مصطلحات سكورية

18/01/2026

بعض الصور المختارة
للثلوج...

18/01/2026

ثلوج والحمد لله
(بُو صْوِيفَة)😍🌨😅

18/12/2025

27/10/2025

متدويش على الألم ونتا ماضرباتكش هادي مع 7 ديال الصباح فجمد دجنبر "وأڭريس فالساڭية"😅👌🏻🥶

20/08/2025

17/08/2025

عجاج كايطيْر لكرناف من النخل
الله يحضر السلامة...

07/08/2025

إلى هرب ليك هادا فالواد والفدادين غير سير وخليه

كايخليك حتى تقرب ليه "وِينْطْعْ"
ماتشدو حتى يشرب ليك لْمَا بدبانو...
🤣🤣😅

06/08/2025

"كلام منطقي وفي محله إن لم تطمئن _فنوض ضرڭ عليا كمَّارتك_"😅

أخطر ملاحضة تايڭول بلسانو (عقل) وتايشير بيديه لقلبو

_ناس الحكمة بالفطرة_

12/07/2025

كاتبدا القصة قبل اذان لمغرب بشوي....
كانعمرو الماء بالدلو من البير ونرشو فم الدار وكاين لي كايرش سطح فوڭ الدار ڭدام لمصرية ومن كثرة الصهض والسخونية تاع الارض بحما السمس احنا كانرشو ديك النڭطة كاتنشف وريحة التراب والماء عاطية.
ونبداو نخرْجو الفراش ولا نطلعوه للسطح وكل واحد يعزل البلاصة اللي بعيدة على سمس الصباح
ونخرجو لڭلال والبَّادَا "لْمْشْتْمِين" او الخناشي لي ملوية فيهم الخضرة.
وكيف ديما العشاء بطبسيل الدواز و المنون،
ويطيح الضلام نمشيو نرڭدو "فالسمرة" ونبداو في حجايات الرعب والجنون 👻
واللي يهبط ولا يدخل يجيب شي حاجة من الدار يرجع كيجري و_يقفقف_ بكثرة الخوف.
ويجي الصباح وأول اللي كايفيقك هو الذبان و تقاقي دجاج ومن بعد كاتجيك السمس وخصك تهز شراوطك وتهبط ولا تدخل باش تكمل النعاس لتحت في السطوان ولا تحت الدروج هذشي بالنسبة للمحضوضين للي مكايحلسوش الحمار ويمشيو مع نبوري يسڭيو لماء من الواد ولا ماكايمشيوش للفدادين يڭرطو الفصة ويلقطو البورشيم وأَقَارُّو .😊

25/05/2025

ما دويش على سعادة الطفولة ونتا ماجربتش تركب في البرويطة و واحد يسوڭ بيك
ونتا كاتڭوليه:

ڭولت ليك جري بيا 🤣
حتى يڭلبك فشي شعبة 😅❤️

22/05/2025

بُو زْنْزْنْ
بُوڭْزْڭْوزْ
🤣🕷😍