DGSF

14/06/2026

12/06/2026

FIFANANKALOZAN-KEVITRA HO FANAMAFISANA NY FAHAFANTARANA SY NY FIFEHEZANA NY LALÀNA MIFEHY NY FANANANTANY
✅Nanantanteraka andiana fotoam-pifanakalozan-kevitra ny teo amin’ny Direction Générale des Services Fonciers (DGSF) sy ireo mpikambana avy amin’ny Filankevitry ny Holafitry ny Mpisolovava , ho fanamafisana ny fahalalana sy ny fampiharana ny lalàna mifehy ny Fananantany eto Madagasikara
✅Tsy fampiofanana tsotra fotsiny ireo fihaonana ireo, fa sehatra iray nahafahana nifampizara traikefa sy fahalalana. Nampifandray ny fomba fijery ireo mpitantana ny Raharaham-tany sy ireo mpisehatra ara-pitsarana, ary nanamafy ny fahazoana ny fampiharana ny lalàna mifehy ny Fananantany eto Madagasikara.
✅ Ny Alakamisy 11 Jona 2026 no nanatanterahana ny fotoam-pifanakalozan-kevitra natokana ho an’ny Direction des Opérations d’Expropriation (DOE), izay nifantoka tamin’ny lohahevitra hoe:
“Fakan’ny Fanjakana ny tanin’olon-tsotra ho tombontsoam-bahoaka (Expropriation pour cause d’utilité publique)”
✅ Talohan’izany dia efa nandray anjara tamin’ity andiana fifanakalozan-kevitra ity ny Direction des Domaines et de la Propriété Foncière (DDPF), ny Direction des Services Topographiques (DST) ary ny Direction des Services Fonciers Décentralisés (DSFD).
✅ Nifarana tamin’ny 11 Jona 2026 ny dingana voalohany amin’ity fiaraha-miasa ity. Mbola hitohy anefa ny fifanakalozana amin’ny andiany manaraka, ho fanamafisana hatrany ny fahalalana sy ny fampiharana ny lalàna mifehy ny Fananantany ary ho fampiroboroboana ny fitantanana mahomby sy manara-dalàna ny Raharahan-tany eto Madagasikara.

12/06/2026

FARITRA ANALAMANGA
ANTANANARIVO AVARADRANO
ODOC AFFECTATION: Fampahafantarana ny fiarovana ny fananana ny tanin’ny Fanjakana
Ao anatin’ny fanatanterahana ny politikam-panjakana momba ny fiarovana ny tany ny Ministeran’ny Fanajariana ny Tany sy ny Raharahan-tany, ka nahazo fotoana manokana nandritra ny fivoriana isam-bolana notanterahin’ny Distrikan’Antananarivo Avaradrano ny Fitaleavana Ankapoben’ny Raharahan-tany (DGSF).
Notanterahina ny 11 jona 2026 ny fampahafantarana sy fanentanana momba ny ODOC AFFECTATION, hetsika iray ho fanamafisana ny fiarovana ara-panjakana sy ara-dalàna ny tanin’ireo Ministera sy ireo sampandraharaham-panjakana isan-karazany.
Tanjona ny:
✅ Hamaritana mazava ny tanin’ireo Misistera;
✅ Hisorohana ny fifanolanana sy ny fibodoana tsy ara-dalàna;
✅ Hanamafisana ny fitantanana mangarahara sy maharitra ny fananam-panjakana;
✅ Hanohanana ny fampandrosoana amin’ny alalan’ny Fananantany voaaro sy voafehy tsara.
Manaporofo indray izao hetsika izao fa miroso hatrany amin’ny fanatanterahana ny politikam-panjakana momba ny Raharahan-tany ny Ministeran’ny Fanajariana ny Tany sy ny Raharahan-tany (MATSF), amin’ny alalan’ny fanamafisana ny fiarovana sy ny fitantanana ny tanin’ny Malagasy.

12/06/2026

FARITRA ANDROY
Fampahafantarana ny ODOC AFFECTATION ho fanamafisana ny fiarovana ny fananana ny tanin’ny Fanjakana
Ny 11 Jona 2026, notanterahina tao Androy ny hetsika fampahafantarana ny ODOC Affectation, hetsika iray ho fanamafisana ny fitantanana sy ny fiarovana ny tanin’ireo sampandraharaham-panjakana.
Nitarika ny lanonana ny Prefet, niaraka tamin’ny fandraisan’anjaran’ny Talen’ny Sampandraharahan’ny Fandrefesan-tany (DST), ny Talem-Paritry ny Fanajariana ny Tany sy ny Raharahan-tany Androy (DRATSF) ary ireo mpiara-miasa.
Ity hetsika ity dia tafiditra ao anatin’ny fanatanterahana ny politikam-panjakana ataon’ny Ministeran’ny Fanajariana ny Tany sy ny Raharahan-tany (MATSF) izay mikendry ny:
✅ Hanamafy ny fiarovana ara-dalàna ny tanin’ireo Ministera sy ireo sampandraharaham-panjakana;
✅ Hisoroka ny fibodoana sy ny fifanolanana ara-tany;
✅ Hanatsara ny fitantanana mangarahara sy maharitra ny fananam-panjakana.

10/06/2026

🇲🇬 FIKAONANDOHAM-PIRENENA MOMBA NY FANAJARIANA NY TANY, NY FANANANTANY, NY TRANO FONENANA sy ny TOERAM-PONENANA.
🏢CCI IVATO
🗓️ 22 sy 23 Jona 2026

09/06/2026

MADAGASCAR, PAYS PILOTE DE L’UNION INTERNATIONALE DES ARCHITECTES : LA DGSF APPUIE LA CREATION DE LA PREMIÈRE ÉCOLE NATIONALE D’ARCHITECTURE

Dans le cadre du partenariat entre le Ministère de l’Aménagement du Territoire et des Services Fonciers - MATSF et l’Ordre des Architectes Malagasy - OAM, la Direction Générale du Service Foncier - DGSF apporte son appui technique pour la sécurisation foncière des sites retenus pour l’implantation de la première École Nationale d’Architecture à Madagascar

Cette avancée intervient alors que Madagascar a été officiellement désigné par l’Union Internationale des Architectes - UIA comme pays pilote pour accueillir et développer le Pôle Africain d’Excellence en Architecture, Urbanisme, Patrimoine, Environnement et Cadre Bâti.

L’École Nationale d’Architecture a pour mission de :
✅Renforcer les compétences nationales dans les métiers du bâti et de la construction
✅Promouvoir une architecture malagasy adaptée aux réalités culturelles, sociales, économiques et environnementales du pays

En garantissant la sécurisation juridique des terrains, la DGSF pose ainsi la première brique d’un projet structurant pour la formation de la jeunesse et l’aménagement durable du territoire national.

06/06/2026

FARITRA ITASY
DISTRIKAN’ ARIVONIMAMO
Fanamafisana ny fahaiza-manao momba ny Lalàna laharana 2022-013 sy ny Fitantanana Ifotony ny Fananan-tany

🛑 Ho fanohizana ny fangatahana voaray nandritra ny Fikaonan-doha-paritry ny Ministeran’ny Fanajariana ny Tany sy ny Raharahan-tany (MATSF) izay notanterahina ny 23 Aprily 2025 tao Arivonimamo, ary ho fanatsarana hatrany ny fomba fiasa eny anivon’ireo Birao Ifotony ny Fananantany (BIF) ao amin’ny Distrikan’Arivonimamo, dia notanterahina ny Zoma 05 Jona 2026 tao amin’ny Efitrano malalakin'ny Kaominina Arivonimamo ny atrikasa fampiofanana sy fifanakalozan-kevitra momba ny fitantanana ifotony ny fananana ny tany.

🛑 Nandritra izany dia nanolotra fanazavana sy fampiofanana ireo teknisianina avy amin’ny Direction Générale des Services Fonciers (DGSF), tamin’ny alalan’ny Sampandraharahan’ny Fananantany Itsinjaram-pahefana, momba ireo fepetra sy fanavaozana entin’ny Lalàna laharana 2022-013, indrindra mahakasika ny :
✅ Ny fomba sy dingana arahina amin’ny fahazoana Karatany (KT);
✅ Ny famahana ireo tranga misy fanoherana (opposition) mandritra ny dingana fangatahana Karatany;
✅ Ary ny fanohanana ara-teknika sy ara-pitantanana omen’ny Sampandraharahan’ny Fananantany Itsinjaram-pahefana ho an’ireo Birao Ifoton’ny Fananantany (BIF) amin’ny fanatanterahana ny andraikiny.

🛑Ankoatra ny fampiofanana dia fotoana iray nahafahan’ireo mpandray anjara nizara ny traikefa sy ny olana sedrainy eny an-kianja ihany koa ny fihaonana, ka nahafahana nifampidinihana sy nitadiavana vahaolana iombonana hanatsarana ny kalitaon’ny tolotra omena ny vahoaka.

🛑Nisongadina nandritra ny fifanakalozana ny maha-zava-dehibe ny fanarahana ireo fepetra napetraky ny lalàna vaovao, mba hampihenana ny disadisa mety hiseho, ary hiarovana ny zo fitompoana ny Fananantany

🛑Nanatrika sy nandray anjara mavitrika tamin’ity atrikasa ity ireo Ben’ny Tanàna, mpikambana ao amin’ny Filankevitra Kaominaly ary ireo mpiasan’ny BIF (Agents Guichets Fonciers), ary Ny Filohan'ny Fitsarana Ambaratonga Voalohany ao Arivonimamo, izay samy manana anjara toerana lehibe amin’ny fampiharana sy fanamafisana ny fitantanana ifotony ny Fananantany.

06/06/2026

FARITRA ALAOTRA MANGORO
Fampiofana sy fizarana traikefa

🛑Tontosa ny Alakamisy 04 jona 2026, ny fampiofanana natao ho an’ireo Ben’ny Tanàna sy ireo mpiara-miasa aminy toy ny mpiasan’ny Birao Ifoton’ny Fananantany (AGF), Mpanolotsaina Kaominaly… tao amin’ny Distrikan’Ambatondrazaka (kaominina 22).

🛑 Notanterahin’ny ekipan’ny Direction Régionale de l’Aménagement du Territoire et des Services Fonciers (DRATSF) Alaotra Mangoro izany hetsika izany, izay nifantoka tamin’ny fanamafisana ny fahaiza-manao sy ny fanatsarana ny fomba fiasa eo amin’ny sehatry ny fitantanana ny tany. Hita taratra nandritra ny fiofanana ny fahavononan’ireo mpandray anjara hiroso amin’ny fanatsarana hatrany ny asany, ka maro tamin’izy ireo no naneho ny faniriany mba hitohy matetika ny tahaka izao fifanakalozana sy fiofanana izao.

🛑 Nifanarahana ihany koa fa hatao isaky ny telo volana ny fivoriana ara-teknika momba ny fanavaozana ny “mise à jour PLOF”, ho fanamafisana ny kalitaon’ny angon-drakitra sy ny fanapahan-kevitra mifandraika amin’izany. Etsy ankilany, afaka manatona mivantana ny sampandraharahan’ny Fandrefesantany ihany koa ireo AGF rehefa tonga eto an-drenivohitry ny Faritra, mba hahazoana fanampiana sy fanazavana ara-teknika amin’ny fotoana rehetra ilaina izany.

🛑 Dingana iray lehibe mankany amin’ny fanatsarana ny fitantanana ny tany sy ny fiaraha-miasa akaiky eo amin’ny mpisehatra rehetra izao hetsika izao.

06/06/2026

FARITRA MENABE – MORONDAVA
FANENTANANA SY FANAZAVANA MOMBA NY ODOC AFFECTATION
🔷 Notanterahina ny Alakamisy 04 Jona 2026 tao amin’ny Efitrano fivoriana ao amin’ny Prefektiora Morondava ny fotoam-pivoriana fanentanana sy fanazavana mikasika ny ODOC Affectation, izay tafiditra ao anatin’ny ezaka fanamafisana ny fitantanana sy ny fiarovana ny tanim-panjakana.
🔷 Nandritra izany no nanasongadinana ny firosoana amin’ny fiarovana ny tanim-panjakana ampiasain’ny Ministera sy ireo Sampandraharaham-panjakana (STD), ary nohazavaina ihany koa ny paikady sy fomba fiasa arahina amin’ny fanatanterahana izany eny anivon’ny faritra.
🔷 Nohamafisina fa ho tanterahina manerana ny Distrika rehetra ao amin’ny Faritra Menabe ity hetsika ity, ho fanamafisana ny fanajariana sy ny fitantanana ara-dalàna ny tanim-panjakana.
🔷 Nomena canevas (taratasy fenoin-kevitra) ireo STD rehetra, ho fitaovana hanangonana sy handrafetana ny angon-drakitra. Rehefa vita izany dia hiroso avy hatrany amin’ny dingana fanatanterahana eny ifotony.
Nitarika ny fivoriana ny Prefean’ny Morondava, raha ny fanazavana ara-teknika kosa dia natolotry ny Talem-paritry ny Fanajariana ny Tany sy ny Raharahan-tany Menabe, niaraka tamin’ireo Ny Lehiben’ny Sampandraharaham-paritry ny Fananantany sy ny Fizakan-tany, Lehiben’ny Sampandraharaham-paritry ny Fandrefesantany, ary Ny lehiben’ny Faripiadidian’ny Fanajariana ny Tany
🔷 Ity hetsika ity dia mifanaraka amin’ny vinan’ny Ministeran’ny Fanajariana ny Tany sy ny raharahan-tany amin’ny fanamafisana ny fitantanana mangarahara, ara-dalàna ary maharitra ny tanim-panjakana.
📌 Dingana iray lehibe mankany amin’ny fanamafisana ny fanjakana tan-dalàna amin’ny fitantanana ny fananantany ao Menabe.

05/06/2026

📣 Ny Ministeran'ny Fanajariana ny tany sy ny Raharahan-tany dia mampahafantatra ny mpanan-draharaha rehetra fa atao peta-dridrina toa izao ny saran'ny fanatanterahana ny ODOC. Izany dia tafiditra amin' ny fanavaozana ny fomba fiasa : "standard de service".

⚠️ Raha mbola misy maka vola ankoatra an'ireo dia afaka manao fitarainana ao amin'ny Direction de la Promotion de l'intégrité et de la Transparence (DPIT) na manatona ny BIANCO.