Piraten Lëtzebuerg

Page d'Accueil
Luxembourg
Kopstal
Piraten Lëtzebuerg

Mir setzen eis fir jidderee vun der Gesellschaft an, net nëmme fir déi, déi et sech leeschte kënnen. heescht zesummen amplaz géinteneen.

D'Piratepartei Lëtzebuerg setzt sech säit der Grënnung am Oktober 2009 fir Biergerrechter an, e verbesserten Dateschutz a méi Privatsphäre fir Privatpersounen. Mir fuerdere méi Transparenz vum Staat, fräien Zougang zu Informatiounen a Bildung. Doriwwer raus fuerdere mer eng grondleeënd Reform vum Urheberrecht a Patentwiesen. Als Verfechter vum selbstbestëmmte Liewen setzen sech d'Piraten och fir d

'Recht op sozial Participatioun, fir d'Chancegläichheet vun alle Mënschen a fir eng Neutralitéit vum Staat géigeniwwer de Glawengemeinschaften an. Als Member vun enger internationaler Beweegung hellt d'Piratepartei Lëtzebuerg aktiv un internationale Konferenzen an Aktiounen deel. Grondleeënd Prinzip ass d'Basisdemokratie, déi all Member et erlaabt aktiv d'Zukunft vun der Partei mat ze bestëmmen.

12/06/2026

De Raymond Remakel war bei der fräier politescher Tribün beim RTL fir iwwert déi aktuell Tripartite zu Lëtzebuerg ze schwätzen, lauschtert eran 👇👇👇

11/06/2026

Zesummenhalt heescht och Verantwortung géintiwwer den nächste Generatiounen. 📊👨‍👩‍👧‍👦
Wann nei Ausgaben annoncéiert ginn, da muss och kloer gesot ginn, wéi se finanzéiert ginn a wat dat bis 2035 fir eis Scholde bedeit.
Mir brauchen Transparenz: Wat bezuele mir haut a wat bezuelen eis Kanner muer? 💶⚠️

09/06/2026

⚖️ Wa mol net d’Polizisten méi un d'Strofverfollegung gleewen, wéi soll d’Gesellschaft dann nach Vertrauen an d’Justiz hunn?
D'Gesetzer musse respektéiert ginn. E Rechtsstaat funktionéiert nëmmen, wann d’Leit d’Gefill hunn, datt Reegelen fir jidderee gëllen!
Wann d’Vertrauen an d’Justiz verluer geet, ass dat eng Gefor fir eis ganz Gesellschaft!
⚓ D’Politik muss endlech handelen, fir datt eis Justiz funktionéiert !

04/06/2026

✈️Eng direkt Fluchverbindung mat Kanada wier eng Chance fir Lëtzebuerg.
Eng gutt Verbindung mat Kanada erhéicht d’Konnektivitéit, stäerkt den Tourismus, d’Handelspartnere a mécht eisen Flughafen méi attraktiv.

02/06/2026

25 Joer Iwwergangsperiod? 🤨⏳
Dat ass keng Reform, dat ass e Verspriechen. An esou Verspriechen iwwerliewen hei am Land dacks net emol ee Regierungswiessel...
Mir Piraten fuerderen dofir endlech en integréierte Finanzplang mat kloren Zuelen an enger realistesch Strategie! 📊

28/05/2026

D’Mëttelklass gëtt ëmmer méi ënner Drock gesat. 😰
Ze vill verdénge fir Hëllefen ze kréien, mee ze wéineg fir komfortabel zu Lëtzebuerg ze liewen. An trotzdeem ass d’Wuert „Mëttelklass“ an der Ried vum Premier net eemol gefall.
Mir Piraten fuerderen elo konkret Entlaaschtungen: eng cibléiert Steierreduktioun, de Complément de vie chère méi séier an eng Upassung vum Steierbarème un d’Inflatioun. ⚖️

27/05/2026

D’EU schafft aktuell um neien „Digital Identity Wallet“. Fir eis Piraten ass dësen digitale Portmonni eng gutt Saach an e wichtege Schrëtt an d'Zukunft. Seng Dokumenter sécher a modern um Handy ze hunn, mécht den Alldag dacks méi einfach! 📲✅

De Problem entsteet awer dann, wann et an Zukunft obligatoresch gëtt, sech mat senger ID fir all einfache Klick am Netz ze identifizéieren! ⚠️👁️

Wann een op normale Websäiten, bei Online-Tools oder fir d'Liese vun engem Artikel op eemol eng digital Passkontroll oder e biometreschen Check brauch, geet d'digital Anonymitéit verluer. Am richtege Liewe weist Dir Äre Pass jo och net, fir an e Buttek ze goen oder eng Zeitung ze kafen. Firwat soll dat online anescht sinn? 🤔

Mir wäerten eis dogéint wieren, datt et eng digital Passkontroll kéint ginn, déi et verhënnert fräit an anonym am Internet ze surfen!

Wat mengt Dir? ⬇️

26/05/2026

Mir Piraten sinn fir een eenheetleche Waasserpräis zu Lëtzebuerg!
Aktuell bezuelen d’Leit, jee no Gemeng, ganz ënnerschiddlech Präisser fir hiert Waasser.
⚖️ Dat ass net fair!

25/05/2026

Am Piratepodcast schwätze mir iwwer aktuell politesch Themen, lokal Dossieren an alles, wat eis als Pirate grad beschäftegt.
Eng Stonn Diskussioun, Meenungen an Ablécker aus eiser politescher Aarbecht. 🏴‍☠️

Haut mat der Episod 2

21/05/2026

D'Regierung hëlleft just de Promoteuren amplaz vun de Leit an der Wunnengskris! 🛑🏠
An der Chamber hu mir et ganz kloer ugeschwat: Wann d’Regierung elo massiv Wunnengen iwwer de VEFA-Prozess opkaaft, ass dat näischt aneres wéi eng deier Rettungsaktioun fir d’Promoteuren. 💸❌
Vill Bauprojete si blockéiert well d'Präisser einfach ze héich sinn an dacks eréischt 20-30% verkaaft goufen. Amplaz datt d'Präisser sech elo um Maart normaliséieren an erofgoen, spréngt de Staat mat eise Steiergelder an an ënnerstëtzt dës iwwerdeiert Präisser kënschtlech!
Dat hëlleft kenger eenzeger Famill, déi verzweifelt no enger bezuelbarer Wunneng sicht. Hei ginn d'Risike vun de Promoteuren op de Staat an de Steierzahler iwwerdroen!
D'Piraten fuerderen eng fundamental Reform an eng reell Hëllef fir d'Bierger, amplaz vu Kaddoen un d'Immobiliebranche.

Adresse

1a, Route De
Kopstal
8184

Site Web

http://www.piraten.lu/

Notifications

Soyez le premier à savoir et laissez-nous vous envoyer un courriel lorsque Piraten Lëtzebuerg publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.