Minisiteran’ny Fanabeazam-pirenena - Ofisialy

10/10/2025

🛑 Nozaraina ny taratasim-bola mirakitra ny fiantoham-panampiana roa volana fahadimy sy fahenina ireo mpampianatra ENF avy amin'ny ambaratonga fototra ao amin'ny CISCO Manakara, nanomboka ny alakamisy 09 oktobra 2025.

10/10/2025

🛑Nivoaka ny alarobia 08 oktobra 2025 ny taratasim-bola mirakitra ny fiantoham-panampiana an'ireo mpampianatra "ENF" ao amin'ny CISCO Farafangana.

▶️Araka izany dia nisitraka ny fiantoham-panampiana roa volana faha-dimy sy faha-enina ireo mpampianatra kilasy Garabola 16 isa ary roa volana faha-enina kosa ireo mpampianatra 274 isa amin'ny fanabeazana fototra sy mpampianatra miisa 04 eny anivon'ny Kolejy.

09/10/2025

Ny Minisiteran'ny Fanabeazam-pirenena dia mampafantatra fa ny lisitr'ireo mpiadina afaka amin'ny:
▶️"Certificat de Fin de Formation" (CFFP) ho an'ireo mpampianatra kilasy garabola, ambaratonga fototra sy Kolejy (Andiany 2021-2023)

▶️Taratasy fanamarinana ny traikefa ara-pedagojia amin'ny asan'ny mpanolontsaina ara-pedagojia na "Certificat d'Aptitude Pédagogique au fonction de Conseiller Pédagogique" (CAP/EP) ho an'ireo mpampianatra eny amin'ny ambaratonga fototra (Andiany 2021-2024)

dia efa azo jerena eny anivon'ireo Ivon-toeram-pikarohana sy fiofanana ara-pedagojia (CRFRP) miisa 28 eto Madagasikara

09/10/2025

🛑 Nozaraina ny tambin-karama nandritra ny fanadinam-panjakana CEPE sy BEPC ireo nanatanteraka ny asa nifandraika amin'izany ao amin'ny CISCO Andramasina, nanomboka ny alakamisy 09 oktobra 2025.

09/10/2025

✳️✳️ Tanterahina ny herinandron'ny 06 oktobra 2025 manerana ireo faritra miisa 16 ny atrikasa fampahafantarana sy fifanakalozana momba ny tetikasa "EAGER" na ny tetikasa manohana ny fizakan-tenan'ny ankizivavy sy ny vehivavy.

▶️Tanjona ny hanatsarana ny fari-pahaizana sy ny fidiram-bolan'ireo kendren'ny tetikasa.

▶️Vokatry ny fiaraha-miasan'ny Minisiteran'ny ny Fanabeazam-pirenena amin'ny alalan'ny Foibem-pitondrana misahana ny fanamorana tetikasa (UFP) sy ny "Fonds d'Intervention pour le Développement" (FID), vatsian'ny Banky Iraisam-pirenena vola no nahafahana nanatontosa ny tetikasa.

▶️ Ny "Fonds d'Intervention pour le Développement" (FID) no hanatanteraka ny asa ao amin'ny "sous-composante" 1.2 ao anatin'ny tetikasa EAGER izay miompana amin'ny fanaovana ora fanarenana (CRAN) ho an'ireo zatovovavy izay niala an-daharana; ka hisy ny fitsirihana ho an'ireo izay hisitraka an'izany eny anivon'ireo faritra izay misitraka ny tetikasa.

▶️Haharitra efa-taona ity tetikasa ity ary hifanome tanana amin'izany ireo rantsa-mangaikan'ny Minisiteran'ny Fanabeazam-pirenena.

08/10/2025

08/10/2025

🛑Nozaraina ny taratasim-bola mirakitra ny fiantoham-panampiana na "subvention" roa volana faha-enina ireo mpampianatra ENF miisa 396 ao anatin'ny CISCO Arivonimamo, nanomboka ny talata 07 ka hatramin'ny alakamisy 09 oktobra 2025.

08/10/2025

🛑Nozaraina ny taratasim-bola mirakitra ny fiantoham-panampiana na "subvention" roa volana fahaenina ireo mpampianatra ENF miisa 90 (87 EPP ary 3 CEG) ao amin'ny CISCO Soavinandriana, nanomboka ny talata 07 oktobra 2025.

06/10/2025

Nametraka ny fitokisany amin'ny "Général de Division" Fortunat Ruphin Zafisambo ka nanendry azy ho Praiminisitra Lehiben'ny Gouvernemanta, ny Filohan'ny Repoblika Andry RAJOELINA, ny Ministeran'ny Fanabeazampirenena dia miarahaba azy ary vonona hatrany hanatanteraka ny asa omena azy ary mifanandrify amin'ny politikan'ny fampandrosoana eto anivon'ny fanabeazana. Mankasitra ihany koa an'andriamatoa Ntsay Christian tamin'ny asa vita nandritra izay taona maro izay.

05/10/2025

02/10/2025

30/09/2025

✳️✳️Nandray ny toerany amin'ny maha Tale Jeneraly misahana ny sekoly (DGES) eo anivon'ny Minisiteran'ny Fanabeazam-pirenena azy Ramatoa VOLA Manolozato Clémentine ny talata 30 septambra 2025, ho fanohizana ny asa efa natomboka mikasika ny fitantanana ny sekoly.

▶️Notanterahina nandritra ny famindram-pitantanana ihany koa ny fandraisan-dramatoa RANOSY Eliane ny foibem-pitondrana jeneraly eo anivon'ny Ivon-toerana nasionaly misahana ny famokarana ny fitaovam-pianarana sy ny fitaovam-pampianarana, mba ahafahana mampiroborobo hatrany ny fanarenana sy famerenana ny CNAPMAD.

▶️Ny Minisiteran'ny Fanabeazam-pirenena dia manamafy ny finiavana hanome fanabeazana tsara kalitao sy maharitra ho an'ny zaza Malagasy.