Voix de Madagascar

05/09/2026

04/09/2026

🔘 𝐋𝐄𝐆𝐎 𝐌𝐏𝐀𝐍𝐀𝐊𝐀𝐍𝐓𝐎: 𝐅𝐎𝐓𝐎𝐀𝐍𝐀 𝐈𝐙𝐀𝐎 𝐇𝐀𝐍𝐄𝐇𝐎𝐀𝐍𝐀 𝐍𝐘 𝐅𝐈𝐑𝐀𝐈𝐒𝐀𝐍𝐊𝐈𝐍𝐀 𝐒𝐘 𝐍𝐘 𝐕𝐎𝐍𝐈𝐍-𝐊𝐀𝐕𝐀 𝐌𝐀𝐇𝐀𝐓𝐑𝐀𝐓𝐑𝐀
𝐋𝐄𝐆𝐎 𝐌𝐏𝐀𝐍𝐀𝐊𝐀𝐍𝐓𝐎: 𝐅𝐎𝐓𝐎𝐀𝐍𝐀 𝐈𝐙𝐀𝐎 𝐇𝐀𝐍𝐄𝐇𝐎𝐀𝐍𝐀 𝐍𝐘 𝐅𝐈𝐑𝐀𝐈𝐒𝐀𝐍𝐊𝐈𝐍𝐀 𝐒𝐘 𝐍𝐘 𝐕𝐎𝐍𝐈𝐍-𝐊𝐀𝐕𝐀 𝐌𝐀𝐇𝐀𝐓𝐑𝐀𝐓𝐑𝐀

✍🏻 𝐴𝑛𝑑𝑟𝑦 𝑅𝑎𝑘𝑜𝑡𝑜𝑛𝑖𝑟𝑎𝑖𝑛𝑦
𝐽𝑜𝑢𝑟𝑛𝑎𝑙𝑖𝑠𝑡𝑒 𝑅𝑒𝑝𝑜𝑟𝑡𝑒𝑟 𝑑'𝑖𝑚𝑎𝑔𝑒
𝐴𝑁𝑇𝐴𝑁𝐴𝑁𝐴𝑅𝐼𝑉𝑂 ,04 𝑆𝑒𝑝𝑡 2026

➡️ Miatrika fotoan-tsarotra ara-pahasalamana i 𝐋𝐄𝐆𝐎, mpanakanto, izay efa andro maromaro no tsy salama. Manoloana izao toe-javatra izao, dia miantehitra amin’ny fanohanana, fampaherezana ary fifanampiana avy amin’ny mpiara-belona aminy izy.
Tsy tokony hojerena ho olana mahakasika olona iray ihany anefa izao sedra mianjady amin’i 𝐋𝐄𝐆𝐎 izao.

➡️Fotoana iray ihany koa izy ity hanehoan’ny fiarahamonina ny tena hasin’ny firaisankina sy ny “vonin-kava mahatratra”, izay anisan’ireo soatoavina lehibe tokony hovelomina hatrany eo amin’ny Malagasy.

🔘 𝐌𝐏𝐀𝐍𝐀𝐊𝐀𝐍𝐓𝐎, 𝐎𝐋𝐎𝐍𝐀 𝐌𝐀𝐍𝐀𝐍𝐀 𝐀𝐍𝐉𝐀𝐑𝐀 𝐋𝐄𝐇𝐈𝐁𝐄 𝐄𝐎 𝐀𝐌𝐈𝐍’𝐍𝐘 𝐅𝐈𝐀𝐑𝐀𝐇𝐀𝐌𝐎𝐍𝐈𝐍𝐀

➡️ Mendrika ny hahazo fanohanana manokana ny mpanakanto satria tsy mpialamboly fotsiny izy ireo. Amin’ny alalan’ny talentany sy ny sanganasany, dia mitondra hafatra, mampifandray olona, mampitsiky, mampieritreritra ary manampy amin’ny fananganana ny kolontsaina sy ny maha-Malagasy.

➡️ Rehefa sendra fahasahiranana ara-pahasalamana na ara-piainana ny mpanakanto iray, dia tokony hahatsiaro ny fiarahamonina fa olona manana fo sy fiainana ihany koa izy, ka mila ny fanohanana sy ny firaisam-pon’ny mpiara-belona aminy.

🔘 𝐀𝐍𝐓𝐒𝐎 𝐀𝐕𝐎 𝐇𝐎 𝐀𝐍’𝐍𝐘 𝐌𝐏𝐀𝐍𝐊𝐀𝐍𝐓𝐎 𝐒𝐘 𝐍𝐘 𝐎𝐋𝐎𝐍-𝐓𝐒𝐎𝐀 𝐑𝐄𝐇𝐄𝐓𝐑𝐀

➡️ Noho izany, antso avo no apetraka amin’ireo mpanakanto namana, mpankafy, fikambanana, olon-tsotra, mpandraharaha ary ireo rehetra manana fo vonona hanampy, mba hifanome tanana amin’i 𝐋𝐄𝐆𝐎 mandritra izao fotoana sarotra lalovany izao.

➡️ Ho an’izay te hanome fanampiana na hahazo vaovao momba ny toe-pahasalamany, dia azo ifandraisana amin’ny vadiny amin’ny:
📞 𝟎𝟑𝟒 𝟓𝟗 𝟏𝟏𝟔 𝟕𝟓

➡️ 𝐋𝐄𝐆𝐎 mila antsika anio. Ny firaisankinantsika no mety ho heriny hiatrehana izao sedra izao.

🥰𝐕𝐎𝐍𝐈𝐍-𝐊𝐀𝐕𝐀 𝐌𝐀𝐇𝐀𝐓𝐑𝐀𝐓𝐑𝐀🙏🏻🙏🏻

04/09/2026

04/09/2026

Mirary Fahasalamana ho any Tale Heritiana

04/09/2026

04/09/2026

🔘 𝐀𝐆𝐎𝐀 𝐇𝐀𝐓𝐑𝐀𝐌𝐈𝐍’𝐍𝐘 𝟐𝟎𝟐𝟖 : 𝐍𝐀𝐍𝐊𝐀𝐓𝐎𝐀𝐕𝐈𝐍'𝐍𝐘 𝐊𝐎𝐍𝐆𝐑𝐄𝐒𝐘 𝐀𝐌𝐄𝐑𝐈𝐊𝐀𝐍𝐀

✍🏻 𝐴𝑛𝑑𝑟𝑦 𝑅𝑎𝑘𝑜𝑡𝑜𝑛𝑖𝑟𝑎𝑖𝑛𝑦
𝐽𝑜𝑢𝑟𝑛𝑎𝑙𝑖𝑠𝑡𝑒 𝑅𝑒𝑝𝑜𝑟𝑡𝑒𝑟 𝑑'𝑖𝑚𝑎𝑔𝑒
𝑊𝐴𝑆𝐻𝐼𝑁𝐺𝑇𝑂𝑁 – 𝐴𝐹𝑅𝐼𝐾𝐴 – 𝑀𝐴𝐷𝐴𝐺𝐴𝑆𝐼𝐾𝐴𝑅𝐴 | 4 𝑆𝐸𝑃𝑇𝐴𝑀𝐵𝑅𝐴 2026

📸 Archive OIT

➡️ Nankatoavin’ny 𝐊𝐨𝐧𝐠𝐫𝐞𝐬𝐲 𝐚𝐦𝐞𝐫𝐢𝐤𝐚𝐧𝐢𝐧𝐚 ny fanitarana indray ny faharetan’ity fifanarahana ara-barotra 𝐀𝐟𝐫𝐢𝐜𝐚𝐧 𝐆𝐫𝐨𝐰𝐭𝐡 𝐚𝐧𝐝 𝐎𝐩𝐩𝐨𝐫𝐭𝐮𝐧𝐢𝐭𝐲 𝐀𝐜𝐭 (𝐀𝐆𝐎𝐀), haharitra hatramin’ny 31 desambra 2028, raha toa ka vita ny sonia ataon’ny Filohan’i Etazonia, Donald Trump.
Taorian’ny nankatoavan’ny Antenimieran-doholona amerikanina ny volana aogositra, dia noraisin’ny Chambre des représentants, ny 1 septambra 2026, tamin’ny 𝟑𝟕𝟎 𝐯𝐚𝐭𝐨 𝐦𝐚𝐧𝐨𝐡𝐚𝐧𝐚 ary 𝟒𝟖 𝐦𝐚𝐧𝐨𝐡𝐢𝐭𝐫𝐚 ny fanitarana. Dingana farany sisa ny sonian’ny filoha amerikanina vao tena manan-kery tanteraka ilay fepetra.

🔘 𝐑𝐎𝐀 𝐓𝐀𝐎𝐍𝐀 𝐅𝐀𝐍𝐀𝐌𝐏𝐈𝐍𝐘 𝐇𝐎 𝐀𝐍’𝐍𝐘 𝐌𝐏𝐀𝐍𝐎𝐍𝐃𝐑𝐀 𝐄𝐍𝐓𝐀𝐍𝐀 𝐀𝐅𝐑𝐈𝐊𝐀𝐍𝐀

➡️ Raha tanteraka ny fampiharana azy, dia hanome roa taona fanampiny ho an’ireo orinasa sy mpandraharaha afrikanina ity fanapahan-kevitra ity. Ny AGOA dia manome fahafahana ho an’ireo firenena afrikanina mahafeno fepetra hanondrana vokatra maro any amin’ny tsenan’i Etazonia amin’ny alalan’ny tombontsoa ara-ketra, ka anisan’izany ny vokatra ara-pambolena, ny lamba sy fitafiana ary ireo entana voahodina.

➡️ Tsy ny fanitarana ny fe-potoana ihany anefa no zava-dehibe. Voatazona ihany koa ireo fepetra manokana mikasika ny indostrian’ny lamba sy fitafiana, anisan’izany ny fahafahana mampiasa lamba avy amin’ny firenena fahatelo. Zava-dehibe izany ho an’ireo firenena afrikanina manana indostria mifantoka amin’ny fanondranana any Etazonia.

🔘 𝐌𝐀𝐃𝐀𝐆𝐀𝐒𝐈𝐊𝐀𝐑𝐀 : 𝐋𝐀𝐅𝐈𝐍𝐘 𝐋𝐄𝐇𝐈𝐁𝐄 𝐇𝐎 𝐀𝐍’𝐍𝐘 𝐋𝐀𝐌𝐁𝐀 𝐒𝐘 𝐍𝐘 𝐋𝐀𝐕𝐀𝐍𝐈𝐋𝐀

➡️ Ho an’i Madagasikara, mety hanome toerana bebe kokoa ho an’ireo mpanondrana entana izany fanitarana izany. Anisan’ireo sehatra afaka misitraka ny fisian’ny tsena amerikanina ny lamba sy fitafiana, ary koa ireo vokatra ara-pambolena sy vokatra fanondrana hafa.
Manome fotoana fanampiny ho an’ireo orinasa eto an-toerana ihany koa izany mba hanamafisana ny famokarana, hanatsarana ny kalitao, hampitomboana ny fahafaha-mamokatra ary hitadiavana tsena vaovao.

➡️ Ho an’ny lavanty, izay anisan’ireo vokatra fanondranana manan-danja ho an’i Madagasikara, ny fitazonana ny fahafahana miditra amin’ny tsena amerikanina dia mety hanampy amin’ny fanamafisana ny rojo ara-barotra sy ny fahatokisan’ireo mpividy sy mpampiasa vola.

🔘𝐅𝐀𝐌𝐏𝐈𝐀𝐍𝐀𝐑𝐀𝐍𝐀 𝐇𝐎 𝐀𝐍’𝐍𝐘 𝐌𝐏𝐀𝐌𝐏𝐈𝐀𝐒𝐀 𝐕𝐎𝐋𝐀 𝐒𝐘 𝐍𝐘 𝐎𝐑𝐈𝐍𝐀𝐒𝐀

➡️ Afaka manomana ny famokarana, ny fampiasam-bola ary ny fifanarahana ara-barotra amin’ny fahatokisana bebe kokoa ireo orinasa afrikanina.
Ho an’ireo sehatra mitaky fampiasam-bola lehibe, indrindra ny indostrian’ny lamba, dia zava-dehibe ny fisian’ny faharetan’ny politika ara-barotra. Na izany aza, roa taona dia mbola fe-potoana fohy raha oharina amin’ny fotoana ilain’ny orinasa iray hananganana ozinina, hampiofanana mpiasa ary hametraka rojo famatsiana maharitra.

🔘𝐌𝐈𝐎𝐌𝐀𝐍𝐀 𝐒𝐀𝐇𝐀𝐃𝐘 𝐇𝐎 𝐀𝐌𝐈𝐍’𝐍𝐘 𝐀𝐎𝐑𝐈𝐀𝐍’𝐍𝐘 𝟐𝟎𝟐𝟖

➡️ Na dia raisina ho vaovao tsara aza ny fanitarana hatramin’ny faran’ny taona 2028, dia tsy tokony ho raisina ho vahaolana maharitra izany. Efa misy ny antso avy amin’ny sehatra ara-toekarena sy ara-barotra mba hanana fahitana lavitr’ezaka kokoa, ahafahan’ireo mpampiasa vola mandray fanapahan-kevitra maharitra.
Ho an’i Madagasikara, fotoana tokony hampiasana izao roa taona fanampiny izao hanamafisana ny famokarana, ny kalitao, ny fifaninanana, ny fanodinana vokatra eto an-toerana ary ny fanitarana ny tsena fanondranana.

➡️ Raha fintinina, ny fanitarana ny 𝐀𝐆𝐎𝐀 hatramin’ny 2028 dia manome rivotra iainana vaovao ho an’ny fanondranana afrikanina. Saingy ho an’i Madagasikara, ny tena fanamby dia tsy ny hahazo tombontsoa amin’ity fanitarana ity ihany, fa ny fampiasana ireo roa taona ireo hanomanana paikady matanjaka kokoa ho an’ny aorian’ny 2028.

03/09/2026

🔘 𝐑𝐍𝟕: 𝐇𝐀𝐌𝐀𝐅𝐈𝐒𝐈𝐍𝐀 𝐍𝐘 𝐅𝐀𝐍𝐃𝐀𝐌𝐈𝐍𝐀𝐍𝐀 𝐍𝐘 𝐅𝐈𝐓𝐀𝐓𝐄𝐑𝐀𝐍𝐀 𝐀𝐎 𝐀𝐌𝐎𝐑𝐎𝐍𝐀𝐊𝐎𝐍𝐀

✍🏻 𝐴𝑛𝑑𝑟𝑦 𝑅𝑎𝑘𝑜𝑡𝑜𝑛𝑖𝑟𝑎𝑖𝑛𝑦
𝐽𝑜𝑢𝑟𝑛𝑎𝑙𝑖𝑠𝑡𝑒 𝑅𝑒𝑝𝑜𝑟𝑡𝑒𝑟 𝑑'𝑖𝑚𝑎𝑔𝑒
𝐴𝑀𝑂𝑅𝑂𝑁𝐴𝐾𝑂𝑁𝐴, 2 𝑆𝐸𝑃𝑇𝐴𝑀𝐵𝑅𝐴 2026
📸 MTM

➡️ Mitohy ny ezaka fanatsarana ny fitaterana an-dalambe eto an-drenivohitra sy ny manodidina. Ho fanomanana ny fandaminana ny fivezivezen’ireo fiara mpitatitra amin’ny 𝐙𝐨𝐭𝐫𝐚 𝐍𝐚𝐬𝐢𝐨𝐧𝐚𝐥𝐲 sy 𝐑𝐞𝐳𝐢𝐨𝐧𝐚𝐥𝐲 𝐑𝐍𝟕, nihaona teny amin’ny 𝐓𝐨𝐛𝐢𝐦-𝐩𝐢𝐚𝐧𝐭𝐬𝐨𝐧𝐚𝐧𝐚 𝐀𝐦𝐨𝐫𝐨𝐧𝐚𝐤𝐨𝐧𝐚, ny Alarobia 2 Septambra 2026, ny 𝐌𝐢𝐧𝐢𝐬𝐢𝐭𝐞𝐫𝐚𝐧’𝐧𝐲 𝐅𝐢𝐭𝐚𝐭𝐞𝐫𝐚𝐧𝐚 𝐬𝐲 𝐧𝐲 𝐅𝐚𝐦𝐚𝐧𝐭𝐚𝐫𝐚𝐧𝐚 𝐧𝐲 𝐓𝐨𝐞𝐭𝐫’𝐚𝐧𝐝𝐫𝐨 (𝐌𝐓𝐌), ny 𝐀𝐠𝐞𝐧𝐜𝐞 𝐝𝐞𝐬 𝐓𝐫𝐚𝐧𝐬𝐩𝐨𝐫𝐭𝐬 𝐓𝐞𝐫𝐫𝐞𝐬𝐭𝐫𝐞𝐬 (𝐀𝐓𝐓) ary ireo tompon’andraikitry ny 𝐤𝐨𝐩𝐞𝐫𝐚𝐭𝐢𝐯𝐚 𝐦𝐩𝐢𝐭𝐚𝐭𝐢𝐭𝐫𝐚.

➡️ Nifantoka tamin’ny fandaminana ara-teknika sy ny fampiasana araka ny tokony ho izy ny tobim-piantsonana ny dinika. Anisan’ny nodinihina tamin’izany ny fizarana sy fampiasana ireo box, ny fametrahana mazava ny toerana fiaingana sy fahatongavan’ny fiara, ary indrindra ny fandrindrana ny fivezivezen’ny fiara sy ny mpandeha ao anatin’ny gara.

🔘 FITATERANA MORA SY MIFANDRAY AMIN’NY FARITRA MANODIDINA

➡️ Tsy ny fandaminana ao anatin’ny tobim-piantsonana ihany no nojerena, fa tafiditra ao anatin’ny paikady ihany koa ny fanamorana ny fifandraisan’ny mpandeha amin’ireo faritra manodidina an’Amoronakona.
Efa naneho ny fahavononany hametraka “𝐍𝐚𝐯𝐞𝐭𝐭𝐞𝐬” ireo mpitatitra, izay hanampy amin’ny fampifandraisana ny tobim-piantsonana amin’ireo toerana manodidina. Etsy ankilany, efa misy ireo Taxi-be amin’ny zotra an-tanàn-dehibe sy ambanivohitra mandalo eny Amoronakona, ka manitatra ny safidy ho an’ny mpandeha.

➡️ Manana anjara toerana lehibe ihany koa ny 𝐓𝐫𝐚𝐢𝐧 𝐔𝐫𝐛𝐚𝐢𝐧, izay mampitohy an’i 𝐒𝐨𝐚𝐫𝐚𝐧𝐨 sy 𝐀𝐦𝐛𝐨𝐡𝐢𝐦𝐚𝐧𝐚𝐦𝐛𝐨𝐥𝐚 ary mandalo eny 𝐀𝐦𝐨𝐫𝐨𝐧𝐚𝐤𝐨𝐧𝐚. Efa nisy ny fanitsiana sy fanatsarana ny ora fiasany, ka antenaina fa hanampy amin’ny fampihenana ny fahasarotan’ny fivezivezena sy ny fitohanan’ny fifamoivoizana.

🔘FANAMAFISANA NY KALITAO SY NY FAHAIZA-MANAON’NY MPITATITRA

➡️ Ao anatin’ny fanatsarana ny kalitaon’ny tolotra ho an’ny mpandeha, dia kasaina ihany koa ny hanatanterahana fiofanana manokana ho an’ireo mpiasa ao anatin’ny koperativa. Tanjona amin’izany ny hanamafisana ny fahaiza-manao, ny fahamatorana eo amin’ny fandraisana mpandeha ary ny kalitaon’ny asa fanompoana.

➡️ Amin’ny ankapobeny, ireo fepetra ireo dia tafiditra ao anatin’ny fanomanana ny fandaminana ny fitaterana amin’ny RN7, ka ny tanjona dia ny hanana Tobim-piantsonana Amoronakona voalamina kokoa, fivezivezena mirindra ary serivisy fitaterana milamina, azo antoka ary manome fahafaham-po ny mpandeha.

03/09/2026

🔘 𝐃𝐈𝐍𝐈𝐊𝐀 𝐍𝐀𝐒𝐈𝐎𝐍𝐀𝐋𝐘: 𝐕𝐎𝐀𝐓𝐄𝐍𝐃𝐑𝐘 𝐈𝐑𝐄𝐎 𝐌𝐏𝐀𝐌𝐏𝐈𝐊𝐀𝐌𝐁𝐀𝐍𝐀 𝐀𝐎 𝐀𝐌𝐈𝐍’𝐍𝐘 𝐊𝐎𝐌𝐈𝐓𝐘 𝐓𝐄𝐊𝐍𝐈𝐊𝐀

✍🏻 𝐴𝑛𝑑𝑟𝑦 𝑅𝑎𝑘𝑜𝑡𝑜𝑛𝑖𝑟𝑎𝑖𝑛𝑦
𝐽𝑜𝑢𝑟𝑛𝑎𝑙𝑖𝑠𝑡𝑒 𝑅𝑒𝑝𝑜𝑟𝑡𝑒𝑟 𝑑'𝑖𝑚𝑎𝑔𝑒
𝐴𝑛𝑡𝑎𝑛𝑎𝑛𝑎𝑟𝑖𝑣𝑜, 3 𝑆𝑒𝑝𝑡𝑎𝑚𝑏𝑟𝑎 2026

➡️ Miditra amin’ny dingana vaovao ny fanomanana ny Dinika Nasionaly, taorian’ny namoahan’ny Governemanta ny Didy laharana faha-29037/2026, izay manendry amin’ny fomba ofisialy ireo mpikambana mandrafitra ny Komity Teknika momba ny Dinika Nasionaly.

➡️ Ahitana ny fahasamihafan’ireo sehatra sy solontena mandrafitra azy. Anisan’izany ny fitondram-panjakana, ireo rafitra ara-pivavahana, ny raiamandreny ara-drazana, ny tanora, ny fiarahamonim-pirenena, ary ireo sehatra,d sosialy sy ara-toekarena.

🔘 𝐈𝐑𝐄𝐎 𝐌𝐏𝐈𝐊𝐀𝐌𝐁𝐀𝐍𝐀 𝐕𝐎𝐀𝐓𝐄𝐍𝐃𝐑𝐘

1. 𝐏𝐫𝐞𝐬𝐢𝐝𝐚𝐧𝐬𝐚 𝐦𝐢𝐬𝐚𝐡𝐚𝐧𝐚 𝐧𝐲 𝐅𝐚𝐧𝐚𝐯𝐚𝐨𝐳𝐚𝐧𝐚 𝐧𝐲 𝐑𝐞𝐩𝐨𝐛𝐥𝐢𝐤𝐚

RANDRIAMIALISON Tsimbazafy Yvon

2. 𝐌𝐢𝐧𝐢𝐬𝐢𝐭𝐞𝐫𝐚𝐧’𝐧𝐲 𝐀𝐭𝐢𝐭𝐚𝐧𝐲 𝐬𝐲 𝐧𝐲 𝐅𝐚𝐧𝐚𝐩𝐚𝐫𝐢𝐚𝐡𝐚𝐦-𝐩𝐚𝐡𝐞𝐟𝐚𝐧𝐚

RAMAROSON Veronirina,

FABIOLA Eléonore, mpikambana mpisolo toerana

3. 𝐌𝐢𝐧𝐢𝐬𝐢𝐭𝐞𝐫𝐚𝐧’𝐧𝐲 𝐓𝐨𝐞𝐤𝐚𝐫𝐞𝐧𝐚 𝐬𝐲 𝐧𝐲 𝐅𝐢𝐭𝐚𝐧𝐭𝐚𝐧𝐚𝐦-𝐛𝐨𝐥𝐚

RAKOTONDRANAIVO Rovamalala Linah

VERONIAINA Mavanasoa Miora, mpikambana mpisolo toerana

4. 𝐌𝐢𝐧𝐢𝐬𝐢𝐭𝐞𝐫𝐚𝐧’𝐧𝐲 𝐅𝐚𝐧𝐚𝐯𝐚𝐨𝐳𝐚𝐧𝐚

RALEVASON Hary Tiana

RANDRIAMISATA Vonimalala Ony, mpikambana mpisolo toerana

5. 𝐅𝐅𝐊𝐌

RANDRIANASOLO José Bertin

6. 𝐟𝐢𝐚𝐧𝐠𝐨𝐧𝐚𝐧𝐚 𝐤𝐫𝐢𝐬𝐭𝐢𝐚𝐧𝐢𝐧𝐚 𝐚𝐫𝐚-𝐝𝐚𝐥𝐚̀𝐧𝐚 𝐭𝐬𝐲 𝐦𝐩𝐢𝐤𝐚𝐦𝐛𝐚𝐧𝐚 𝐚𝐨 𝐚𝐦𝐢𝐧’𝐧𝐲 𝐅𝐅𝐊𝐌

MAILHOL André Christian

RAFANOMEZANTSOA Heritiana, mpikambana mpisolo toerana

7. 𝐯𝐨𝐧𝐝𝐫𝐨𝐦-𝐩𝐢𝐚𝐫𝐚𝐡𝐚𝐦𝐨𝐧𝐢𝐧𝐚 𝐬𝐢𝐥𝐚𝐦𝐨

RAZAFINDRAMANANA Aziza Said

HAMADA CHANFI, mpikambana mpisolo toerana

8. 𝐑𝐚𝐢𝐚𝐦𝐚𝐧𝐝𝐫𝐞𝐧𝐲 𝐚𝐫𝐚-𝐝𝐫𝐚𝐳𝐚𝐧𝐚

RAKOTOMALALA Ny Andriambavy Mamisoa

KASSIMO Arona Besony, Faritanin’Antsiranana

RATSITAKONARIVO Solomon Botovao, Faritanin’i Fianarantsoa

RALAINIRINA Nanjatiana Andréas, Faritanin’i Mahajanga

SIMIMOUEHE Jean Aristide, Faritanin’i Toamasina

ZOENDRENINY Elakovelo Etsiosa, Faritanin’i Toliara

9. 𝐂𝐨𝐥𝐥𝐞𝐜𝐭𝐢𝐟 𝐝𝐞𝐬 𝐦𝐨𝐮𝐯𝐞𝐦𝐞𝐧𝐭𝐬 𝐝𝐞 𝐣𝐞𝐮𝐧𝐞𝐬

RANJEVA Océane, Faritanin’Antananarivo

ZAINARINDRASOA Mampiadana Gilbertini, Faritanin’Antsiranana

ANDRIAMIRADO Daniel, Faritanin’i Fianarantsoa

RAZAFINDRAKOTO Joel, Faritanin’i Mahajanga

RAVONTY Stéphanio, Faritanin’i Toamasina

SOAMANAFIKE Gabin, Faritanin’i Toliara

10. 𝐟𝐢𝐤𝐚𝐦𝐛𝐚𝐧𝐚𝐧𝐚 𝐚𝐯𝐲 𝐚𝐦𝐢𝐧’𝐧𝐲 𝐟𝐢𝐚𝐫𝐚𝐡𝐚𝐦𝐨𝐧𝐢𝐦-𝐩𝐢𝐫𝐞𝐧𝐞𝐧𝐚

RANOARIVONY Anja

RAZAFINJATO Manda, mpikambana mpisolo toerana

11. 𝐇𝐨 𝐚𝐧’𝐧𝐲 𝐬𝐞𝐡𝐚𝐭𝐫𝐚 𝐭𝐬𝐲 𝐦𝐢𝐚𝐧𝐤𝐢𝐧𝐚

LAOU PO Wing Wilfrid

VOLASAY Elina, mpikambana mpisolo toerana

12.𝐟𝐞𝐝𝐞𝐫𝐚𝐬𝐢𝐨𝐧𝐚𝐧’𝐧𝐲 𝐨𝐥𝐨𝐧𝐚 𝐦𝐚𝐧𝐚𝐧𝐚 𝐟𝐚𝐡𝐚𝐬𝐞𝐦𝐛𝐚𝐧𝐚𝐧𝐚

RABENDRAINY Sendraharisoa Lydia

13. 𝐟𝐢𝐤𝐚𝐦𝐛𝐚𝐧𝐚𝐧𝐚 𝐦𝐢𝐬𝐨𝐥𝐨 𝐭𝐞𝐧𝐚 𝐧𝐲 𝐨𝐥𝐨𝐧𝐚 𝐦𝐚𝐧𝐚𝐧𝐚 𝐚𝐥𝐛𝐢𝐧𝐢𝐬𝐦𝐚

SOJA RAMIANDRISOA Fulgence

MAHENY Josvah, mpikambana mpisolo toerana

14. 𝐇𝐨 𝐚𝐧’𝐢𝐫𝐞𝐨 𝐟𝐢𝐤𝐚𝐦𝐛𝐚𝐧𝐚𝐧𝐚 𝐦𝐢𝐚𝐫𝐨 𝐧𝐲 𝐳𝐨𝐧’𝐧𝐲 𝐦𝐩𝐚𝐧𝐣𝐢𝐟𝐚

RAZAFINDRALAMBO Vola Lalaina

RAHASIMBOLA Ndriantsoa, mpikambana mpisolo toerana

15. 𝐎𝐥𝐨𝐧𝐚 𝐯𝐨𝐚𝐟𝐢𝐝𝐢𝐧’𝐧𝐲 𝐅𝐢𝐥𝐨𝐡𝐚𝐧’𝐧𝐲 𝐊𝐨𝐦𝐢𝐭𝐲

RANDRIAMAMPIANINA Mialisoa

Faratiana Manassé ESOAVELOMANDROSO

🔘 Araka ny voalazan’ny didy, dia hifarana amin’ny daty hanombohan’ny Filohan’ny Repoblika voafidy, vokatry ny fizotry ny Fanavaozana, ny fampiasana amin’ny fomba ofisialy ny andraikiny ny fe-potoam-piasan’ireo mpikambana ao amin’ny Komity Teknika.