University Ministry Madagascar

15/02/2021

❤

11/02/2021

💎

04/01/2021

Welcome to 2021 the Year Of Preparation!
The Man of God, Pastor Chris at the just Concluded 31st Global Service declared 2021 as the Year of Preparation. He gave 4 areas in which Christians need to prepare themselves;
1. Prepare your heart to serve the Lord
2. Make preparation for the House of the Lord.
3. Prepare with the Gospel. (Eph 6:15)
4. Prepare to meet God.

🥳🥳Tongasoa ato amin`ny taona 2021🥳🥳

❤TAONA NY FIOMANANA❤

Ny lehilahin'Andriamanitra, Pasteur Chris tamin`ny fandaharana tamin`ny 31 Desambra farany teo dia nanambara fa ny taona 2021 dia TAONA NY FIOMANANA.

Teboka 4 no nomeny hahafahan`ny kristianina miomana tsara:

1. Omano ny fonao hanompo ny Tompo
2. Manaova fiomanana ho an'ny Tranon'ny Tompo.
3. Miomàna miaraka amin'ny Filazantsara. (Efesiana 6:15)
4. Miomana hihaona amin'Andriamanitra.

Tahin`i Jesosy daholo!!

18/09/2020

Rhapsody ny Fahamarinana, Zoma 18 Septambra 2020:
-
AZA TSINONTSINOAVINA NY FAHATERENA
HIVAVAKA
-
Ka dia maneke an Andriamanitra
ianareo; ary manohera ny devoly,
dia handositra anareo izy
(Jakoba 4:7).
-
Amin’ny maha Kristianina dia zava-dehibe
ny fahafantaranao ny fomba fitondranao
ny fiainana izay nomen’Andriamanitra anao am-
pahamatorana, ary ahoana ny fomba famaliana
ara-panahy rehefa misy karazan-javatra miseho
manodidina anao. Izay no antony maha zava-dehibe ny vavaka. Rehefa mivavaka isika dia misy zavatra miseho. Tsy niteny antsika mihitsy Izy hivavabava-poana. Na oviana na oviama ianao manana fahaterena hivavaka, aza tsinontsinoavina izany. Izay rehetra manana ny Fanahy Masina dia tokony hanana fahaterena hivavaka indraindray satria Izy Tenany aza dia Fanahin’ny vavaka. Mampianatra antsika mivavaka Izy ary mivavaka amin’ny alalantsika. Misintona ny fontsika hivavaka Izy ary hatramin’ny mametraka ireo teny tenenina anaty vavaka eo am-bavantsika aza. Raha mbola miaina ao anaty fiainana tarihin’ny fanahy ianao dia hanana lalandava fahaterena hivavaka. Raha tsy izany ahoana no hanoheranao ny devoly?
Ny devoly dia tsanganana fanahy. Tsy manohitra azy amin’ny hozatra isika na amin’ny tanjaka ara- batana. Tsy manohitra azy amin’ny zavatry ny tany isika, fa manohitra azy amin’ny finoantsika. Ny Baiboly dia milaza tohero ny devoly dia handositra anareo izy (1 Petera 5:9); tsy manan-tsafidy izy. Mihorohoro
amintsika izy noho ny Anaran’I Jesosy.
Rehefa tonga amin’ny fahatakarana ny halehiben’ny hery nomena anao hifehy an’ireo asan’i satana ianao— na eo amin’ny fiainanao izany, na eo amin’ny fiainan’ireo olona tianao, ny tanànanao na ny firenenao—dia ho tia mivavaka ianao! Aza mijery fotsiny ary mitazana ny devoly mametraka fandrika
manodidina anao. Mivavaha. Ampiasao manohitra azy ny Anaran’i Jesosy. Amin’ny firaisanao amin’Andriamanitra anaty vavaka, haneho zavatra izay ilaina hivavahana aminao ny Fanahy Masina sy ny fomba fivavaka. Hampianatra anao ny fomba handaminana ireo zava-miseho Izy ao anatin’ny tontolon’ny fanahy ary handresy. Haleloia!
-
VAVAKA:
-
Misaotra Ray masina ny amin’ny tombontsoa
mivavaka sy ny fitahiana amin’ny fivavahana amin’ny fiteny tsy fantatra. Izaho dia mamaly ny fitarihana sy ireo bitsika avy amin’ny Fanahy izay manome antsoka fa amin’ny alalan’ny vavaka, ny sitraponao dia voapetraka eto an-tany tahaka ny any an-danitra, ary ny toetranao sy ny maha Ianao Anao dia miseho amin’ny alalako. Amin’ny Anaran’I Jesosy. Amena.

16/09/2020

Rhapsody ny Fahamarinana, Alarobia 16 Septambra 2020 :
-
MISY RAHALAHY SANDOKA
-
Dia noho ny rahalahy sandoka
nampidirina misokosoko, izay niditra
mangingina hisafo ny fahafahantsika, izay
ananantsika ao amin’i Kristy Jesosy, mba
hanandevozany antsika (Galatiana 2:4).
-
Ny Baiboly dia milaza amintsika an’ireo antoko
telo: mpampianatra sandoka, mpaminany
sandoka ary rahalahy sandoka. Izany koa dia maneho antsika mazava ireo karazan-javatra izay ho ataon’izy ireo amin’izao andro farany izao. Tena afaka misy rahalahy sandoka tokoa ve ao am-piangonana? Eny tokoa! Ny rahalahy sandoka dia ireo tonga miaraka amin’ny olon’Andriamanitra tsy noho ny fitiavany an’I Jesosy Kristy fa noho ny antony hafa.
Ny andalana fanokafantsika milaza fa tonga
misokosoko izy ireo hisafo ny fahafahantsika ao amin’I Kristy Jesosy mba hanandevozany antsika. Mampiseho sary sandoka izy ireo mba hahazoany ny fahatokisantsika. Ny Baiboly dia milaza: “Ary amin’ireo fitsiriritany (filan- dratsy, filana tafahoatra) no hanararaotan’izy ireo anareo amin’ny fandresen-dahatra (hafetsena)…” (2 Petera 2:3 dikanteny AMPC). Ny rahalahy sandoka dia mitady foana ny fomba
hakana vola avy amin’ireo rahalahy hafa. Izany hoe,
izy ireo ilay tsy manome ampahafolon-karena mihitsy na fanomezana hafa ao am-piangonana. Ny tanjony
dia ny hanao asa fampidiram-bola amin’ireo rahalahy. Mahavita manao ny zavatra rehetra noho ny vola izy
ireo, tafiditra hatramin’ny famitahany ny Pasiterany, ny mpitarika azy eny na ny fiangonana aza. Izy ireo ilay
isan`ny miresaka ny zava-miseho ao am-piangonana any ivelany na mitantara any amin’ny manan-pahefana na ny mpanao gazety noho ny antony ara-bola. Ny Baiboly dia milaza fa eo anivontsika izy ireo mba hanandevo antsika, amin’ny fanantenana fa hahazo zavatra hiampangana hanohitra antsika.
Mety tsy mora ny mahatsikaritra ireo rahalahy
sandoka noho ny fombany miedinedina. Saingy niteny Jesosy hoe: “Ka dia ny voany no hahafantaranareo
azy” (Matio 7:20). Iray amin’ireo marika famantarana ny rahalahy sandoka dia izy manda ny fahefana. Miezaka mandresy lahatra ny hafa izy ny antony tsy tokony hinoana na hanaovana ny zavatra rehetra izay lazain’ny Pasitera na ny mpitarika ao am-piangonana. Raha maheno anao mitady fitarihana avy amin’i Pasitera izy noho ny antony anao manokana, ohatra, dia haratsiany izany hevitra izany ka mahatonga anao hihevitra hoe ianao no adala. Ny toromarik’Andriamanitra ho antsika mikasika ny
rahalahy sandoka dia isika manamarika sy tsy miombona amin’izy ireny noho ny fisintonany ratsy. Kristianina maro marina no lavo tamin’ny finoany noho izany firaisana maloto izany. Noho izany, ataovy izay lazain’ny Teny: “mba hialanareo amin’ny rahalahy rehetra izay tsy mitoetra tsara ka tsy manaraka ny fampianarana” (2 Tesaloniana 3:6).
-
VAVAKA :
-
Misaotra Tompo fa amin’ny alalan’ny Fanahinao dia
afaka mahatsikaritra ny fanahin’ny fahadisoana aho
ary mihetsika am-pahendrena. Mitarika ahy amin’ny
lalana marina ny Teny ary eo amin’ireo fifandraisako
amin’ny olona koa. Izaho dia voatarika amin’ny
fizotran’ny sitraponao tanteraka sy ny tanjonao ho
an’ny fiainako. Amin’ny Anaran’I Jesosy. Amena.

16/09/2020

Ny 18,19,20 septambra izao, hasaina ireo olona tena mila fanasitranana izay akaiky anao ihany!
Fotoanan'ny JOBILY (fanasitranana mivantana)
https://www.healingstreams.tv/reg/EWCA2
io no rohy ahafahanao manoratra anarana ka handraisana ny fanasitranana mivantana!

15/09/2020

Talata 15 septambra 2020 (fiainana tsara ho anao)
-
IZY DIA MIARAKA AMINAO SY AO ANATINAO
-
Ary Izaho hangataka amin’ny Ray, ary Izy hanome anareo Mpananatra hafa mba ho eo aminareo mandrakizay, dia ny Fanahin’ny fahamarinana, Izay tsy azon’izao tontolo izao horaisina, satria tsy hitany na fantany; fa ianareo no mahafantatra Azy, satria mitoetra eo aminareo Izy, ary ho ao anatinareo (Jaona 14:16-17).
-
Ireo teny mampahery sy mampiakatra fanahy eto ambony ireto dia notenenin’i Jesosy alohan’ny fiakarany. Fantany fa halahelo Azy ireto mpianany, koa dia niteny Izy hoe “Aza taitaitra! Izaho ho any amin’ny Ray, ary hangataka Aminy Aho handefa ho anareo ny Fanahy Masina (mpampahery hafa). Rehefa tonga Izy, dia hitoetra ao anatin’ny fonareo ary tsy mila mitady Ahy intsony ianareo na hahatsapa fahabangana. Raha tokony hoe mandeha eny an-dalana miaraka aminareo Aho dia lasa handeha eny an-dalana avy ao anatinareo Aho”. Voninahitra ho an’Andriamanitra!
Nahatanteraka ny teny fikasany Jesosy ary nalefan’ny Ray ny Fanahy Masina tamin’ny andron’ny Pentekosta. Ny Asan’ny Apostoly 2:1-4 dia manambara: “Ary nony tonga ny Andro Pentekosta, dia teo amin’ny fitoerana iray izy rehetra. Ary nisy feo tonga tampoka avy tany an-danitra, toy ny rivotra mahery mifofofofo, ka nanenika ilay trano niangonany. Ary nisy lela maro mitarehin’afo niseho taminy, izay nizarazara; ary nipetraka tamin’izy rehetra isan-olona izany. Ary samy feno ny Fanahy Masina izy rehetra, ka dia niteny tamin’ny fiteny maro samy hafa, araka ny nampitenenan’ny Fanahy Masina azy….” Izao ianao nateraka indray tsy mila mitady an’i Jesosy intsony; tsy mila mitaraina hoe: “Tompo o, aiza Ianao?”
Ao anatinao Izy izao! Ny dikan’izany, ny fanatrehan’Andriamanitra dia ao am-ponao!
Tsy fantatro ny fijerinao an’Andriamanitra sy ny kristianisma hatramin’izay ka hatramin’izao. Fa fantaro izao, raha nandray ny Fanahy Masina ianao dia manana an’Andriamanitra ao anatinao. Tsy mahagaga i Jaona niteny hoe: “Anaka, hianareo dia avy amin’Andriamanitra ary efa naharesy “ireo fahavalonareo” satria lehibe Izay ao aminareo noho izay ao amain’izao tontolo izao” (1 Jaona 4:4). Haleloia!
Tsy miankina amin’izay mety atrehinao eo amin’ny fiainanao, fa misy zavatra voaboraka vaovao dia ilay famborahana ny fahamasinana ao anatinao! Paoly niantso an’izany hoe ilay zava-miafina izay nafenina tamin’ny taranaka taloha, fa izao kosa nasehon’Andriamanitra ho an’ireo olona masina dia “Kristy ao anatinareo, Izay fanantenana ny voninahitra” (Kolosiana 1:26-27).
Tsy nahafantatra an’izany I Adama. I Abrahama tsy nahafantatra an’izany. Isaka tsy nahafantatra an’izany. Tsy nisy tamin’ireo razana tany aloha nahafantatra io zava-miafina io. Mbola lehibe noho ny hoe “Imanoela” (Andriamanitra eto amintsika) izany; fa ity dia ny Lanitra ao anatinao! Ny fahafenoan’ny maha Andriamanitra dia mitoetra feno ao aminao ary miseho amin’ny alalanao! Deraina mandrakizay anie Andriamanitra!
-
VAVAKA (avereno amin'ny vavanao):
-
Ray Malala, misaotra ny amin’ny haja lehibe sy ny fitahiana amin’ny fananana an’i Kristy velona ato amiko amin’ny alalan’ny Fanahiny. Noho ny fahatsaran’ny fitoerany sy ny fanatrehany mitoetra, izaho dia vonto amin’ny angovo avy any an-danitra sy amin’ny fahendrena “supernaturel” hanao ny sitrapon’Andriamanitra sy hiaina am-pandresena ambonin’ireo fitaovana avy amin’ilay ratsy sy ireo fisintonana ratsy an’izao tontolo izao. Haleloia!

14/09/2020

14 septambra 2020 (mana ho anao androany)
-
MILA NY FONAO IZY
-
Anaka, atolory ahy ny fonao, Ary
aoka ny masonao ho faly mijery ny
lalako (Ohabolana 23:26).
-
Mitovy avokoa ny olona rehetra tsy miankina
amin’izay zava-misy azy. Izany dia milaza
fa ny mahantra sy ny manan-karena ohatra dia mitovy
tanteraka raha tsy efa misy fiovana ao anatin’ny fon’izy
ireo. Raha mahantra sy ratsy fanahy ny olona iray dia
tsy hiova amin’izany izy rehefa lasa manan-karena.
Tamin’izy nahantra, tsy nanana an’ireo zavatra nilaina
izy hanatanterahana ny faharatsiana ao anatin’ny fony.
Koa rehefa lasa manan-karena izy, dia lasa mahavita
manatontosa ny faharatsiana ao anatin’ny fony noho
ireo harenany ireo.
Ny vola dia mampitombo ny toetra. Ny
hahafahan’ny olona fotsiny manatanteraka tsara na
ratsy izay ao anatin’ny fony dia miankina amin’izay
zavatra ananany. Niteny Jesosy hoe: “Koa ataovy tsara
ny hazo mbamin’ny voany, na ataovy ratsy ny hazo
mbamin’ny voany…” (Matio 12:33). Ny dikan’izany
dia ny olona tsy samihafa amin’izay misy ao anatiny.
Koa, inona no ilain’Andriamanitra? Mila fiovana ao
anatin’ny fonao Izy, fiovana avy ao anatiny.
Izay no antony nametrahany ny Fanjakany
voalohany ao anatin’ny fonao. Napetrany voalohany
ao am-ponao ny fitiavana. Ao amin’ny fonao no
tadiaviny hiasana, ary ao anatin’izany no misy ireo fitahiana rehetra. Koa dia avy ao am-ponao no
ahafahan’izy ireny mikoriana ho an’ny hafa. Ianao
nateraka indray, ianao dia manana ny fiainana sy ny
natioran’Andriamanitra ao am-ponao, ary amin’izao
ianao ao amin’I Kristy dia mpanome fiainana ianao.
Ny fiovan’endrika sy ny voninahitra miharihary eo
amin’ny ainao sy ny vatanao dia vokatry ny fiantraikany
sy ny fisintonan’ny fiainana sy ny natioran’Andriamanitra
ao amin’ny fanahinao. Eo amin’ny andalan-kevitsika
milaza Izy hoe: “Anaka, atolory ahy ny fonao….”
Raha tsy mbola nateraka indray mihitsy ianao, izao no
fotoananao; omeo Azy ny fonao. Mandehana amin’ilay
pejin’ny vavaka ho an’ny famonjena ary ataovy ilay
vavaka avy ao am-ponao lalina.
-
VAVAKA:
-
Ray Malala, misaotra ny amin’ny fametrahana
ny Fanjakanao ao am-poko. Amin’ny foko no
hamolavolako sy hahatakarako an’ireo zava-misy ny
Filazantsara sy ny fiainan’ny Fanjakanao. Mivavaka ho
an’ireo tsy voavonjy manerana izao tontolo izao aho,
mba hisokatra ny fon’izy ireo handray ny Filazantsara,
ary ho voavonjy; ary ny herin’Andriamanitra ho
amin’ny famonjena dia hanarona ny fon’izy ireo na
izao aza. Amin’ny Anaran’I Jesosy. Amena.

12/09/2020

Rhapsody ny Fahamarinana, Asabotsy 12 Septambra 2020:
____
MIFANTOHA AMIN’NY FAHATANTERAHAN’NY NOFINY
____
Aza tia izao tontolo izao, na izay zavatra eo amin’izao tontolo izao. Raha misy olona tia izao tontolo izao dia tsy ao anatiny ny fitiavana ny Ray.Fa ny zavatra rehetra eo amin’izao tontolo izao, dia ny filan’ny nofo sy ny filan’ny maso ary ny rehaka momba izao fiainana izao, dia tsy avy amin’ny Ray, fa avy amin’izao tontolo izao ihany (1 Jaona 2:15-16).
____
Tsy misy ahiahiana fa ny fiverenan’ny Tompo
dia tena akaiky noho ny hatramin’izay. Saingy milaza ny Baiboly fa: “…fa tsy ho avy izany, raha tsy efa tonga aloha ny fihemorana, ka hiseho ilay lehilahin’ota, dia ilay zanaky ny fahaverezana” (2 Tesaloniana 2:3). Ny dikanteny “Amplified Classic” dia milaza toy izao hoe: “…fa tsy ho tonga io andro io raha tsy tonga aloha ny fivadiham-pinoana [raha tsy hoe efa miseho ilay fianjerana lehibe voalaza ho an’ireo izay nanambara fa kristianina], ary voaseho ilay lehilahy tsy tan-dalàna (ota) izay zanakin’ny loza (fahaverezana)”.
Ny dikan’izany dia hisy olona izay noheverina fa kristianina fa hihodina amin’ny finoany: olona izay misafidy hamotsotra ny finoany an’i Jesosy. Efa miseho aza izany, ary ny antony lehibe indrindra dia noho ny fiahiana avy amin’izao tontolo izao; ny fitaky ny harena ary ny filana ireo zavatra hafa. Koa inona no jeren’Andriamanitra ary ahoana no tokony handehanana amin’izao andro farany izao? Inona no safidy tokony ataonao?
Ny toro-heviny dia izay vakintsika ao amin’ny andalana fanokafana. Mitoera ao amin’i Kristy! Mifantoha amin’ireo zavatra ao amin’ny Fanjakana fa tsy amin’ireo fahafinaretana mandala avy amin’ity izao tontolo izao ity. Kolosiana 3:1-2 mapiseho izany mahafinaritra tokoa. Izao no lazainy: “Koa raha niara- natsangana tamin’i Kristy ianareo, dia katsaho ny zavatra any ambony, any amin’ny itoeran’i Kristy, Izay mipetraka eo an-tanana ankavanan’Andriamanitra.”
Afantohy amin’ny fanatanterahana ny nofin’Andriamanitra ny tanjakao, amin’ny fanitarana ny fahitany ny Fanjakana sy ny fitoriana an’izao tontolo izao. Lavo ny mitoetra miaraka amin’ireo izay mifikitra amin’ireo zavatr’izao tontolo izao, izay tsy mifantoka afa-tsy amin’ny tombontsoan’ny tenany sy izay maha mety azy. Ireo dia efa voababon’ny fanahin’izao tontolo izao.
Jesosy dia niteny: “Fa inona no soa azon’ny olona, raha mahazo izao tontolo izao aza, kanefa very ny ainy?” (Marka 8:36). Tena zava-dehibe ianao miaina ny fiainana efa voasoritra ao amin’i Kristy, mamaka lalina ary mifahatra ao Aminy. Mijoroa tsara, aza miova, manao ny asan’ny Tompo amin’ny fifaliana. Haleloia!
____
FANEKEM-PINOANA(vavaka tenenina) :
_
Ray Malala, misaotra niantso ahy amin’ny fiantsoana masina, sy nanomezana ahy ilay hery ao anaty ho velona ho anao. Izaho dia mamaka lalina sy mifahatra ao amin’i Kristy; efa nanombo ny nofo miaraka amin’ireo filany aho. Ny firehetako tokana dia ny fanitarana ny Fanjakanao, manely ny fitiavan’i Kristy sy ny famonjeny hatrany am-paran’ny tany. Haleloia!

11/09/2020