04/06/2026
المنخرطين فيقو معانا ايلا فيكم شي راجل
لفرقة ايلا ماجابتش هاد العام مشاركة فالعصبة را كاتعني رسميا فشل "مشروع المستثمر المؤسساتي" حيت دوك les tranches ديال Augmentation de capital غايساليو فلعام الثالث يعني 2027
يعني ف 2027 غانلقاو راسنا بعنا 60 في المائة من أسهم لفرقة بلا تا شي رباح رياضي لي غايزيد من la valeur دلفرقة
+ غنهبطو فClassement د لكاف و مُستبعد تشوف راسك في النسخة الجاية من كأس العالم الأندية….
خليتو ادارة ناعسة فzone de confort و "كل الدعم" بمدير رياضي صنم و مدير تكوين كيعرفوه غير والديه …. و حتى مستقبل لفرقة flou واش ماعمركم طليتو على داك التكوين لي كيعياو ما يهضرو عليه فكل interview
سير ا خويا المنخرط سول اي لعاب ديال U23 غاتلقاه حاقد على كولشي ، و سير طل على نتائج U21 و لا تفرج فيهم فلاكاديمي لي ولينا كانخسرو الديربيات وسط منها … بلا مانهضر على واحد 6-1 ضد ليسبوار د بركان… شتي غير فسنوات الازمة فلفرقة هادشي مكانش تيدوز عادي
جيرانك شي ففينال العصبة و شي خدام على التسويق و الماركوتينغ و الراجا واحلة غير تجمع equipe digital مقادة ، و سبونسورات ديال 150 مليون و المنخرطين في عالم موازي مضاربين على وراق VIP فابور ، buffet بعشرين مليون و parking د الطوموبيلات
عندك masse salariale واصلة لربعة دلمليار و كانشوفو هاد العبث فالتيران… الماص بوالو و بقل من النص د الامكانيات لي عندكم مخرجة saison حسن منكم هاد الساعة
+ بنادم مامسوقش و مدايرش بحساب la concurrence حيت ماشي رجاوي اصلا … اما الواقع كيقول عندك risque كبير ديال المنافسين يبيعو اسهم ديالهم و يضربو عليك الدورة ديك الساعة نقراو لفاتحة على الراجا تا هي
