DP Gemeng Stengefort

Page d'Accueil
Luxembourg
Steinfort
DP Gemeng Stengefort

Offiziellen Account vun der DP Stengefort 💙 Emmer en oppent Ouer fir eis Matbierger*innen.

07/06/2026

Haut waren mir eis als Sektioun och nees um DP - Demokratesch Partei Kongress vertrueden. Dëst Joer ass eisen Tresorier de Pit Bichel och direkt an den Comité directeur gewielt ginn. 🎉

Eis Stengeforter Sektioun ass dementspriechend am héchste Gremium vun der Partei vertrueden 💪💙

04/06/2026

Haut ass e grousse Moment fir eis als DP Stengefort. Eise laangjärege Conseiller Daniel Frieden huet säi Mandat am Gemengerot ofginn. Haut gouf dann och direkt d’Mireille Doemer als nei Conseillère vereedegt.

Mir wëllen dëse Moment notze fir dem Dan ganz grousse Merci ze soen. Säit 1999 hues du däi Mandat als Conseiller an éischte Schäffe mat Integritéit a voller Iwwerzeegung erfëllt. Du hues Stengefort iwwer Joren aktiv mat gepräägt a mat denger wäertvoller Aarbecht dozou bäigedroe, dass eis Gemeng ginn ass, wat se elo ass. Du hues net gezéckt och onbequeem Froen ze stellen an has ëmmer den Interet vun den Awunner vun der Gemeng am Kapp. Du waars a bass eng Beräicherung fir dës Gemeng a mir wënschen dir fir deng zukünfteg Projeten alles Guddes. Nach emol aus dem déifsten Häerz e ganz grousse Merci!

Mir wënschen dann och direkt dem Mireille vill Erfolleg a Freed a senger neier Funktioun als Conseillère.

Zënter 2002 bass du an eiser Gemeng doheem. Als Mamm vun zwee Jongen hues du dech ëmmer erëm fir d’Liewen an der Gemeng engagéiert, waars Presidentin vun der Jugendkommissioun vum Fussball a bass haut en aktive Member vum Comité vum Rido 85.

Mat dengem Engagement wäerts du eng plus-value fir d’Gemeng sinn a mir wëssen, dass du dech mat voller Bereetschaft aktiv fir liberal Wäerter an d’Bierger vun der schéinster Gemeng aus dem Landwäerts asetzen.

Mir wënschen dir vill Erfolleg, gutt Decisiounen an eng glécklech Hand bei dengem Asaz fir eis Gemeng.

©️Commune de Steinfort

22/05/2026

Léif Matbiergerinnen a Matbierger,

E Mëttwoch ass am Luxemburger Wort en Interview mat der Chrëschtlech Sozial Vollekspartei Stengefort zum Schoul Referendum publizéiert ginn. Mir wollten nach emol ausdrécklech eis Stellung ausdrécken.

Mir als DP Stengefort si ganz kloer fir eng Zentral Schoul, allerdéngs net um Site „a Backent“. Mir hu ganz kloer de Gesamtprojet vun der CSV fir „a Backent“ net ënnerstëtzt dee wäit méi wéi nëmmen eng Schoul virgesinn an aner potentiell Entwécklungsméiglechkeete blockéiert hätt. Dowéinst hu mir de Referendum net ënnerstëtzt.

Dann musse mer och kloer stellen, dass mir dës Positioun net hunn, well mir dem Educatiounsminister net wëllen op d’Féiss trëppelen. Mir als DP Stengefort sinn dofir, dass eng ëffentlech regional Europaschoul zu Stengefort sollt gebaut ginn, an dëse Projet sollt kloer um Site op „a Backent“ realiséiert ginn.

Dëse Projet ass scho viru längerer Zäit am Gemengerot präsentéiert ginn, allerdéngs hunn sech déi aner Parteien net wierklech interesséiert gewisen. Fir eis eng vergonne Chance...

Mir bedaueren, dass am Interview eng Matschold fir d’Scheitere vum Referendum bei den anere Parteie gesicht gouf. Mir géife souwuel d’Oppositioun wéi och d’Majoritéit an der Gemeng dorëms biede keng Hypotheesen iwwert d’Positioune vun anere Parteien ze verbreeden ouni sech ze informéieren oder de Kontakt ze sichen. E gesonde politeschen Discours soll sech nämlech op Fakte berouen.

27/03/2026

🇱🇺 Léiw Biergerinnen a Bierger,

Mat de ganzen Diskussiounen déi an de leschte Wochen zur 🏫Zentralschoul waren, wollte mir als DP emol kloer Stellung huelen.

Mir plädéiere scho säit ville Jore fir eng Zentralschoul zu Stengefort, wat mir och an eise leschte Walprogrammer emmer nees festgehal hunn. Eng Zentralschoul huet vill Avantagen – virun allem fir eis Kanner:

👉 Eng modern Schoul besteet aus méi wéi just Klassersäll. Et brauch ee 🥗Kantinne, 📖Bibliothéiken, 🏃Sportssäll… Dës sollen fir all Kanner disponibel sinn an dat geet am beschten iwwert eng Zentralschoul
👉 Méi effizient Notzung vun Infrastrukturen a verhënnert de Besoin fir duebel Strukturen
👉 Keng konstant Deplacementer fir d’Kanner a Léierpersonal tëscht 2 Campussen
👉 Manner 🚗Verkéier, mat engem duerchduechten Verkéierskonzept

Mir wäerten de Referendum vun der CSV awer NET ënnerstëtzen aus dem einfache Grond, well e fir eis ze wäit geet. Mir si kloer fir eng Zentralschoul, mee mir soen NEE zum Site „a Backent“ fir dës Schoul an och ganz kloer NEE zum Projet deen d’CSV direkt mat virschléit!
Mir als DP sti fir fir eng verantwortungsvoll an nohalteg Schoulpolitik:
👉 eng Zentralschoul, déi pädagogesch iwwerzeegt,
👉 finanziell machbar bleift
👉 an op laang Siicht am Interessi vun eise Kanner an eiser Gemeng läit.

Fannt eis detailléiert Positioun ënnert dësem Link: https://www.dp.lu/stengefort/

🇫🇷 Chères concitoyennes, chers concitoyens,

Avec toutes les discussions autour de 🏫l’école centrale au cours des dernières semaines, nous, en tant que DP, souhaitions prendre clairement position.

Nous plaidons depuis de nombreuses années pour une école centrale à Steinfort, ce que nous avons d’ailleurs toujours réaffirmé dans nos derniers programmes électoraux. Une école centrale présente de nombreux avantages – surtout pour nos enfants :

👉Une école moderne ne se limite pas à des salles de classe. Elle nécessite une 🥗cantine, des 📖bibliothèques, des 🏃salles de sport… Ces infrastructures doivent être accessibles à tous les enfants, ce qui est le mieux garanti par une école centrale.
👉 Une utilisation plus efficace des infrastructures, évitant la création de structures en double.
👉Plus de déplacements constants pour les enfants et le personnel enseignant entre deux sites.
👉Moins de 🚗trafic, grâce à un concept de mobilité bien pensé.

Nous ne soutiendrons toutefois pas le référendum proposé par le CSV, pour la simple raison qu’il va trop loin à nos yeux. Nous sommes clairement en faveur d’une école centrale, mais nous disons NON au site « A Backent » pour cette école, et tout aussi clairement NON au projet que la CSV propose directement avec celui ci.

En tant que DP, nous défendons une politique scolaire responsable et durable :
👉une école centrale qui convainc sur le plan pédagogique,
👉qui reste financièrement réalisable,
👉et qui, à long terme, sert les intérêts de nos enfants et de notre commune.

Vous trouverez notre position détaillée sous ce lien : https://www.dp.lu/stengefort/

21/03/2026

Eng propper Gemeng ass eng flott Gemeng! De Moie frei ware mer scho ganz aktiv an hu fleisseg eng Hand ugepak bei der grousser Botz.

03/03/2026

Mir soen Iech all e grousse Merci dass du zu souvill op eise Kéisowen komm sidd. Et war wéi all Joers e ganz flotten Owend a mir freeën eis schonn op déi nächst Editioun!

09/01/2026

E grousse Merci un all eis Kollegen déi et op eise Neijoerschpatt komm ass an mat eis ugestouss huet.

Mir freeën eis op 2026 a stinn weider fir d’Bierger vun der Gemeng Stengefort an.

Adresse

10, Rue De Koerich
Steinfort
L-8437

Site Web

https://www.dp.lu/stengefort/

Notifications

Soyez le premier à savoir et laissez-nous vous envoyer un courriel lorsque DP Gemeng Stengefort publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.