Lycée Aline Mayrisch Luxembourg

16/09/2026

The LAML teachers are ready! 💯

14/07/2026

🇱🇺🏆🇪🇺 Eis Schüler op der europäescher Entreprenariat-Final zu Riga!

Nodeems si Enn Mee d'national Final vun de Mini-Entreprisen gewonnen haten, hunn déi véier Schüler vun der Mini-Entreprise SoilStallion – Pierre, Amin, Samuel an Ilias – Lëtzebuerg um GEN-E Festival 2026 zu Riga (Lettland) vum 7-10. Juli vertrueden.

GEN-E ass dee gréissten Entrepreneuriatsfestival fir Jonker an Europa. Eis Schüler hunn sech do mat de beschte Mini-Entreprisen aus 39 Länner gemooss – mat hirem Produkt: engem 100 % natierlechen Dünger op Basis vu Päerdsmëscht, deen zertifizéiert ass a mat engem selwer entwéckelte Produktiounsprozess hiergestallt gëtt. 🐴🌱

Um Programm vun dëse véier intensiven Deeg stoungen d'Presentatioun vum Dossier, e Pitch op der Bün virun enger internationaler Jury an en Ausstellungsstand. Dobäi koumen och vill flott Begéinunge mat Jonken aus ganz Europa, d'Entdeckung vun der Alstad vu Riga a letteschen Entreprisen, flotten Owender an de Gala-Dinner mat Präisiwwerreechung, un deem ënner anerem och lettesch Ministeren deelgeholl hunn. ✨

Eis Schüler hunn eng exzellent Leeschtung gewisen, op déi si mat Recht houfreg kënne sinn. 👏

Grouss Félicitatiounen un d'ganz Equipe vu SoilStallion! 💚

11/07/2026

10/07/2026

Gëschter war eis traditionell Sportleréierung am Amphi. Zahlreich Laseldiplomer an Entréetixs fir an d’Schwemm si verdeelt ginn. Um Schluss offréiert eis Direktioun och nach eng 🍦.

Am Iwwerbléck:

Beschte Sportler: Luca Cortolezzis mat 19 Lasel Aktivitéiten an 110 Sportsektiounspunkten

Bescht Sportlerin: Chloé Etienne mat 10 Lasel Aktivitéiten an 94 Sportsektiounspunkten

Sportlëchst Klass: 7C7

Sportlëchst Klass (net Sportklass): 5C2L2

All eisen Athleten e riese grousse MERCI eis Schoul esou grandios vertrueden ze hunn💪!

09/07/2026

De Prix Aline Mayrisch goung dëst Joer un d'Carlotta D’Alimonte, de Karim Pereira, d'Maé Preponiot an d'Lou Bodson. Aus den 2e Klassen haten sech acht Schüler a Schülerinnen dëst Joer mat hirem LAML CV fir de Präis beworben. Di Véier goufen ausgewielt fir hier aussergewéinlecht Engagement fir de Lycée: De Karim an d’Carlotta fir hiren villsäitegen Asaz iwwer di lescht Joren, d’Maé fir säin künstlerescht Engagement an d’Lou fir seng Aktivitéiten am Beräich Solidaritéit. Bei enger feierlechen Zeremonie am Amphi kruten si dëse Mëttwoch vun der Direktioun an dem Vertrieder vun de Amis de Colpach, dem Här Olivier Franck, hier Präisser iwwerreecht. 👏👏

09/07/2026

En Dënsden Owend war ët dunn souwäit: Eis LAML 1ère Schüler/innen kruten hiren Diplom iwwereecht 🤩👏🎊 Merci der Ministesch Martine Deprez (eng fréier LAML Proff) fir hir Präsenz bei desem feierlechen Moment! Mir wënschen eisen Schüler/innen all Guddes fir d'Zukunft a datt mir si nach dachs am LAML rëmgesinn!

09/07/2026

Ce lundi nous avons remis les bulletins à nos élèves de 5AD, 5G et 5P lors d’une cérémonie avec de la joie, de l’émotion et de la fierté. Nous leur souhaitons beaucoup de bonheur et de chance dans leur vie future

08/07/2026

Während dem Campusfest war dann och nach den traditionellen Fussballturnéier, Schüler géint Proffen. Eis Schüler gewannen 4-2! 🔥

08/07/2026

Here's a couple of snaps from today's Campusfest 🤩🌟🍟🌞