Ministère de l'Education Nationale de Madagascar

25/05/2026

✳️✳️Nanao fitsidiham-paritra sy fihaonana tamin'ny vahoakan'i Mahajanga, renivohitry ny faritra Boeny, ny Filohan'ny Fanavaozana ny Repoblikan'i Madagasikara, Kolonely RANDRIANIRINA Michaël mivady, ka nanotrona azy tamin'izany ny Minisitry ny Fanabeazam-pirenena, RAJAONARISON Sendra Nirina, ny alatsinainy 25 mey 2026.

▶️ Nandritra izany dia nitafa mivantana tamin'ny vahoakan'i Mahajanga ny Filohan’ny Fanavaozana ny Repoblikan’i Madagasikara, ary nijery ifotony ny fandrosoan’ny asa ao an-toerana.

UCOM MEN/Mey 2026

25/05/2026

✳️✳️Notanterahina tao amin’ny Lisea Ambatofahavalo ny hetsika “GREEN ACTION SCHOOL” na fanamaitsoana ny sekoly, vokatry ny fiaraha-miasa eo amin’ny Minisiteran’ny Fanabeazam-pirenena, ny Minisiteran’ny Tontolo iainana ary ireo mpiara-miombonantoka.
▶️ Nisolo tena an-dRamatoa Minisitry ny Fanabeazam-pirenena RAJAONARISON Sendra Nirina nandritra izany ny Tale misahana ny fampianarana ambaratonga faharoa, Atoa RANDRIANAIVO Aimé Nicolas Emilson.
▶️ Tanjona amin’ny tetikasa ny hanamafisana ny fanabeazana momba ny fiarovana ny tontolo iainana sy ny fanamaitsoana ny sekoly amin’ny alalan’ny fampiharana mivantana ireo lesona any an-dakilasy.
▶️ Isan’ireo hetsika notanterahina ny :
📍fanolorana fitaovana fitantanana fako sy fambolena ;
📍fambolena zanakazo sy zava-maniry samihafa ;
📍fampianarana momba ny fitantanana fako sy ny teknikan’ny fambolena mahomby ho an’ny mpianatra.

Minisiteran'ny Fanabeazam-pirenena Ofisialy
UCOM MEN/Mey 2026
SARY indrana MEDD (Minisiteran’ny Tontolo Iainana sy ny Fandrosoana Lovainjafy)

24/05/2026

23/05/2026

✳️✳️Nahazo ny laharana voalohany tamin’ny fifaninanana teny sy kolontsaina rosianina notanterahina ny sabotsy 23 mey 2026 tao amin’ny IKM Antsahavola ny Lycée Alasora, ao amin’ny CISCO Antananarivo Avaradrano.

▶️ Nody ventiny ny rano nantsakaina ka nahazo loka mitentina 1 000 000 Ariary izy ireo ary nahazo loka avokoa ireo mpandray anjara rehetra.

▶️Ny Minisitry ny Fanabeazam-pirenena, RAJAONARISON Sendra Nirina, no nanokatra tamin’ny fomba ôfisialy ny lanonana, notronin'ny Masoivohon’i Rosia monina sy miasa eto Madagasikara, Alexeï
Buriak, sy ny tomponandraikitra avy ao amin’ny AFRICAN INITIATIVE, izay nikarakara ny fifaninanana.

▶️Marihina fa ireo lisea mampianatra teny rosianina eto Antananarivo no nandray anjara tamin’ny fifaninanana, dia ny Lycée JJ Rabearivelo, Lycée Alasora, Lycée Andohalo ary Lycée Nanisana.

Minisiteran'ny Fanabeazam-pirenena Ofisialy
UCOM MEN | Mey 2026

23/05/2026

✳️✳️Miainga avy amin’ny tsirairay ny fananganana fanjakana tsara tantana, lavitry ny kolikoly.

23/05/2026

✳️✳️Notokanana tamin'ny fomba ôfisialy ny zoma 22 mey 2026 ny efitranon-tsekoly fanampiny miisa 03 miampy dabilio, toeram-pidiovana sy toeram-piavelana ao amin'ny Lisea Anjeva Gare, CISCO Antananarivo Avaradrano.

▶️Tonga nanome voninahitra izany ny Tale Jeneraly misahana ny sekoly VOLA Manolozato Clémentine, solontenan'ny Minisitry ny Fanabeazam-pirenena RAJAONARISON Sendra Nirina, notronin'ny, Lehiben'ny Faritra Analamanga RAHARINIRINA Clémence, sy ireo olom-boatendry sy olom-boafidy ao an-toerana.

▶️ Vokatry ny fiaraha-miasa eo amin'ny Minisiteran'ny Fanabeazam-pirenena, ny faritra Analamanga sy ny mpiara-miombonantoka BGFI-BANK no nahazoana izany.

▶️ Nandritra izany no nanolorana fitaovam-pianarana ho an'ny mpianatra sy boky ho an'ny sekoly.

Minisiteran'ny Fanabeazam-pirenena Ofisialy
UCOM MEN/Mey 2026

22/05/2026

✳️✳️Tombana sy fanamafisana ny fitohizan’ny fanabeazana eny anivon’ireo sekoly voakasiky ny rivo-doza GEZANI, ao anatin’ny CISCO Toamasina I sy II, izay niarahan’ny sampan-draharaha fitantanana ny loza sy ny tandindon-doza, eto anivon’ny Minisiteran’ny Fanabeazam-pirenena (SGRC/MEN), sy ny mpiara-miombon’antoka UNICEF.

UCOM MEN/ May 2026

22/05/2026

‎✳️Nosokafan'ny préfet-n'i Farafangana tao amin'ny efitrano malalaky ny EPP manara-penitra Marofatsy CISCO Farafangana ny zoma 15 may 2026 ny "lancement officiel de l'amélioration de la qualité des apprentissages Fondamentaux à travers la participation communautaire" na ny fanombohana ofisialy ny fanatsarana ny kalitaon'ny fianarana fototra amin'ny alalan'ny fandraisan'anjaran'ny fiaraha-monina".

▶️Tanjona ny hampiakarana ny lentam-pahaizan'ny mpianatra mamaky teny sy manoratra ary mikajy manerana ny Faritra 23 eto Madagasikara, ka anisan’izany ny ao amin'ny faritra Atsimo Atsinanana.

▶️Sekoly miisa 1496 no hisitraka izany.
🔳305 052 mpisitraka ao amin'ny ambaratonga fototra (bénéficiaires indirects).
🔳 191 324 mpianatra T2 ka hatramin'ny T5
🔳6 707 mpampianatra
🔳 4 488 FEFFI

▶️Haharitra 03 taona ny fanatontosana ny asa izay vokatry ny fiaraha-miasan'ny Minisiteran'ny Fanabeazam-pirenena amin'ny alalan'ny foibem-pitondrana misahana ny fanabeazana tsy maintsy diavina (DEO) sy ny mpiara-miombon'antoka UNICEF, Fiantso ary FEFFI.

▶️Nanotrona sy nanome voninahitra izany ny Tale misahana ny fanabeazana tsy maintsy diavina, ny foibem-pitondrana misahana ny fampiofanana mitohy (DDFC), ireo olom-boafidy sy olom-boatendry ary ireo ray aman-drenin'ny mpianatra ao an-toerana.

Minisiteran'ny Fanabeazam-pirenena Ofisialy
UCOM MEN/May 2026

21/05/2026

✳️✳️ Notanterahina tao amin'ny CEG sy ny EPP Nanisana Antananarivo ny lanonana ofisialy mahakasika ny fampiasana ny sekoly nomerika izay niarahana tamin'ny Orange solidarité Madagascar ny alakamisy 21 may 2026.

▶️Nanome voninahitra izany ny Tale Jeneraly misahana ny sekoly eo anivon’ny Minisitera foibe MANOLOZATO Clémentine, solontenan'ny Minisitry ny Fanabeazam-pirenena RAJAONARISON Sendra Nirina.

▶️ Nisy ny fanomezana fitaovam-pianarana ho an’ny mpianatra ary solosaina sy tablety ary "vidéo projecteur" ho an’ny sekoly nandritra ny lanonana.

▶️Ny sekoly nomerika dia hanatsara ny fampianarana sy ny fianarana amin’ny alalan’ny fitaovana maoderina, boky ary lesona nomerika, mba hanampiana ny mpianatra hiomana tsara kokoa amin’ny ho avy.

Minisiteran'ny Fanabeazam-pirenena Ofisialy
UCOM MEN/May 2026

21/05/2026

✳️✳️Notanterahina ny sabotsy 16 may 2026 ny fampivondronana ireo mpampianatra mpanamora (facilitateurs) nisitraka ny fampiofanana "Design For Change", tao amin’ny CISCO Toliara I (DREN Atsimo-Andrefana) sy Manakara (DREN Fitovinany).

▶️Notolorana mari-pankasitrahana ireo sekoly sy mpanamora mendrika indrindra, izay nahitana mpandray anjara miisa 64 ho an’i Toliara I ary 66 kosa tao Manakara.

▶️Nandritra izany no nifampizaran’ireo mpanabe ny traikefa sy ny fomba nampiharana ireo fanofanana , izay mifantoka amin’ny famolavolana ny ankizy sy ny tanora ho olom-banona, sy ho mpitondra fiovana eo anivon’ny fiarahamonina.

▶️Nohamafisina tamin’io fotoana io ihany koa ireo fanofanana izay nomen’ny Foibem-pitondrana misahana ny Fanabeazam-bahoaka ho Olompirenena (DEMC/MEN), niaraka tamin’ny ONG Génération Mada, izay tompon’andraikitra tamin’ny fanatanterahana ny tetikasa.

Minisiteran'ny Fanabeazam-pirenena Ofisialy
UCOM MEN/ May 2026

20/05/2026

✳️✳️ Fanazavana fanampiny mikasika ny "Appel à Manifestation d’Intérêt" (AMI) Chef CISCO.

Minisiteran'ny Fanabeazam-pirenena Ofisialy