Anuradha Yahampath - අනුරාධා යහම්පත්

31/05/2026

බෞද්ධාලෝක වෙසක් කලාපයට සමගාමීව සමස්ත ලංකා බෞද්ධ සම්මේලනය මධ්‍යස්ථානයේ මූලිකත්වයෙන් පවත්වනු ලැබූ චිත්‍ර තරඟයේ සිතුවම් ප්‍රදර්ශන කුටිය විවෘත කිරීමට මා හට ආරාධනා කළේය. ඒ සඳහා සහභාගි විය.

31/05/2026

සමස්ත ලංකා බෞද්ධ මහා සම්මේලනය මගින් සංවිධානය කරන ලද බෞද්ධාලෝක වෙසක් කලාපය 2026.05.31 ආරම්භක පුණ්‍යෝත්සව අවස්ථාව සඳහා විශේෂ ආරාධිත අමුත්තෙකු ලෙස සහභාගී වීමට ලැබීම භාග්‍යයක් ලෙස සලකමි.
ඓතිහාසික සෙංකඩගලපුර රාජධානියේ රටේමුල්ල රාජමහා විහාරස්ථානයේ සිට වැඩමවා වඩා හිඳුවා ඇති සර්වඥ ධාතූන් වහන්සේ අභියස පැවති ආගමික වතාවත්වලට එක්වීමටත්, බෞද්ධාලෝක වෙසක් කලාපය ආලෝකමත් කරන මෙම පුණ්‍යමය අවස්ථාවට සහභාගී වීමටත් ලැබීම මහත් සතුටකි.

30/05/2026

දෙරණ 24 පැයේ බත් දන්සලට සහභාගී විය.

#දැහැමිදැයක්

30/05/2026

කොළඹ සර්වජන තරුණ පෙරමුණ සංවිධානය කළ රොටි දන්සල සඳහා සහභාගි විය.

#දැහැමිදැයක්

30/05/2026

ලෝකවාසී බෞද්ධ ජනතාව තථාගත බුදුරජාණන් වහන්සේගේ තෙමඟුල සිහිපත් කරමින් වෙසක් පොහෝ දිනය සමරන උතුම් අවස්ථාව අදයි.

මෙම පින්බර වෙසක් පොහෝ දිනයේදී ඔබගේත්, ඔබේ පවුලේ සැමගේත් සිත්සතන් දයාව, කරුණාව, මෛත්‍රිය සහ ප්‍රඥාවේ ආලෝකයෙන් පිරි ඉතිරේවා!

සියලු ලෝකවාසී ජනතාවට සාමය, සතුට සහ සෙත සලසන පින්බර වෙසක් මංගල්‍යයක් වේවා!

– අනුරාධා යහම්පත්

29/05/2026

29/05/2026

දෙහිවල බෞද්ධ මධ්‍යස්ථාන විහාරස්ථානයේ පැවති වාර්ෂික ශ්‍රී සම්බුද්ධත්ව ජයන්ති මහා පෙරහැර සමාරම්භක අවස්ථාවට සහභාගි වීමට ලැබීම මහත් භාග්‍යයක් විය.

මෙම උත්කර්ෂවත් අවස්ථාව සඳහා මා හට ආරාධනා කළ සංවිධායක මණ්ඩලයටත්, අක්මීමන දයාරතන නායක ස්වාමීන් වහන්සේටත් මාගේ හෘදයාංගම ගෞරවය හා ස්තුතිය පුද කරමි.

28/05/2026

"ඉද් මුබාරක්!"
ඉස්ලාම් දින දර්ශනයේ
වඩාත් සුවිශේෂ දිනයක් වන "ඊද් උල් අද්හා" ශුද්ධ වූ හජ්ජි අවුරුද්ද ශ්‍රී ලංකා වාසී සියලුම මුස්ලිම් ජනතාවට සාමය සතුට සෞභාග්‍යය උදාවේවායි පතනවා. ඒබ්‍රහම් නබි තුමාගේ දේව භක්තිය හා කැපවීම සටහන් කරන මෙම උතුම් දිනයේදී ලොව පුරා මුස්ලිම්වරුන් හජ් වන්දනාව සඳහා ශුද්ධවූ මක්කම වන්දනාව සදහා ද සහභාගි වෙති.
අල්ලාහ් දෙවියන් වහන්සේට ගෞරව භක්තියෙන් යුතුව, ආගමික කාර්යයන්ට ප්‍රමුඛත්වය දී ඉටුකරන ශුද්ධවූ හජ් දිනය
සියලුම ඉස්ලාමීය බැතිමතුන්ට සාමය සතුට සෞභාග්‍යය පිරි ප්‍රීතිමත් දිනයක් වේවායි ප්‍රාර්ථනය කරමි!

"ஈத் முபாரக்!"
இஸ்லாமிய நாட்காட்டியின் மிகவும் சிறப்பு வாய்ந்த நாளான புனித ஹஜ் நன்னாளில் , இலங்கையிலுள்ள அனைத்து முஸ்லிம் மக்களுக்கும் அமைதி, மகிழ்ச்சி மற்றும் மேன்மை வேண்டி நான் வாழ்த்துகிறேன்.

புனித நபி பெருமானாரின் பக்தி மற்றும் அர்ப்பணிப்பை நினைவுகூரும் இந்த புனித நாளில், உலகெங்கிலும் உள்ள முஸ்லிம்கள் ஹஜ் புனிதப் பயணத்திற்காக புனித நகரமான மக்காவிற்கு புனித யாத்திரையில் பங்கேற்கிறார்கள்.

அல்லாஹ்வுக்கு மரியாதையுடனும் பக்தியுடனும், மத நடவடிக்கைகளுக்கு முன்னுரிமை அளிக்கப்பட்டு, செய்யப்படும் புனித ஹஜ் நாளில், அனைத்து இஸ்லாமிய பக்தர்களுக்கும் அமைதி, மகிழ்ச்சி மற்றும் செழிப்பு நிறைந்த இனிய நாளாக அமைய வாழ்த்துகிறேன்.

Eid Mubarak!

May this blessed day of Eid al-Adha be a joyful and meaningful celebration for the Muslim community in Sri Lanka, filled with happiness and prosperity.

This holy occasion commemorates the sacred sacrifice by Prophet Abraham and unites Muslims around the world in faith, devotion, and the spiritual journey of Hajj to the sacred city of Mecca.

May this sacred day, observed with deep devotion to Almighty Allah, bring fulfillment and happiness to all followers of Islam.

25/05/2026

රත්මලාන ශාසනාරක්ෂක බල ප්‍රදේශයේ දහම් පාසල් 27ක සිසු සිසුවියන්ගේ සහභාගිත්වයෙන් බොදු බැති ගී සරණියක් ඊයේ සවස අත්තිඩිය පොළ භූමියේ දී පැවැත්විණි.

බෙල්ලන්විල ධම්මරතන නායක ස්වාමීන් වහන්සේ ප්‍රමුඛ මහා සංඝරත්නය, පාර්ලිමේන්තු මන්ත්‍රී සමන්මලී ගුණසිංහ, හිටපු අමාත්‍ය චන්න ජයසුමන ඇතුළු විශාල පිරිසක් සමග දරු දැරිවියන්ගේ දක්ෂතා ඇගැයීමට මම ද එක් වීමි.