DREN BOENY

02/09/2026

🛑Nanatanteraka fitsidihana sy fidinana ifotony tao amin’ny CISCO Ambatoboeny ny Talem-paritry ny Fanabeazam-pirenena Boeny, ny talata 01 septambra 2026.

▶️Nandritra izany no nihaonany tamin’ireo mpampianatra sy talen-tsekoly ary nanentana ny amin’ny fikojakojana sy fanatsarana ary fambolena voninkazo hahatsara ny toeram-pianarana sy iasana.

▶️Ankoatra izay dia natolotra ofisialy ny efitrano fianarana miisa 02 nohavaozina tao amin’ny CEG Ambatoboeny, izay niantsorohan'ny fikambanana "Fanantenana" rehefa simba noho ny fandalovan'ny rivodoza.

▶️ Ary farany dia nanararaotra nihaona sy niara-nisakafo ary nanolotra fanomezana ho an'ny mpianatra mendrika tamin'ny fanadinana CEPE 2026 ny Talem-paritry ny fanabeazam-pirenena Boeny.

▶️ Ankoatra ny fitaovam-pianarana nomena dia notolorana fanampiana amin'ny saram-pianarana iray volana sy saram-pisoratana anarana ilay mpianatra mendrika ary nahazo fitaovana enti-miasa ihany koa ny sekoly nivoahany.

Communication DREN BOENY/Septambra 2026

01/09/2026

🛑Notanterahina ny alahady 30 aogositra 2026 ny fanomezana fitaovam-pianarana ho an'ireo mpianatra nahazo ny laharana telo voalohany isaky ny kilasy, ny telo voalohany tamin'ny fanadinana CEPE sy ny BEPC ary ny mpianatra mendrika isaky ny sokajy Bakalorea anivon'ny CISCO Marovoay.
▶️Fanomezana avy amin'ny Solombavambahoaka voafidy ao an-toerana izany.
Communication DREN BOENY /Aogositra 2026

30/08/2026

30/08/2026

Cisco Ambatoboeny
Entanina isika Mpanabe rehetra ao AMBATOBOENY mba ho Tonga maro
01 septembre 2026

30/08/2026

28/08/2026

🛑Nisokatra tao amin'ny EPP Ambatoboeny, ny alarobia 26 aogositra 2026 ny atrikasa fanofanana ireo mpampianatra momba ny CRAN Collège (Cours de Remise à Niveau) ho an'ny CISCO Ambatoboeny.

▶️Mikarakara ity atrikasa izay haharitra 5 andro ity ny DENF (Direction de l'Éducation Non Formelle) eo anivon'ny Minisiteran'ny Fanabeazam-pirenena, izay mikendry ny fampidirana, ny famerenana ary ny fihazonana ireo ankizy mitsoaka an-daharana.

▶️ CEG miisa 11 no nisitraka ny fiofanana ka mpampianatra miisa 9 avy izay mitotaly ho 99 ao amin'ny CISCO Ambatoboeny .

▶️Nanokatra ny fiofanana ny Talem-paritry ny Fanabeazam-pirenena Boeny, niaraka tamin'ny Lehiben'ny CISCO Ambatoboeny sy ireo Talen-tsekoly

Communication DREN BOENY/Aogositra 2026

28/08/2026

ASA IOMBONANA HO FANATSARANA SY FANADIOVANA NY TONTOLON’NY SEKOLY
EPP Ambohimandamina
CISCO MAJUNGA I
DREN BOENY

Fanarenana, fanadiovana ary Fanatsarana ny tontolo iainana any antsekoly niarahan’ireo tomponandraikitra eto anivon’ny Minisiteran’ny Fanabeazam-pirenena, tarihin’ny Minisitra RAJAONARISON Sendra Nirina

27/08/2026

🛑Tonga nitsidika ny CEG SEMAMA (Sekoly Mampiaty Mahajanga) ny Talem-paritry ny fanabeazam-pirenena Boeny, ny talata 25 aogositra 2026.

▶️Ity sekoly ity, izay vao notokanana ny talata 11 aogositra 2026, dia natokana hianaran'ireo ankizy manana toe-batana hafakely na manana filana manokana ( sembana ).

▶️Ny Fiangonana loterana eto an-toerana no nanolotra ny tany nanorenana izany ary mitohy amin'ny fanorenana fefy tamboho ny fotodrafitr'asa

Communication DREN BOENY/Aogositra 2026

22/08/2026

🍀 Nosokafan'i Ramatoa talemparitry ny fanabeazam-pirenena BOENY tamin'ny fomba ofisialy ny atrikasa " alphabétisation" tao amin'ny EPP Ambatoboeny/ CISCO AMBATOBOENY

📌Ny mpandray anjara : ireo chef ZAP rehetra ao amin'ny CISCO AMBATOBOENY , ny talentsekoly , ireo solontena avy any amin'ny ministera ary ireo mpanolotsaina predagojika natrehin''ny lehiben'ny Cisco Ambatoboeny

📍Atrikasa hanamafisana ny traikefan'ireo mpanabe sy ireo misehatra manokana amin'ny fampianarana mamaky teny sy manoratra .
Ireo Zaza be taona 11 taona ka hatramin'ny 17 taona tsy mianatra intsony no iezahana haverina hianatra antsekoly

🍀Ny atrikasa " alphabétisation" izay vatsian'ny UNICEF dia manampy tokoa ireo Zaza nitsoaka andaharana . Nanomboka ny alarobia 19 aogositra 2026 ka haharitra 5 andro

Communication DREN BOENY / Aogositra 2026