vjedhjen e pompës së ujit në Mojancë. Menjëherë kemi intervenuar për të mos lejuar ndërprerje të furnizimit, ndërsa pompën e re jemi duke e vendosur në ditët në vazhdim, edhe pse vetëm para tre javësh kishim montuar një pompë të re.
Gjatë monitorimit të sistemit kemi vërejtur se rezervuarët mbushen deri në kapacitet të plotë, por uji harxhohet shumë shpejt. Prandaj kërkojmë nga të gjithë që të shmangim çdo keqpërdorim dhe ta përdorim ujin në mënyrë sa më racionale.
Uji është pasuri e përbashkët – ta ruajmë sot që ta kemi edhe nesër.
NPK Ambienti
