24/05/2026
💧🇱🇰 රත්මල් කණ්ඩිය ජල සම්පාදන යෝජනා ක්රමයේ වැඩ ආරම්භ කෙරේ 🇱🇰💧
රාජ්ය පරිපාලන, පළාත් සභා සහ පළාත් පාලන අමාත්යාංශය යටතේ, ජපන් ජාත්යන්තර සහයෝගිතා ආයතනය (JICA) සමඟ ක්රියාත්මක කරන “නැගී එන කලාප වල ග්රාමීය යටිතල පහසුකම් සංවර්ධන ව්යාපෘතිය (RIDEP)” යටතේ උතුරු මැද පළාතේ රත්මල් කණ්ඩිය ජල සම්පාදන යෝජනා ක්රමයේ වැඩ කටයුතු ආරම්භ කිරීම 2026.05.23 දින සිදු කෙරිණි. 💙
මෙම ව්යාපෘතියේ මූලික අරමුණ වන්නේ මුදුන්ගම උප ව්යාපෘති ප්රදේශයේ ජනතාවට ආරක්ෂිත හා ප්රමිතියෙන් යුතු පානීය ජලය ලබාදීම මඟින් ඔවුන්ගේ ජීවන තත්ත්වය ඉහළ නැංවීම, ආර්ථිකය ශක්තිමත් කිරීම සහ දරිද්රතාවය අවම කිරීමයි.
📍 ව්යාපෘතිය ක්රියාත්මක වන ප්රදේශය: මුදුන්ගම ග්රාම නිලධාරී කොට්ඨාශය (GND 298)
📍 ආවරණය වන ගම්මාන: රත්මල් කණ්ඩිය, මුදුන්ගම
🏠 2026 වන විට ගෘහ 787කටත්, 2035 වන විට ගෘහ 900කටත් මෙම ව්යාපෘතියේ ප්රතිලාභ හිමිවීමට නියමිත අතර, ජනගහනය 2990 සිට 3419 දක්වා ප්රතිලාභ ලබනු ඇත.
💰 සංශෝධිත කොන්ත්රාත් වටිනාකම රු. 248,567,820.70ක් වන මෙම ව්යාපෘතිය 2027 අප්රේල් මාසය වන විට නිම කිරීමට සැලසුම් කර ඇත.
🔹 ව්යාපෘතියේ ප්රධාන සංවර්ධන කටයුතු:
✅ දිනකට ඝන මීටර් 1800ක ධාරිතාවයෙන් යුත් වායුකාරකයක් ඉදිකිරීම
✅ ඝන මීටර් 200ක ජල ගබඩා ටැංකියක් ඉදිකිරීම
✅ රළු පෙරහන් පද්ධති දෙකක් ඉදිකිරීම
✅ ජල පොම්ප හා ක්ලෝරිනේටර් පද්ධති සවි කිරීම
✅ කිලෝමීටර් 9.8කට ආසන්න HDPE හා uPVC ජල නල පද්ධතිය එලීම
✅ සූර්ය බලශක්ති පද්ධතියක් සවි කිරීම
✅ ආසන්න වශයෙන් ගෘහ 720කට නොමිලේ ජල සම්බන්ධතා ලබාදීම
💦 මෙම ව්යාපෘතිය මඟින්:
✔️ ආරක්ෂිත පානීය ජලය ලබාගැනීම පහසු වේ
✔️ පානීය ජලය සඳහා වැයවන අමතර වියදම් අඩුවේ
✔️ ජලයෙන් බෝවන රෝග අවම කිරීමට හැකිවේ
✔️ ප්රදේශවාසී ජනතාවගේ සෞඛ්ය හා ජීවන තත්ත්වය ඉහළ යයි
මෙම අවස්ථාවට නිවාස, ඉදිකිරීම් හා ජල සම්පාදන ගරු නියෝජ්ය අමාත්ය ටී.බී. සරත් මැතිතුමන්, පොලොන්නරුව දිස්ත්රික් පාර්ලිමේන්තු මන්ත්රී ගරු සුනිල් රත්නසිරි මැතිතුමන්, දිඹුලාගල ප්රාදේශීය සභාවේ සභාපති ගයාන් චතුරංග මහතා, ප්රාදේශීය සභා මන්ත්රීවරුන්,දිඹුලාගල ප්රාදේශීය සභාවේ ලේකම්තුමන්, රජයේ නිලධාරීන් සහ ප්රදේශවාසී ජනතාව එක්ව සිටියහ. 🤝💧
