Office National pour l'Environnement - Madagascar

27/03/2026

Rappel des obligations du Promoteur conformément au Décret MECIE fixant les règles et procédures de l'Evaluation Environnementale et Sociale pour les projets soumis à l'Etude d'impact Environnemental et Social.

26/03/2026

"𝐸𝑓𝑎 𝑛𝑖𝑎𝑑𝑦 𝑛𝑦 𝑎𝑑𝑦 𝑡𝑠𝑎𝑟𝑎 𝑎ℎ𝑜; 𝑛𝑎ℎ𝑎𝑡𝑎𝑛𝑡𝑒𝑟𝑎𝑘𝑎 𝑛𝑦 𝑓𝑖ℎ𝑎𝑧𝑎𝑘𝑎𝑧𝑎ℎ𝑎𝑘𝑜 𝑎ℎ𝑜; 𝑛𝑖𝑡𝑎ℎ𝑖𝑟𝑦 𝑛𝑦 𝑓𝑖𝑛𝑜𝑎𝑛𝑎 𝑎ℎ𝑜𝐸𝑓𝑎 𝑛𝑖𝑎𝑑𝑦 𝑛𝑦 𝑎𝑑𝑦 𝑡𝑠𝑎𝑟𝑎 𝑎ℎ𝑜; 𝑛𝑎ℎ𝑎𝑡𝑎𝑛𝑡𝑒𝑟𝑎𝑘𝑎 𝑛𝑦 𝑓𝑖ℎ𝑎𝑧𝑎𝑘𝑎𝑧𝑎ℎ𝑎𝑘𝑜 𝑎ℎ𝑜; 𝑛𝑖𝑡𝑎ℎ𝑖𝑟𝑦 𝑛𝑦 𝑓𝑖𝑛𝑜𝑎𝑛𝑎 𝑎ℎ𝑜" (2 Tim 4:7)

Amin'ny alahelo lehibe no ampandrenesanay anareo ny fodiamandrin'i 𝐑𝐀𝐇𝐀𝐑𝐈𝐌𝐀𝐍𝐀𝐍𝐀 𝐄𝐥𝐢𝐬𝐚𝐛𝐞𝐭𝐡, mpiara-miasa teto anivon'ny ONE.

11/03/2026

"𝐼𝑎𝑣𝑒ℎ 𝑛𝑜 𝑚𝑝𝑖𝑎𝑛𝑑𝑟𝑦 𝑎ℎ𝑦 ..." (Sal. 23)

Amin'ny alahelo lehibe no ampandrenesanay anareo ny fodiamandrin'i 𝐑𝐀𝐍𝐉𝐄𝐕𝐀 𝐑𝐀𝐅𝐀𝐑𝐀𝐒𝐎𝐀 𝐌𝐚𝐫𝐭𝐡𝐞, mpiara-miasa teto anivon'ny ONE.

27/12/2025

𝗙𝗮𝗺𝗶𝗻𝗱𝗿𝗮𝗻𝗮 𝗮𝗻𝗱𝗿𝗮𝗶𝗸𝗶𝘁𝗿𝗮 𝘁𝗲𝗼 𝗮𝗺𝗶𝗻’𝗻𝘆 𝗧𝗮𝗹𝗲 𝗝𝗲𝗻𝗲𝗿𝗮𝗹𝘆 𝗢𝗡𝗘

Notanterahina tao amin'ny efi-trano fivoriana « Maison de la Diplomatie verte », Minisiteran'ny Tontolo Iainana sy ny Fandrosoana Lovainjafy - Ampandrianomby, ny Zoma 26 Desambra 2025, ny famindrana andraikitra teo amin'Andriamatoa Général de Brigade RABEMANANTSOA Michel Marie Jocelyn sy Ramatoa RANDRIAMAHEFARILALA Rindra Harizo izay Tale Jeneraly vaovao hitantanana ny ONE.

Nirary fahombiazana ho an'ny Tale Jeneraly vaovao ity voalohany ary nisaotra ireo mpiara-miasa rehetra teto anivon'ny ONE tamin’ny fiaraha-miasa nandritra ny roa taona sy efa-bolana nitantanany ny ONE.

Ny Tale Jeneraly vaovao kosa dia nanome toky fa hanohy sy hanamafy o***a ny asa aman’andraikitra lehibe napetraka aminy. Nanteriny fa ny lalan-tsaina mendrika ho entina hampiroborobo ny o***asa dia ny fanamambarana ny fahaiza-manao sy ny traikefan’ny tsirairay ho tombotsoa ambonin’ny vahoaka sy ny firenena ary ny fiarovana ny Tontolo Iainana izay fanamby iraisan’ny rehetra.

Nofarananan’Andriamatoa Minisitra MANESIMANA Rafanomezantsoa Michaël tamin’ny fisaorana sy fankasitrahana ny mpiara-miasa noho ireo asa sy ezaka nataon’ny rehetra ny fotoana, izay narahan’ny firariantsoa sy tso-drano ho an’ny mpitantana vao notendrena hahavita be amin’ny andraikitra vaovao miandry azy.

24/12/2025

Noho ny fetin’ny faran’ny taona 2025 sy ny taom-baovao 2026, dia manao fialan-tsasatra faobe ny ONE manomboka ny Alarobia 24 desambra 2025 hatramin’ny Alahady 04 janoary 2026.

Hisy hatrany kosa ny fiandrasan-draharaha mandritra ny andro fiasana.

24/12/2025

𝗙𝗮𝗻𝗼𝗹𝗼𝗿𝗮𝗻𝗮 𝗺𝗮𝗿𝗶-𝗯𝗼𝗻𝗶𝗻𝗮𝗵𝗶𝘁𝗿𝗮 𝘀𝘆 𝗳𝗮𝗺𝗼𝗮𝗵𝗮𝗻𝗮 𝗮𝗻𝗱𝗶𝗮𝗻’𝗻𝘆 𝗺𝗽𝗶𝗸𝗮𝗯𝗮𝗿𝘆

Tao anatin’ny fankalazana ny faha-35 taona niorenan’ny ONE no nanatanterahana teto amin’ny foiben’ny ONE ny Talata 23 desambra 2025 ny lanonana fanolorana ireo mari-boninahitra sy fankasitrahana ho an’ny mpiasa 14 nahazo ny medaly volafotsy ary 03 ho an’ny medaly alimo. Ny lanonana dia niarahana tamin’ny tompon’andraikitra avy ao amin’ny Sampan-draharahan’ny Fanaraha-maso ny Asa - Ministeran’ny Asa, ny Fampananan’asa ary ny Raharaham-panjakana.

Notanterahana nandritra izany koa ny famoahana ireo mpikabary andiany « FIFALY » niarahana tamin’ny Fikambanan’ny Mpikabary Malagasy (Fi.MPI.MA). Fiofanana tselatra izay niompana tamin’ny « kabary samihafa ».

23/12/2025

𝗙𝗶𝗳𝗮𝗻𝗮𝗿𝗮𝗵𝗮𝗺-𝗽𝗶𝗮𝗿𝗮𝗵𝗮-𝗺𝗶𝗮𝘀𝗮 𝗲𝗼 𝗮𝗺𝗶𝗻’𝗻𝘆 𝗢𝗡𝗘 𝘀𝘆 𝗻𝘆 𝗘𝗗𝗕𝗠

Notanterahina tao amin’ny foiben’ny “Economic Development Board of Madagascar” (EDBM) ny faha 22 desambra 2025 teo ny lanonana fifanaovan-tsonia ny fifanarahana fiaraha-miasa eo amin’ny Ofisim-Pirenena momba ny Tontolo iainana (ONE) sy ny EDBM.

Ny tanjona lehibe amin’ity fifanaraham-piaraha-miasa ity dia ny hampiharana amin’ny fomba mahomby ny fampidirana ireo fepetra sy fomba fiasa araka ny Didim-panjakana laharana 2025-080 ny 28 janoary 2025 izay mamaritra ireo fitsipika sy ny fomba fiasa ho Fampifanarahana ny Fampiasam-bola amin’ny Tontolo Iainana (MECIE) ao amin’ny Sampan-draharaha Tokan’ny (Guichet Unique) EDBM. Izany no atao dia mba ahafahan’ireo mpampiasa vola misitraka, mahazo ary mihomana mialoha amin’ireo fepetra sy fomba fiasa tokony arahina toy ny :
- fampidirana ara-dalàna ireo fomba fiasa ara-tontolo iainana ao anatin’ny fizotran’ny fampiasam-bola ;
- ny fanamafisana ny fifampifandraisana sy ny fifanakalozana vaovao eo amin’ny rafitra sy ny fizotran’ny agom-baovao eo anivon’ny ONE sy ny EDBM :
- ny fisian’ny solontena avy ao amin’ny ONE ao anatin’ny Sampan-draharaha Tokan’ny EDBM.

Antenaina araka izany ny hahatsara ny tontolon’ny fandraharahana, mba hiantohana ny fiarovana ara-dalàna ny tetikasa sy ny fanarahana ireo fenitra iraisam-pirenena momba ny fahatezan’ny tetikasa, indrindra amin’izao vanim-potoana izay anomezan’ny mpampiasa vola lanja manokana ny fepetra ara-tontolo iainana, ara-tsosialy ary ara-pitantanana izao.

12/12/2025

𝗙𝗜𝗛𝗢𝗙𝗔𝗡𝗔𝗡𝗔 𝗠𝗔𝗛𝗔𝗞𝗔𝗦𝗜𝗞𝗔 𝗡𝗬 𝗔𝗗𝗬 𝗔𝗠𝗜𝗡’𝗡𝗬 𝗞𝗢𝗟𝗜𝗞𝗢𝗟𝗬

Ny 09 desambra 2025 no nankalazaina ny andro iraisam-pirenena iadiana amin’ny kolikoly izay niompana tamin’ny lohahevitra : "𝗠𝗶𝗮𝗿𝗮𝗸𝗮 𝗮𝗺𝗶𝗻’𝗻𝘆 𝘁𝗮𝗻𝗼𝗿𝗮 𝗮𝗺𝗶𝗻’𝗻𝘆 𝗮𝗱𝘆 𝗮𝗺𝗶𝗻’𝗻𝘆 𝗸𝗼𝗹𝗶𝗸𝗼𝗹𝘆 : 𝗵𝗮𝗺𝗼𝗹𝗮𝘃𝗼𝗹𝗮 𝗻𝘆 𝗺𝗮𝗻𝗴𝗮𝗿𝗮𝗵𝗮𝗿𝗮 𝗵𝗼 𝗮𝗻’𝗻𝘆 𝗮𝗺𝗽𝗶𝘁𝘀𝗼".

Ny 10 desambra 2025, dia nisitraka ny fampihofanana amin’ny ady amin’ny kolikoly nataon’ny MEDD/DULC Direction de l’Unité de Lutte contre la Corruption ny mpiasan’ny Ofisim-pirenena momba ny Tontolo Iainana (ONE).

Na dia efa mpandala ny tsy fisian ny kolikoly ao aminy aza ny ONE dia ilaina hatrany ny fifampizarana toa izao hahalalana ny mbola mety lesoka sy ireo hambana vaovao mba hitandremana.

Ho fanatsarana bebe kokoa sy entina hanehoana izany fahavononana sy fandraisana andraikitra amin’ny fiadiana ny kolikoly izany eo anivon ny ONE dia ho apetaka isam-baravarana sy isaky ny pejy ny sora-bavety : "𝗡𝗬 𝗢𝗡𝗘 𝗧𝗦𝗬 𝗠𝗔𝗡𝗔𝗢 𝗞𝗢𝗟𝗜𝗞𝗢𝗟𝗬 𝗡𝗔 𝗔𝗧𝗢 𝗔𝗡𝗔𝗧𝗜𝗡𝗬 𝗡𝗔 𝗔𝗡𝗬 𝗜𝗩𝗘𝗟𝗔𝗡𝗬" ary hisy ihany koa ny rafitra vaovao entina manokana hiadivana izany.

08/12/2025

04/12/2025

𝐅𝐈𝐅𝐀𝐍𝐃𝐑𝐀𝐈𝐒𝐀𝐍𝐀 𝐌𝐀𝐌𝐎𝐊𝐀𝐓𝐑𝐀 𝐅𝐈𝐌.𝐏𝐈.𝐌𝐀 - 𝐎𝐍𝐄.
𝑀𝑎𝑟𝑜 𝑛𝑦 𝑚𝑝𝑖𝑎𝑠𝑎 𝑙𝑖𝑎𝑛𝑎 𝑎𝑚𝑖𝑛’𝑛𝑦 𝑘𝑎𝑏𝑎𝑟𝑦.

Ny Alarobia faha 03 desambra 2025 no natao ny fanokafana tamin’ny fomba ôfisialy ny fanombohana ny fiofanana mahakasika ny Kabary Tselatra teto amin’ny Foibem-pirenena momba ny Tontolo iainana (ONE).

Ity fiofanana ity dia tafiditra ao anatin’ny fifanaraham-piaraha-miasa eo amin’ny Fikambanan’ny Mpikabary Malagasy (FI.MPI.MA) sy ny ONE.

Ny taona 2019 sy 2023, dia efa nisy ihany koa ny fampiofanana nomen’ny ONE ho an’ireo mpikambana ao amin’ny FI.MPI.MA mahakasika ny Didim-panjakana MECIE, ny Fiovan’ny Toetrandro ary ny Serasera.

Nanome voninahitra ny fanokafana ny fiofanana Ramatoa Filoha Maneran-tany ny FI.MP.IMA sy ny Tale Jeneralin’ny ONE.

02/12/2025

Notanterahina ny Sabotsy faha 29 novambra 2025 tao Analamanga Parc, ny fankalazana ny faha 15 taona nijoroan’ny ekipa Basket Ball eo anivon’ny Ministeran’ny Tontolo Iainana sy ny Fandrosoana Lovainjafy (MEDD).

Nisy ny fanasana, tamin’ny karazan-dalao ara-panatanjahatena, ireo ratsa-mangaika rehetra misy eo anivon’ny Ministera, tsy hiara-paly fotsiny ihany fa koa nentina hanamafisana ny firaisan-kina eo amin’ny samy mpiara-miasa. Ny lalao Petanque no nandraisan’ny Foibem-pirenena misahana ny Tontolo Iainana (ONE) anjara mavitrika sy tamim-pahatokisana tanteraka ny fahaiza-manaon’i Rova sy Haingo ary Liva izay nitondra avo ny ONE tamin’ny fahazoana ny fandresena.

Hisaorana ny mpikarakara tamin’ny fahombiazan’ny hetsika. Hisaorana ihany koa Andriamatoa Ministra MANESIMANA Rafanomezantsoa Michaël, tamin’ny fanotronana sy fanolorana ny amboara isankarazany. Natolotry ny ekipan’ny ONE tamin’Andriamatoa Tale Jeneraly moa ny amboara sy mari-pankasitrahana ho haranty ao amin’ny biraony.

10/11/2025

Nanatanteraka fanaraha-maso sy fikolokoloana ary fiarovana amin’ny afo ireo hazo novolena tao amin’ny Fokontany Ambohibemasoandro, kaominina ambanivohitra Ambohitrolomahitsy, distrikan’i Manjakandriana ny Minisiteran’ny Tontolo iainana sy ny Fandrosoana Lovainjafy, izay notarihan’Andriamatoa Ministra MANESIMANA Rafanomezantsoa Michaël, ny Asabotsy 08 novambra teo. Nandray anjara mavitrika tamin’izany ihany koa ny ONE.

Mirefy 20 ha ny velaran-tany nanaovana ny fikolokoloana ireo hazo efa maniry ary nahatratra 95 % ny taham-pahombiazan’ny fambolen-kazo teo antoerana, araka ny tatitra avy amin’ireo teknisianina.