طلاب كلية الحقوق والاقتصاد مراكش

19/05/2024

https://www.facebook.com/100064757706676/posts/837192041782712/?app=fbl

تحية للأمن الوطني
وتحية وتقدير واحترام لمثل هذه النماذج التي نفتخر بها ويصح ونفتخر ان نقول عليهن بناتنا واخواتنا
الله ابارك

10/06/2022

13/05/2022

المباراة المعلن عنها تخص فقط droit en français
للتوضيح فقط

24/02/2022

كمل المنشور مغديش تندم
#تحفيز

¤¤ بزاف ديال الطلبة والطالبات غادي احسو بالإحباط والفشل وخصوصا بعدما تم إجتياز بعد المواد أو إعلان عن نقط الدورة العادية بالنسبة لبعض المواد للفصل السادس .
¤¤ وأيضا كاين لغادي إغطي على الفشل ديالو بعدم وجود المنحة ولا جانب المادي لخليه اكمل مسارو الجامعي .
☆☆ إيه متافق معاك اخويا وأختي : الجانب المادي كيلعب دور أساسي فالحياة الجامعية ولكن الى مكانش هاد الجانب المادي واش نضيعو فرصة اننا نكونو حياتنا ونوصلو الهدف لكيتمناه اي واحد وهو افرح ولديه ويكون راضي على راسو .

♡☆ مهم نبداو بأول مسألة وهي بالنسبة ناس لغادي ارجعو ليهم مواد فالرطرباج وقالو بزاف هدشي هاد لفاك صعيبة بزاف وغير مضيعة الوقت .
كنقول ليك اخويا اختي هاد الكلمة بدات هي ديال الفاشلين كلنا دزنا من هاد المسار كاين طالب لما فليدا حتى مادة فالعادية وإستدرك مافات .
ولو إقتضت ضرورة فشلت هاد العام مزال قدامك الطريق " ليس العيب أن تسقط بينما العيب أن تظل ساقط "
وراه مجمل الأساتذة سواء من داخل الكلية وأيضا خارجها راه دازو من نفس الوضعية وأكثر وكاين منهم لشد الإجازة فالنظام القديم على 6 سنوات ومع ذلك كمل حتى وصل هدف ديالو .
☆♡ ندوز نوع الثاني: لكيحاول اربط الفشل ديالو بالجانب المادي وغياب المنحة فعلا كنتافق معاك 100% بلي الجانب المادي ضروري وأنا وإلى حدود كتابة هذه أسطر لا أتوفر على درهم .
ولكن منحولش نغطي الفشل ديالي بيها هو انني راه معنديش فلوس ومكاين لاش نكمل ونرجع "لبلاد " ولا دار وندير تكوين ونريح حدا مي " هدي جملة كيقلوها مجمل الطلبة والطالبات .
♡☆¤ كنقول ليك اخويا وأختي انا الهدف من هاد الحياة الجامعية هو أنك تدي ديك الكرطونة وتكون شخصيتك داخل الكلية حيت كيفما كانت شخصيتك داخل الجامعة هي نفسها لغادي تكون خارج الجامعة وهي درس باش نتعلمو كيفاش نتقاتلو مع الحياة ونعرفو بقيمة الولدين ونعرفو بلي درهم إلى خسك مكاينش لعرفك .
ولكن هي تجربة زوينة أنك تقول مع نفسك اه معندي ريال ومكينش لمدعمني ولكن والله حتى نوصل بشما كان حيت من بعد غادي تبقى غير تعويدا " نتقاتل نتسلف نكافح مهم نعدي بشما عطا الله .
ونصيحة ليك أختي نتي بضبط بحال هاد الظروف لغادي تخليك بنت ناس وكوني أكيدة بلي مني تفداي إغراءات وتبقاي مقاتلة بشما عطا الله غادي تهدي أحسن هدية لولديك وغادي تكوني طول حياتك فخورة بنفسك " من رحم المعنات تولد الرجال والنساء "
مهم خويا وأختي نتوما عارفيني شنو كنعني ليكم وأنا عندي إحساس بلي فهمتو كلامي مزيان برغم من لخبطت الكلام ولكن المضمون فهمتوه .
¤¤ بالنسبة الطلبة والطالبات لتشدو فحالة غش :
☆☆ أولا أتأسف ولكن كنقول ليكم كلنا كنغلطو وممكن نستافدو من أغلاط ديالنا ولكن العيب أننا نغلطو ونبقاو فنفس الغلط.
أولا توصل بينا الوقاحة نكذبو على ولدينا ونبقاو بعاد عليهم ونخرجو طريق بداعي راني مقدراش نخبر دار بلي توقفت من دراسة
كنقول ليك بلعكس وقع الغلط وتندم معاك الحال نحاول نعمر وقتي ندير سطاج ولا نقرا اللغات ولا اي حاجة لتخليني نعمر وقتي حتى تسالي المدة ديال التوقيف ولقتضت الضرورة ومقدرت نواجه الدار نبدا ندخل المحاضرات ونواعد نفسي بلي معمري نطيح فنفس الغلط .
مهم اخويا وأختي هاد المنشور مكتوب بشكل عشوائي وبكل عفوية ولكن عندي إحساس غادي اوصل أعماق القلب كل واحد فيكم
والهدف منو هو تحفيز قدر الكافي من الطلبة والطالبات من أجل رسم مسار صحيح وتعويض مافات والله إوفقنا جميعا يارب .