07/09/2026
KOMUNA E HARAÇINËS
KËSHILLI I KOMUNËS
THIRRJE PUBLIKE
për pjesëmarrje dhe propozim të anëtarëve të Komitetit Inicues për formimin e Kuvendit Lokal të të Rinjve të Komunës së Haraçinës
Në bazë të Ligjit për Pjesëmarrjen e të Rinjve dhe Politikave Rinore, si dhe në përputhje me aktet e Komunës së Haraçinës, Komuna e Haraçinës shpall këtë:
THIRRJE PUBLIKE
për përzgjedhjen e anëtarëve të Komitetit Inicues, i cili do të ketë për detyrë të ndërmarrë aktivitetet e nevojshme për organizimin dhe mbajtjen e Kuvendit Lokal të të Rinjve të Komunës së Haraçinës.
I. QËLLIMI I THIRRJES
Qëllimi i kësaj thirrjeje është krijimi i një Komiteti Inicues të përkohshëm, i cili do të udhëheqë procesin fillestar të formimit të Kuvendit Lokal të të Rinjve dhe do të mundësojë përfshirjen e të rinjve dhe formave të ndryshme të organizimit rinor në Komunën e Haraçinës.
Komiteti Inicues formohet vetëm për realizimin e Kuvendit Lokal Konstituiv të të Rinjve dhe përfundon mandatin e tij pas mbajtjes së këtij Kuvendi.
II. KUSH MUND TË APLIKOJË
Për anëtarë të Komitetit Inicues mund të aplikojnë ose të propozojnë përfaqësues:
* organizatat rinore;
* organizatat për të rinj;
* forumet rinore të partive politike;
* organizatat e nxënësve dhe studentëve;
* forma të tjera të organizimit dhe bashkimit të të rinjve që veprojnë në territorin e Komunës së Haraçinës.
Organizatat nuk është e nevojshme të jenë të regjistruara në territorin e Komunës së Haraçinës, por duhet të dëshmojnë se zhvillojnë aktivitete në territorin e komunës.
III. KUSHTET PËR ANËTARËT
Kandidati për anëtar të Komitetit Inicues duhet:
1. të jetë banor i Komunës së Haraçinës;
2. të jetë i moshës 15 deri në 29 vjeç;
3. të ketë interes dhe përvojë në aktivitete rinore, komunitare, vullnetare ose shoqërore;
4. të jetë i gatshëm të marrë pjesë aktive në përgatitjen dhe organizimin e Kuvendit Lokal të të Rinjve.
Komiteti Inicues do të përbëhet deri në 5 anëtarë.
IV. DETYRAT E KOMITETIT INICUES
Komiteti Inicues ka për detyrë:
* të përgatisë dhe të shpallë Thirrjen Publike për pjesëmarrje në Kuvendin Lokal të të Rinjve;
* të informojë dhe të inkurajojë organizatat dhe format e organizimit rinor që të marrin pjesë në proces;
* të pranojë dhe shqyrtojë dokumentacionin e aplikuesve për pjesëmarrje në Kuvend;
* të përgatisë listën e pjesëmarrësve/delegatëve që plotësojnë kushtet;
* të organizojë dhe të përgatisë Kuvendin Lokal Konstituiv të të Rinjve;
* të bashkëpunojë me Komunën e Haraçinës dhe zyrtarin përgjegjës për çështjet rinore gjatë gjithë procesit.
V. DOKUMENTACIONI
Aplikuesit duhet të dorëzojnë:
* formularin e aplikimit;
* kopje të dokumentit të identifikimit;
* biografi të shkurtër (CV);
* letër të shkurtër motivimi;
* dëshmi ose përshkrim të aktiviteteve rinore, nëse kanë.
Në rast se kandidati propozohet nga një organizatë, duhet të dorëzohet edhe dëshmia/akti i nominimit nga organizata.
VI. MËNYRA DHE AFATI I APLIKIMIT
Aplikimet mund të dorëzohen në:
Komunën e Haraçinës – Zyra e Administratës / Zyra për Çështje Rinore
Afati për dorëzimin e aplikimeve është 09.09.2026, deri në ora 15:30.
Aplikimet e dorëzuara pas përfundimit të afatit nuk do të merren në shqyrtim.
VII. PËRZGJEDHJA
Përzgjedhja e anëtarëve të Komitetit Inicues do të bëhet në mënyrë transparente, duke marrë parasysh përmbushjen e kushteve, përvojën dhe angazhimin në çështjet rinore.
Lista e anëtarëve të përzgjedhur do të publikohet në kanalet zyrtare të Komunës së Haraçinës.
Pas përzgjedhjes, Komiteti Inicues do të fillojë menjëherë me përgatitjen e procedurës për organizimin e Kuvendit Lokal Konstituiv të të Rinjve të Komunës së Haraçinës.
Për më shumë informacione, të interesuarit mund të kontaktojnë Komunën e Haraçinës.
Komuna e Haraçinës
Këshilli i Komunës
Data: 07.09.2026
